برنامج بيت العضو معانا " ملكـ جبال الاحزان "

[♥SaRa]

مسسائكم خير صباحكم نور كل سسنة وانتم طيبين فكرهـ البرنامج تاني بإختصار هستضيف عضو فية 3 غرف لمراحل حياتة وفـ اخر كل مرحلة بيكون فية جواب وبيكون عبارهـ عن صورهـ او اهداء او سؤال..إلخ وخليت الحلقة دي أسألتها خفيفة لظروف وكمان الصيام بقي وكدهـ حبيت كدهون بقي ابدأ اول حلقة بحد جميل ولذيذ مرح ومبدع فـ تصاميمة وششغلة عموماً وبيراعي ربنا فيها ولكن فـ دراسة فاششل اللهم اني صايمة ..اعمل اية انا أصلاً مش هينفع صيامي معاكم بالمنظر دهـ هو متغيب للأسف عن السسايت بقي له فترهـ معايا ميدو كل سسنة وانت طيب بقي بمانسبة رمضان. وانتي طيبة يا حجوجة هنبدأ المرحلة الاولي الطفول :. اية العادهـ الي كنت بتعملها وانت طفل ومازالت بتعملها حتي الآن ؟ من اولها كدة مش عارف اجاوب مثلا بحب العب بلايستيشن من صغرى اول ما طلع لحد دلوقتى ديه تعتبر عادة صح اهـ تعتبر عادهـ تخيل نوع عقاب باباكـ او مامتكـ كان عبارهـ عن اية لما تغلط ؟ ابويا الله يرحمه مكانش بيعاقبنى خالص بس امى كانت بتحب تضربنى اوى وانا صغير كاتن بتستمتع بكدة وطبعا كلنا عارفين سلاح الام المصرية أيه فى الضرب سلاح فتاكـ بعيد عنكـ بيقتنص الوآحد فأيتها حتة أحكي موقف ليكـ وانت طفل عمركـ ما تنسساهـ ؟ مواقف كتير وحكيتها هنا قبل كدة بس هحكى عن موقف محدش يعرفه غير حد بس فى حياتى كنت فى الاهرمات وكنت راكب بيدج باجى انا وواحد صاحبى اتقلبت بيه اليوم ده وكسرنا الفرامل وبعد ما ودينا البتاع للراجل وهو مكسور الواد صاحبى رجع تانى للراجل وقاله عايزين نكمل وقتنا كنا هناكل علقة وقتها بس لحقنا نفسنا وجرينا دا انت ماشي ماشي فظيع بعمايكـ السودهـ دي أحكي لينآ عن مصايب طفولتكـ ؟ مره انا واصحابي واحنا صغيرين رحنا نشتري كشري كنا لما بنشتري كشري كنت باخد الكشري في كيس وبعد مخدنا الكشري مشين بية في الشارع ومروحين لقينا نموسة في الكشري ورحنا نرجعة للراجل مرضيش يرجعوا قلنا لية يعني انت مش هتاخدوا قال لاء يلا ياض انت وهو من هنا رحنا طالعين بره المحل ومسكنا كياس الكشري ورميناها علي ايزاز المحل وجرينا ومن ساعتها واحنا مبنعديش من قدام المحل بس الي زعلني وقتها وخلاني مقهور من جويا النص جنية بتاع الكيس انا لو مكان الراجل هعلقكم عـ الأزاز دهون وفـ نهاية الفقرهـ اهدي اهداءاو كلمة لحد .. بما انى مقصر فى حق ناس كتير فا ههدى اهداء لاتنين ليهم نفس المعزة عندى هما سما Nefertiti وسحر حالمة بأميرى الاتنين بجد اخواتى وبحبهم جدا وبجد عرفت قيمتى عندهم بالذات لما بدت اغيب عن المنتدى فا الاتنين قريبين منى جدا وحقيقى بعتز انى عرفتهم فى يوم وربنا يديم المحبة والاحترام بينا وكل سنه وهما والمنتدى كله طيبين _________________________ مرحلة المراهقة : آكيد كلنا مرينا بحب المراهقة الي بهدلنا اية هي قصة حبكـ فـ المراهقة ؟ احم احم شكلنا هنبهدل كنت بحب بنت جارتنا مش حب حب بس كنت بحب اشوفها دايما وهى نازلة وهى خارجة بس مرى ما حاولت اكلمها كنت بكثف اوى وكدة يعنى بلاش فضايح طب واية الي مش خلاكـ تكلمها وطالت الحكاية دي لأمتة ؟. لانى كنت لسه صغير مش فاهم اى حاجه بنت عجبانى شكلها وخلاص وكنت بكثف جدا مكانش عندى الجراة انى اكلم بنت خالص لاى سبب من الاسباب اممم خجول انت خجول واضح واضح كنت بتعاكسس وانت مراهق ؟ اه الصراحة كنت بعاكس بس معاكسة مدح فى البنت مش زى دلوقتى المعاكسة بتوصل للشتيمة هههههههه بس الحمد لله بقالى فترة كبيرة مبطل الموضوع ده ومبقتش اعاكس بقيت احس على دمى شوية طب وانت اية سبب معاكستكـ ليهم فـ الاول ؟. لانى كنت قليل الادب بصى اى شاب لما بيتعرف على شباب فاسدين بيعمل حجات كتير اوى خصوصآ انككنتى لسه فى بدايتك مش عارفه ايه الصح من الغلط فا كان بيحصل كدة بس لما اشتوعبت لاقيست انى مش هستفاد حاجه ولا بيزودنى حاجه يعنى لما اضايق بنت حتى لو كنت بمدح فيها فا اهو ربنا هادانى وكمان انا مطولتش يعنى بدأت 2 اعدادى نهيتها فى اولى ثانوى بادئ بدرى انا آكبر مصيبة عملتها وانت مراهق واتعلقت فيها ؟ ممممممممممممممممممم مصايبى كتير ثوانى افكر مرة كان ورايا امتحان وانا روحت العب بلايستيشن وافتكرت الامتحان بعد ما بداء بربع ساعه يومها اخدت علقة من امى مش هنساها طول حياتى ربنا يخليها ليكـ يا رب ويخليكـ ليها طب قول لينا عـ موقف محرج بقي ^^ ؟ كانت اول مره في حياتي اخرج مع بنت كنت في تانية اعدادي واتعرفت عليهم في خروجة في العيد واول ما اتعرفت عليهم اتمشينا شوية وانا كنت ماشي معاهم فا شباب كبار وقفونا وسألوها انتوا بتحوا بعض ساعتها كنت محرج اوي ومكسوف جدا وكانت عايزة تديني رقم تلفونها وساعتها كنت مكسوف ومشيت وسبتها وتاني يوم كنا متفقين اننا نتقابل في مكان سعتها اتكسفت ومش رحت وخليت واحد صحبي يروح يقابلها ويقولها اني مت وفـ تهاية الفقرهـ عايزهـ تعليق عـ الصورهـ دي ؟ ايه الحفلة ديه بصى ده اسمه تشرد مش معاكسة المشكلة فى شوارعنا ان مبقاش فيها مراقبة خالص وللاسف احا شعب لو ملقاش حد عينه عليه اخلاقة بتبوظ وده سبب المنظر اللى شيفاه على وشوش الشباب ديه لو كان فى اخلاق او هما مستوعبين ان ده غلط كانو بصو قدامهم مكانتش عينهم هتبقا كدة ________________________ مرحلة الشباب : ششايف انكـ لسسة مش مستعد انكـ ترتبط ..واية السبب ؟ فعلا انا مش مستعد بالارتباط الرسمي لان انا لسة ورايا جيش ولسة مش نظمت حياتي ومستقبلي وان أأمن مستقبل البنت الي انا بحبها واني اقدر اعيشها في الامان الي هي تستحقة ربنا يخليكـ ليها مستقبالياً يعني ويكون فـ عونها انت كا ميدو عندكـ 21 عاماً مقدماً يعني هل فـ ناس ظلمتها او اتظلمت معاكـ طول عمركـ دهون ^^؟ اتمني اني مكنش ظلمت حد لانة احساس صعب اوي ومش حابب اني اكون سبب فية لحد لكن من ناحية ان حد يكون ظلمني انا متظلمتش من حد الحمد لله اية هو الشئ الي حتي عمرك هذا من وانت صغير الي فـ البيت عندكـ مش يعرفوهـ ومش قلتة ليهم ؟ مرة كنت في المدرسة وكنا بنمتحن امتحانات الشهر وكانوا بيدونا النتيجة في ورقة فيها الدرجات وانا كنت ساقط في مادة وساعتها المدرس طلب ان ولي امري يمضي الورقة واجيبها وساعتها مش وريت النتيجة للي في البيت ومضيت عليها انا وودتها للمدرس ومن ساعتها كل ما يطلبوا امضاء لولي امري ويكون فيها مصيبة كنت امضيها انا واوديها ليهم هاركـ ابيض طب ما تجي تمضي ليآ انا كومان بقي بس وكدهون خلصت الحلقة هي كانت حلقة طريقة استضافتها مش عادية طوبعاً نظراً لأن الباشا مش بيدخل كتير ونظراً كمان لأني مستعجلة بسبب الجدول العثل الي موجود دهـ فـ القسسم حقاً اني احتج علية واعتذر ان فية اهداءات مفروض لميدو بس لأني مستعجلة ولسسة الاعضاء مش ردوا فإن شان الله هقدمها الحلقة الجآية تحيات : SaRa وKoKe فريق البطة المستخبية للعمليآت الارهابية

