مسابقة توقعات كأس العالم الكبري

[აα∂ Ԑγεა]

//// السلام عليكم ورحمه الله وركاته علي بعد ايام قليلة من الان تتجه انظار العالم كافة الي البطولة الاهم والابرز في عالم الكرة المستديرة " كأس العالم لكرة القدم البرازيل 2014 " طبعا طبيعي مع اي بطولة كبري ورغم انه الكورة بتتحسم في الملعب الا انه بيكون دايما الاتجاه للتوقعات من الجميع , كل الناس عندها توقعاتها وامنياتها للفرق المشاركة في البطولة ,, وفي القسم هنا حابين نقدم لكم مسابقة تخص دا لكن ,, بما اني حابب يكون كأس العالم معانا مختلف انا قررت اني هقدم مسابقتين توقعات مش واحدة ,, مسابقة عامة لتوقعات الفرق اجمالا ومسابقة لتوقعات المباريات كلها ودلوقت موعدنا مع " مسابقة توقعات كأس العالم الكبري " المسابقة عباره عن : توقعات الاعضاء للمتاهلين في البطولة من اول دور المجموعات حتي الفائز بالبطولة المشتركين : كل اعضاء المنتدي ليهم الحق في الاشتراك الطريقة : هطرح موقع بيقدم جدول خاص بالمسابقة وتقدر تملاه بتوقعاتك للبطولة البداية بتكون بانك بتملأ توقعاتك للمتأهلين في كل مجموعه كأول وثاني ,, ثم هيتم توزيعهم علي مكانهم الطبيعي بناء علي القرعه اللي تمت مسبقا ,, وهتتكون مواجهات دور ال16 مباشره ,, من خلال جدول مباريات دور ال16 تقدر تتوقع الفائز بكل مباراه هيتكون معاك مباريات دور الثمانية ,, تحدد الفائز في توقعك في كل مباراه يتكون مباريات دور الاربعه ,, توقع الفائز في دور الاربعه ثم الفائز بكأس العالم وصاحب المركز الثالث والرابع ,, طريقة الاشتراك في المسابقة : بعد اما تخلص جدول التوقعات الخاص بيك قم باخذ صورة له وابعتها في الخاص علي العضوية بتاعتي ,, المعاد : المسابقة متاحة لمدة اسبوع واحد فقط لا غير بداية من النهاردة ,, يوم الاثنين القادم هيتم قفل باب التوقعات وعمل توبيك خاص بتوقعات الاعضاء علشان من خلاله تراقبوا تقدمكم ,, الجوائز : دور ال16 كل توقع صحيح لوصول فريق لدور ال16 يساوي 25 مشاركة للعضو + 50 مشاركة و 1 نجمة سيلفرية لاكثر متوقع صحيح في الدور ,, دور الثمانية كل توقع صحيح لوصول فريق لدور الثمانية يساوي 50 مشاركة للعضو + 50 مشاركة و 1 نجمة سيلفرية لاكثر متوقع صحيح في الجولة ,, المربع الذهبي كل توقع صحيح لوصول فريق للمربع الذهبي يساوي 75 مشاركة + 1 نجمة سيلفرية للعضو النهائي كل توقع صحيح لوصول فريق للنهائي يساوي 100 مشاركة + 1 نجمة سيلفرية للعضو البطل توقع صحيح لبطل المسابقة يساوي 150 مشاركة + 5 نجوم سيلفرية + وسام المسابقة الان بعد توضيح كل شيئ يخص المسابقة موعدنا مع الرابط ,, Pronostico Mundial - | Olأ© واللي حابب يتعرف علي القوائم الكاملة للمنتخبات المشاركة ,, يقدر يتابع دا عن طريق الموضوع دا التشكيلات الرسمية للمنتخبات المشاركة بكأس العالم 2014 من خلال الموقع دا جهز توقعاتك واشترك في المسابقة بالتوفيق للجميع ,, اي استفسار انا موجود في انتظار اسألتكم او اشتراكاتكم ,, كل الشكر والتقدير لحوراء علي الخلفية الثلاثية الجميلة دي :] .

