طريقة سهلة لختم القران اكثر من مرة في رمضان

[حلم عمري]

امبارح الشيخ قال لنا علي طريقة حلوة نختم بيها القران اكتر من مرة
فحبيت اقولكم عليها عشان لو حد حب يعمل بيها
وان شاء الله يكون في ميزان حسناتنا جميعا

بس انا هشرح علي حسب فهمي فياريت تركزوا معايا شوية ^^

احنا عندنا المصحف اللي هو طبعة سعودي
الجزء فيه حوالي 19 صفحة
الطبعة المصري ممكن يقل عنه شوية
دلوقتي لو حبينا نقسم صفحات الجزء علي الصلوات
هنلاقي بعد كل صلاة هنقرا اربع صفحات
ولو عايزين مثلا نختم القران عشر مرات
يبقي بعد صلاة الفجر او الصبح هنقرا الاربع صفحات عشر مرات
وبعد الظهر هنقرا الاربع صفحات اللي بعدهم عشر مرات
وهكذا بعد العصر والمغرب والعشا
يبقي كدة الجزء الاول خلص عشر مرات
وهكذا كل يوم
يبقي كدة في اخر رمضان ختمنا القران عشر مرات
طبعا ممكن تختمه اكتر كل واحد ومقدرته بقا
بس اهم حاجة انك تحافظ علي العدد اللي نويت عليه
يعني مش مرة خمسة ومرة سبعة لا
انت اخترت عشر مرات
يبقي كل يوم تخلص العشر مرات
وكمان الحكاية دي تساعدنا اننا نحفظ
طبيعي انك اما تكرر الحاجة كتير هتحفظها
او لو كنت حافظ قبل كدة كانك بتراجع بردو

ثاني حاجة
ممكن تعمل ختمة تفسير
يعني بعد اما تخلص قراءة الاربع صفحات تجيب التفسير بتاعهم وتقرأه
كدة يبقي انت قرات تفسير القران كله في رمضان

ثالث حاجة
لو انت مثلا ختمته عشر مرات ممكن تهدي ثواب ختمة من دول لحد متوفي
الاب او الام او الجد او الجدة وهكذا يعني

اخييرا بقا
ياريت يكون الشرح سهل
اسفة انا بكتب بسرعة شوية عشان لازم اقوم ^^
ولو فيه حاجة مش واضحة فياريت اللي فهم يفهم اللي مفهمش :d
عشان ممكن معرفش ادخل تاني
وان شاء الله يكون في ميزان حسناتنا جميعا
ورمضان كريم علينا وعليكم باذن الله
وكل عام وانتم الي الله اقرب

[الأميرة رودي]

انا فهمت
وطريقه جميله وفيها حسنات كتير
تسلمي وفـاء
جواك الله كل خيــر
وكل سنه وانتى طيبه حبيبتي

[زهـــ*ــرة النرجــس*]

جزاك الله خيرا على الافاده
ربنا يتقبل منا
وكل سنه وانتي طيبه