حكايات وبنعيشها ( Relationships )(الجزء الثانى)

[حَرفُُ هجآءّ]

السلام عليكم ورحمة الله وبركاته

حكايات وبنعيشها

الحلقة دى تكملة للحلقة اللى فاتت

واللى حابب يشوف الحلقة الاولى


اهى

http://forums.banatmisr.com/msryat470750/#post4466940


نكمل بئا





طبعا زى ما الحلقة اللى فاتت شوفنا انواع من

الشباب اللى بنشوفه وخصوصا فى الصيف

نيجى بئا للبنات






البنت التنكه


البنت دى بئا مقتنعة تماما ان وشها وجسمها لما اتركبوا على بعض بئت صاروخ وهى اصلا ممكن متكونش كده خالص بس اهى عايشه فى الدور










البنت المحروقة



واحيانا تسمى أبو الغضب













البنت المنفسنه



ودى أى وحدة هتغلط وتعدى ادامها هتتفلى ويطلع فيها القطط الفطسانه
كلاكيعو








انا منفسنة اذاً انا موجوده







البنت الشرقانة



ودى بيتلخص دورها فى انها بتتحول للبواب أو الاوفيس بوى









البنت الوحشه



ودى بتتعامل مع الحياة من مبدء اللى يجى مصلحة
شعارها ( هات فلوس )
وديما تسمع منها ( الواد اللى راكب البى ام ده اسمه ايه )











البنت العطلانة




ودى مطلوب منك كشاب تروحلها مثلا من المهندسين للزمالك عشان تعديها الشارع


انا تايهه ومش عارفه انا فين









البنت التاكسى




ليها فى اى حاجة اللى بيشاور هو وحظه بئا








البنت الحديدة







كده الحلقة خلصت

دول مجموعه من السحن اللى ربنا يجعل كلمنا خفيف عليهم


وطبعا كل بنت وكل شاب عندهم طموحات كتيرة وفى الصيف بالذات بتكون الطموحات دى غير واقعية خالص


وفى الصيف الناس بتنزل الشارع بنوايا معينة
الانطوائى عايز يقابل ناس
السنجل عايز يصاحب
واللى مصاحب عايز يفركش ويصاحب حد اجمد من اللى كان معاه





واول نصيحة كده افكسوا لاى مشهد رومانسى فى وقت مش طبيعى بالنسبالك

لانك فى الاخر هتتصدم وتلبس فى الحيط


مفيش حد هيوقف ماتش عشان واحد يقف فى وسط الاستاد عشان يقول لوحدة انا بحبك والناس هتقف تصقف


ده لو عديت ادام اتنين بيتفرجوا على ماتش هيطلع عينك


ولا البنت هتلحق مثلا تروح لحبيبها قبل ما يتجوز وحده تانية فى الفرح عشان تقوله انا اتأكدت انى بحبك وسيب البنت اللى معاك دى والمعازيم هتقف وتتأثر بالمشهد
( لان لو روحتى هتتجابى من شعرك )



وانت بردوا لو فكرت تروحلها بيت اهلها وطلع ابوها ولا اخوها ( بردوا هتتجاب من شعرك )



خلاصه الكلام


الهبل اللى فى الافلام ده مبيحصلش
الحياة ابط من كده بكتير


اللى بيحصل فى كل صيف


الشباب والبنات بيبئوا خارجين من الشتا مشحونين كئابة ووحده وجواهم مشاعر جميلة واوفر فى نفس الوقت


فانت كشاب بتشوف وحدة مزة ولا جسمها جامد وانت على شعراية اصلا فبتتخيل فى دماغك ان هى دى اللى بتدور عليها طول عمرك ( كل ده من الـ 5 ثوانى اللى شوفتها فيهم )


والبنت مش كل واحد بينك وبينه 20 كومنت على الفيس بوك وعامل لايك لنفس البيدج يبئا هو ده الشخص اللى بتتمنيه
وهو ده the one
وهو ده اللى هيجبلك فستان الفرح من فرنسا وهو ده اللى هياخدك ويقضى شهر العسل فى بورا بورا