[აα∂ Ԑγεა]

//// طريقة التعامل مع الموقع : دي القائمة الرئيسة اللي هتظهرلك لما تدخل طبعا زي ماهو واضح فوق في البداية في جدول كامل لمجموعات البطولة تحته علطول في جدول كامل لطريق البطولة لحد تتويج البطل البداية بانك تختار مين هيترشح من كل مجموعه اول وثاني عن طريق سحب علم المنتخب لمكان المتأهلين اول اما تكمل توقعاتك لدور المجموعات الفرق هتاخد مراكزها بناء علي القرعه المسبقة وهتتكون قدامك مواجهات دور ال16 تقدر من خلالها بنفس طريقة السحب تختار توقعات للفائز في كل مباراه ومتأهلين دور الثمانية هيتكون معاك دور الثمانية بالمواجهات الخاصة بيه وتتوقع الفائز كذلك وهكذا لحد ما تتوقع الفائز بالمونديل ,, طريقة اخذ الصور لو حد مش عارف : اول لما يتكتمل معاك الجدول قم باخذ صورة له عن طريق الضغط علي الزرار دا في اللوحة بعدين عند اي صورة قديمة مش عاوزاها وتختار كليك يمين ثم Edit هيفتح معاك برنامج الرسام اللي علي جهازك ,, هتدوس علي past الاول ثم ممكن تدوس علي select علشان تحدد الجزء المعين اللي انت عاوزه في الصورة هتظهر جمب Select كلمة Crop دوس عليها الصورة هتتقص اختار Save بكده انت اخذت الصورة اللي انت عاوزها و علي اي موقع رفع وليكن الخاص بالمنتدي هنا ,, ارفع الصورة وابعتها في المنتدي :] وتمام اوي كده ,, اي استفسار اخرعني اي شيئ انا موجود اكتبه هنا ,, التوقعات تتبعت علي الخاص علشان كل واحد يتوقع توقعاته بنفسه :] ,, موفقين بقي ,, تحيتي ,,

[phalsteen]

بصرف النظر اني مش من المتابعين اوي للكوره
انا الزمالك بس كل همي
لكا انا دخلت احييك ع مجهودك دا
بجد مميز اوي
ومكسب حقيقي للمكان
ربنا يحميك حودا
هتابع بئه للفايدة
احسنت

[نور ونار]

كآس العآلم ,, له ذكريآت
متآبعه ,,
حلو المجهود ,, بالتوفيق للجميع ..
الله ينور ..

[Ŗăήćy]

مجهود مميز بجد والفكرة جميلة طبعاً
تسلم ايدك يامحمود يدوم ابداعك ونشاطك يارب

ولو شاركت هاختار حادى بادى
بالتوفيق للجميع بقى

[حلم عمري]

المرة اللي فاتت كان فيه مسابقة شبه دي
وكنت هختار اسبانيا بس حد اختارها قبلي
اختارت ايطاليا
وسبحان الله اسبانيا مركز اول وايطاليا مركز تاني
مش عارفة بقا هتظبط معايا المرة دي ولا لا بصراحة محتارة ^^
عمتا هظبط التوقعات وابعتهالك ان شاء الله

مجهود رائع بجد يا محمود
تسلم بقا
وبالتوفيق للجميع ان شاء الله

[عاشق متيم]

تسلم على مجهودك الكبير
وتم الارسال
وسجل يا نصر بأن منتخب ........ هو بطل كأس العالم
وان مهاجمه رقم 17 هو هداف كأس العالم برصيد 11 هدف
وكذب المتوقعون ولو صدقوا

[انا دنيته وهو حياتى]

مسابقه حلوه اوى
بس انا مليش فى الكوره

تسلم ع المجهود

بالتوفيق للمشتركين

[العاشق الذى لم يتب]

مجهود كبيربجد
وشغل رائع احييك حودة
وانامعاك مشترك
بس مابعرفش فى الفيتشوب
هتكب كتابة وبس
ان شاءالله
وربنايحيينا ونشوف البطولة
وكل سنة والجميع بخير

[CAN _ 7LM]

فوكيره حلوه
بالتوفيق