[phalsteen]

يا خراشي حودا هنا
دا انت ليلتك سودة
ما انتي موجود اهو
امال مبتجيش ليه اراجل
منور الدنيا بئه
هرجع تاني اقرأ واضحك عليك
بس لما افطر عشان جعانه

[Aya 7ekaya]

حلقه جميله ومحمود منور اكيد ^^

[حلم عمري]

منور يا محمود
ايه يابني الطفولة المشردة دي
بجد الحلقة جميلة اووي ودمها خفيف
واجاباتك مجنونة كالعادة ^^
ربنا يوفقك بقا في دراستك والجيش اللي انت رايحه دا ربنا معاك فيه

فكرة البرنامج جميلة سارة
تسلمي ع الحلقة
وكل سنة وانتم طيبيبن

[العاشق الذى لم يتب]

ايه دجه ياسارة
كمان بتشتغلى مذيعة من ورايا
لازم ابلغ عنك الضرايب ومرشو بالذات
علشان يحطك فى البلاك ليست
كل سنة وانت طيبة
وحودة حبيبى وحشنى
بجد السايت من غيرك وحش اوى
يارب تكون بالف خير
وجميلة الحركات القرعة بتاعتك وانت صغنون
حلقة حلوة
موفقة سارة
تحياتى

[♥SaRa]

اقتباس المشاركة الأصلية كتبت بواسطة aya 7ekaya حلقه جميله ومحمود منور اكيد ^^

مروركـ اجمل يا أية
سلمتِ :d.

[♥SaRa]

اقتباس المشاركة الأصلية كتبت بواسطة nefertiti يا خراشي حودا هنا دا انت ليلتك سودة ما انتي موجود اهو امال مبتجيش ليه اراجل منور الدنيا بئه هرجع تاني اقرأ واضحك عليك بس لما افطر عشان جعانه

ماششي يا سمسم
نورتي بقي :d.

[♥SaRa]

اقتباس المشاركة الأصلية كتبت بواسطة حلم عمري منور يا محمود ايه يابني الطفولة المشردة دي بجد الحلقة جميلة اووي ودمها خفيف واجاباتك مجنونة كالعادة ^^ ربنا يوفقك بقا في دراستك والجيش اللي انت رايحه دا ربنا معاك فيه فكرة البرنامج جميلة سارة تسلمي ع الحلقة وكل سنة وانتم طيبيبن

ميرسي يا فوقتي ^^
ومروكـ احلي يا حبي
وانت طيبة .

[♥SaRa]

اقتباس المشاركة الأصلية كتبت بواسطة العاشق الذى لم يتب ايه دجه ياسارة كمان بتشتغلى مذيعة من ورايا لازم ابلغ عنك الضرايب ومرشو بالذات علشان يحطك فى البلاك ليست كل سنة وانت طيبة وحودة حبيبى وحشنى بجد السايت من غيرك وحش اوى يارب تكون بالف خير وجميلة الحركات القرعة بتاعتك وانت صغنون حلقة حلوة موفقة سارة تحياتى

وانت طيب رفعت
اهـ والله يا رفعت السايت وحش من غيرهـ
تسلم رفعت نورت .

[Dodoz]

حلقة جميلة واسئلتك مجرررمة xd

ودى ~ ♥