الطبيعى انك تتأكدى انه كويس وراجل قبل ما تقرر انك تخوضى التجربة وتقولى لاصحابك ان ده الشخص اللى بتتمنيه


فكرة اننا بنتشد لما بنشوف حد جميل هى المشكلة الرئيسية لانها فى النهاية علاقه فاشلة وبيخلض الكلام
على ان الشباب ياما بيدخن وبيسكر
والبنات بتاكل شيكولا او بتدخن بردوا وبتسكر


والمشكلة التانية ان كل واحد بيئا عايز يبين للتانى انه اجمد حاجة فى الدنيا
هى عايزه تبان انها برنسس
وانت البرنس والحياة خروجات وتمثيل وغنى ورقص

كلمة اخيرة
ياما هيورد علينا اشكال بلاش تاخدوا الموضوع على صدركوا اوى



انتهى

يارب الجزء ده يعجبكم

[Silver Flower]

ده إنجليزي يا أسيل
لا انا بدي أتعلم مصري:d

[حَرفُُ هجآءّ]

اقتباس المشاركة الأصلية كتبت بواسطة silver flower ده إنجليزي يا أسيل لا انا بدي أتعلم مصري:d

هههههههههههههههههه تابعى الجزء الاول انتى هتفهمى
الجزء ده

[phalsteen]

دا مش موضوع كوميدي
دا واقع
وانتي اتفوقتي بعرضه باسلوب ساخر
موضوع مميز
وعجبتني الفكرة اوي
موفقه

[ساحر الأحزان]

البت المنفسة

والبت المهيسة

والبت الشرانية

قاموس كبير

ملوش نهاية

حلقة جميلة يا مديرة الجمعية النسائية

[Eng Esraa]

ليه متكلمتيش عن البنت المحترمة ..
تسلمي

[ع ـكس قانونه]

واااايد حلوه الحلقة
تحكى واقع الحياة

[♥SaRa]

والله يـا أسيل انتي حد عثل
بعد النميمة عـ انواع البنات ..:d
جبتي الملخص المفيد فـ النهاية
والخلاصة بجد
فعلاً اي حاجة مش ممكن تبقي حقيقة
وخصوصا الافلام دي كلة كلام هجس مجرد انهم
بيأكلوا عقلنا بية
وان خصوصاً الايام دي بيحصل فيها كمان كذب كتير من الشباب او البنات
بسبب اللعب فـ العقول من الافلام
ومش اي حد يقولك بحبك يبقي خلاص دهـ جوزك
لأن الكلمة سهلة لكن الفعل صعب
لكن لما يبقي في دبلة الخطوبة فأيدك يبقي كدة
دة الحد الصح وكمان مش شرط دبلة الخطوبة بس
لأن ممكن يكون عادي عندهـ انة يفسخ ويتسلي
الاهم هي دبلة الزواج
الي ربنا يجعلها للي فعلاً يستحقوها
بجد توبيك جامد يا قمر
تقيمي +*****
المتواضعة

[العاشق الذى لم يتب]

والله ماقصرتى يادكتورة اسيل
عملتى اللى عليك وزيادة
وشرحت بالتفاصيل
نماذج كتيرة من بنات وشباب اليومين دول
وبجد كل اللى اتكلمتى عليه هنايستحق الإعجاب والتعجب فى نفس الوقت
اناعاوز الكل يدعى ويقول يارب
اصلح حال شبابنا وبناتنا
شكرا اسيل
بارك الله فيك
تستحق النجوم *****
والتقييم
والتحية والتقدير
مع مودتى

[حلم عمري]

جميلة اوووي
جبتي تقريبا اغلب انواع البنات وصفاتهم بالظبط
وبجد عجبني الكلام اللي قلتيه في الاخر
هو دا الملخص المفيد زي ما بيقولوا
الفكرة جميلة اسيل تسلمي