وعارفة ليه

a7med -3del · منذ /05-23-2014, 04:52 PM

[ALIGN=CENTER]
وليكى حق
تدوسى على قلبى اوى وتعذبيه
كان ليا حق
وانا اللى ياما سامحت فيه
وعارفة ليه
عارفة ليه قلبى ضعيف
علشان دى غلطة من البداية
من اول يوم فى علاقتنا
كان لازم اكتب انا النهاية
وضعيف
ضعيف اللى يشوف
الدنيا بحالها هيا
اللى يقبل على نفسه
يعيش من غير شخصية
وملعون الحب اللى يخلى
كل الاحلام ملغية

كنت راضى عذابى جمبك
علشان فراقك
عندى اصعب
ايوة خايف اكون جرىء
اقولها كلمة
وارجع اتعب

ومابين خوف وخوف
بستسلم للظروف
وازاى هاقدر اشوف
وعيونى مغمضين

وعشان ماليش اى اهمية
قبلت عادى اكون ضحية
ولما فتحت عينايا
كانت فاتت سنين
اضطريت اعيش واسلم
ارفض اقبل
مش بتكلم
وياريت كان قلبى اتعلم
ولا قلبك حس بيا
وضعيف
ضعيف اللى يشوف
الدنيا بحالها هيا
اللى يقبل على نفسه
يعيش من غير شخصية
وملعون الحب اللى يخلى
كل الاحلام ملغية
a7med adel
23\5\2014[
/ALIGN]

Eng Esraa · منذ /05-23-2014, 05:14 PM

تسلم ايدك يا احمد ع كلامك
الجميل و طرحك الراقي
موفق ان شاء الله

.نبض القلوب. · منذ /05-23-2014, 05:40 PM

الحب ما هو إلا أحترام للذات و حضور لشخصية نصفها هو و نصفها هى ..
لا ينقص لا هذا ولا هذه ..

قلم راقى ,, أحترمته و بشدة
أتمنى لك السعادة
دمت ..

CAN _ 7LM · منذ /05-23-2014, 06:21 PM

كلام جميل
تسلم الأيادى

شاعر الإحساس · منذ /05-24-2014, 12:12 PM

الحُب احترام وتقدير ومكراعاه من الجانبين

وفعلاً زي ماقلت لو اداس على النقطه دي

هيقتل الحب..وهيخلي صاحبه يمِل منه...

الثقه والتقدير والاحترام المتبادل اساس اي علاقه

احمد عادل...

مميز بعاميتك السلسه ودي عادتك

دايماً حروفك ررائعه ..واسلوبك شيق جداً

وطريقتك عذبه خاليه من التشوش

وسرعة ابياتك سر جمالها

دام نبض قلمك

تحياااتي وتقديري واحتر امي

دمت بخير

شاعر الإحساس