حوار خــــــاص مع Aya 7ekaya

[phalsteen]

مساء الخير واهلا بكم في حلقه جدية من برنامجكم حوار خاص معانا النهاردة عضوة مميز جدا وانسانه بتتميز بهدوء فريد وطابع خاص مشهورة برسمها الجميل وفنها الراقي محبوبة من الجميع وخصوصا مني لان اسمها غالي اوي بئه طالع عينها في الدراسه وبندعلها كلها نشوفها احلي مهندسه ديكور وحاجات حلوة ولا ايه ايوشا تــــــــــعالوا نشوف حوارنا مع أية : Aya 7ekaya مساء الخير ايوشا اهلا بيكي في حوار خاص جهزة يا حجة ايون جايه اهو قولنا اللي منعرفوش عن آية ؟ اللى مايعرفهوش كتير من الناآس عن آية انى مش بس الشخصيه الهاديه او " الوردة الخجوله " انا بحب اضحك كتير وبهيس كتير بس مش مع كل الناس وهنا ف المنتدى ناس كتير واخده فكرة الهدوء بس طبعا مش هنكر انى هاديه وكل حاجة بس مش مع اصحابى ليه اخترتي دراسة الهندسة ؟ لا انا مش بدرس هندسه انا فى فنون جميله اه ممكن يتقال عليا مهندسه فيما بعد يعنى ان شاء الله بعد التخرج ^^ شكلك مدي ع هندسه ايه رأيك ممكن توافقي ع الارتباط وانتي لسه بتدرسي وايه رأيك في الفكرة عموما ؟ الارتباط اللى هو ايه ؟ لو خطوبه ف ده عادى اما لو جواز ف لا طبعا خصوصا ان كليتى مش ساهله ومش هينفع اكون مسؤله عن بيت مش هقدر اكون قد المسؤليه دى لو ارتبطي بحد بتحبيه وبعد الجواز اصر انك تلبسي نقاب ؟ اممممممم سؤال صعب انا مش بعترض على النقاب لكنى مش حابه البسه بس ممكن وقتها يضحك عليا واوفق حبيتي او بتحبي في الوقت الحالي ؟ حب بمعنى حب لا ممكن اعجاب زمان ف فترة الثانوى كده لكن دلوقتى لأ والحمد لله ^^ ايه رأيك في الحب ؟ الحب احساس جميل مافيهاش كلام لكن مش موجود حاليا يعنى مش شايفه ان فى حاجة اسمها حب غير بعد الجواز علشان بيكون فى استقرار ممكن يكون للنت تأثير على حياتك وعلاقاتك بباقي الناس ؟ النت فعلا اثر ف حياتى بشكل كبير لان اول مادخلت عالم النت تقريبا ولا كان ليا اصحاب ولا بعرف اتكلم مع حد لما بدأت اعرف الناس او اكون اصصحاب كان ع النت وللأسف ده شىء مش كويس لانى حتى الان ممكن اتعامل مع اشخاص مع على النت بشخصيه ولو قابلتهم بتكون شخصيتى مختلفه والسبب ف كده خوف اهلى الزياده انهم كونو جوايا شخصيه انطوائيه ايه هي امنتيتك يا ايه ؟ امنيتى انى انجح ف دراستى وادخل القسم ال انا حاباه اتخرج واشتغل ف مجالى واطلع امى عمرة او حج وبعد كده يكون عندى اسره بسيطه مبنيه على الحب والتفاهم مين الانسان اللي تتمنيه دايما جنبك ؟ امى مفيش حد غيرها ممكن احتاجة جنبى بعد ربنا ايه اجمل صفه ممكن تميز الانسان في نظرك ؟ الصدق لان الصفه دى بتندرج تحتها صفات حلوة كتير زى الامانه طب واسوأ صفه ؟ الخبث دى صفه وحشه اوى وزى الصدق بردو بتجمع صفات كتير منها الكذب آيه اجتماعية ولا انطوائيه؟ انطوائيه لما تشوفينى لاول مرة بعدها بكون اجتماعيه جدا وامته تفضل آيه الهروب من المواجهة ؟ لا انا مش بحب اهرب عموما لانى بكره الطريقه دى لكن لما احس بغباء اللى قدامى وانى ممكن اخرج عن شعورى بنسحب ايه هو اسعد لحظه مريتي بيها؟ لحظة نجاحى ف الثانوية العامه ^^ سهل ان حد يشوف دموعك وامته دموعك تغلبك يا آية ؟ لا انا مش بعرف اعيط قدام حد غير لو المشكله كبيرة اوى علشان كده كتير من الناس بتفهم انى مش بحس منهم امى في ساعه جرحك او حزنك لقدر الله بتحكي وبتتأمني مين مين اقربلك وقتها ؟ مش ديما بحكى علشان مفيش حد هيحس بيا غير نفسى بس ممكن اكتر واحده بروح احكلها هى رنآ هشام ال كانت مشرفه القسم الاسلامى قبل كده ايه اكتر ما يميز آدم في نظرك ؟ الاحترام والحنيه وخفه الدم بما انك امورة بئه ومهندسه اد الدنيا ايه احلامك ؟ انتى اللى قمر ^^ احلامى هى نفس امنيتى ال كتبتها فوق ^^ بث يا بت بتكسف اهو انتي بئه وياتري حققتي منها ايه ؟ حققت انى دخلت الكليه دى واللى قررت انى احول منها اكتر من مرة ايه نقطه ضعفك ؟ دموع امى او انى اشوف طفل بيبكى عموما يعنى وجع اى حد بحبه دى نقطه ضعفى بتخافي من الضعف وليه ؟ اى حد بيخاف يكون ضعيف وامته تضعفي وقدام مين ؟ اضعف قدام ربنا بس لما احس انى عملت ذنب ايه رأيك في البنت الجريئه وياتري ايه الفرق بين الجرأة والقوة في نظرك ؟ وايه الحدود اللي لازم تتقيد بيها البنت ؟ لا انا مش بحب البنت الجريئه البنت جمالها تكون خجوله القوة بتكون قوة شخصيه يعنى بتقدر تتحكم ف تصرفاتها وتجبر ال قدامها يحترموها باحترامها الجرأة هى ان البنت ممكن تتصرف بطريقه اذه تخلى الل حواليها يستغربوها الحدود ان مفيش حد مهما كان يقدر يتعدى الخط الاحمر ال مفرود تكون رسمته لنفسها يعنى الهزار والضحك الكلام الزواج بالنسبة لايه يعني ايه ؟ استقرار امان مسؤليه اطفال بتحبي الاطفال ؟ جدااا انا عشقى هم الاطفال ايه اكتر الاسماء اللي بتعجبك ؟ حنين وعمر ويوسف دول اسماء اولادى ان شاء الله ^^ ان شاء الله بئه خليني افرح فيكي ليكي مساحه خاصه تفضفضي باللي جواكي اللى جوايآ والحمد لله انى بقالى فترة فرحانه من غير اى اسباب وبضحك جدا ومتفائله بالخير وواثقه جدا ف ربنا .. الحمد لله يارب دايما يارب ايه رأيك في حوار خاص ؟ برنامج جميل جدا وانا اعتبرتها فضفضه فعلا واخدت راحتى خالص طب ممكن تجبلنا موافقه عضو / عضوة ع مزاجك انتي ينورنا بعدك اوك هختار مرارم وهى وافقت اهون نورتينا بئه نورك ي سمسمه وبكـــــــــــدة خلصت حلقتنا مع الفنانه ورسامه المنتدي الجميله استنونا بئه مع البت الدحيحه اللي طالعه الاولي مرام هانم كنت معكم انا ام حمني تحياتي بئه اسيبكم في رعاية الله دايما

