العاشق الذي لم يتب في ( حكاوي رمضانية)

[™Amiliya]

مساكم عطر وقبل السحور
خلينا نسمع حكاية رمضانية
موقف رمضاني
دردشة بنكهة رمضان

معانا في الحكاوي



العاشق الذي لم يتب

اهلا بيك رفعت وبدردشتك الرمضانية

[العاشق الذى لم يتب]

اهلا ومرحبا
ايمى
وكل سنة وانت والمنتدى كله بالف خير
وسعيد اكون ضيفك فى البرنامج الجميل ده
اتمناله النجاح والتوفيق
اكيد رمضان له ذكريات خاصة
لايمكن تتنسى مع مرورالايام
وفترة الطفولة بالذات بيكون لها مواقف طريفة وظريفة
افتكراول رمضان اصومه
كنت تقريبا فى الصف الثالث الابتدائى
المهم أناأصريت على الصيام
والوالد الله يرحمه
كان رافض انى اصوم بحجة انى ضعيف البنية وخايف على صحتى
وكنت اشوف الاطفال فى المدرسة يسألوابعض انت صايم
واللى يقول لأ
يفضحوه ويوقولوا جحش رمضان
صراحة حكاية الجحش دى قهرتنى اوى
المهم جاء اول يوم من رمضان
وفضلت اتحايل على امى تصحينى ساعة السحور
طبعا ابويا رفض
صحيت من النوم وانازعلان
وقولت لامى انامخاصمك
قالت ماتزعلش أنا مخليالك السحور
يلا اتسحر بس ماتقولش لأابوك
قولت يعنى ينفع اتسحردلوقتى قالت ينفع
طبعا انافطرت وشربت مية وروحت المدرسة
وكل واحد يقابلنى اقوله اناصايم
المهم العصراذن واناحسيت انى جوعت اوى
قولت لأمى هو ينفع افطرقبل المغرب
قالت طبعا ينفع
وراحت جيبالى الاكل
يسلام
وضحت الوالدة وقالت فيه
صوم اسمه صوم الحجة كل ماأجوع أتغده
انت تصومه والسنة الجاية تصوم صوم المسلمين
والله افتكركده واموت على نفسى من الضحك
رمضان جميل وعظيم
واجمل شيئ فيه ان المسلمين يحبوا بعض
ويعزموا بعض على الفطور
احساس رائع وجميل وانت سواءعازم ولامعزوم
ربنايصلح حال مصروالمصريين
وكل العرب جميعا يارب
وشكرا ايمى
واكيد فى ذكريات كتيرة
بس علشان احبابى مايتعبوش وهم بيقروا الكلام
كل سنة وانتم طيبين
تحياتى وودى

[big bốss]

ذكريات جميله يا رفعت

كلنا مرينا بيها

و كل عام و انت بخير

[Silver Flower]

كل الأميات نفس الشي
سواء كانت في هون او هون
وأكيد ذكريات حلوه
وكل سنه وانتوا طيبين