[العاشق الذى لم يتب]

حنين وعمر ويوسف
ربنا يجعلهم لك
ويرزقك بعلا صالحا
حوار جميل
آية شخصية مثقفة وعندها مواهب كتيرة
ربنايوفقك فى الدراسة ان شاءالله
اجابات عاقلة وصريحة
استمتعت معاكم
وشكرا سما للبرنامج الجميل
وربنايبعتلك اللى يسرقه
تحياتى

[وردة الاسلام]

حوار ممتع جدا بصراحه استمتع فيه يعطيكم العافيه

[سيناا]

ربي يحقق امنيتك آية وتنجحي وتعزمي كل المنتدى ع الحفل والتحلاية


وحضرتك من الناس الى زرعت اجواء حلوة هنا


استضافة ممتعه


تحياتي يختي

والتحية آيضا لصاحبة آجمل اللقاءات المشوقة ام محمد


يعطيك الف عافية

[&& برنسيسة المنصورة &&]

حوار رائع وممتع جدااااااااااااا
ربنا يوفقك اية
يسلمو نفرتيتي علي الاختيار المميز لاية
توبيك رائع جدااااااااااااا

[دمعه حائره]

الوردة الخجوله ده اسمك اول ماسجلتى هنا
وفاكره ايام قسم الخواطر لما عملنا مسابقه سوا وانتى لسه جديدة
انتى فعلا انسانه جميله وجمالك فى خجلك وادبك
ربنا يسعدك على طول حبيبتى ويوفقك فى دراستك
استضافه جميله سما تسلمى

[-esraa-]

حوار جميل وصريح
وإن شاء الله يا ايوش ربنا يرزقك بالزوج الصالح و9 عيال كده
عشان ارتاح منك

تسلمو يا فتيات
دمتم سالمين

[حلم عمري]

حلقة جميلة وهادية جدااا
يويو حبيب عمري انت ^^
بنوتة طيبة وجميلة اوووي واحيانا بردو رخمة
ياارب دايما مبسوطة كدة وربنا يوفقك في حياتك ودراستك واشوف اولادك بقا ان شاء الله
نورتي يا ميس ^^

سما البرنامج رائع كالعادة
تسلمي يا حبي
وفي انتظار البت مرام ان شاء الله

[ايمان طلعت]

حوار لذيذ مع ايه
ربنا يوفقك و يحققلك كل اللى بتتمنيه
بس بلاش يوسف لان كل يوسف شقى اسالينى انا
شكرا سما لحوارك الجميل

[الأميرة رودي]

حـوار جميل جداا
وآيه بنوته عاقله ودمها خفـيف وطيبه
ربنا يرزقك بكل شئ تتمنيه ياحبيبتي ويزقك بزوج صالح يارب
وتكوني موفقه فى دراستك وبجد انا معجبه اوي برسمك فنانه ومبدعه وليكي مستقبل هايل لو استغليتي موهبتك صح
ارائك عجبتني وموافقاكي فيها
ربنا يوفقك فى كل حياتك
استضافه رائـعه سمـا
متألقه دائما
تحيتي