رمضان يجمعنا || فى مصر مع Safira ||

[حَرفُُ هجآءّ]

السلام عليكم ورحمة الله وبركاته كل سنة وانتم طيبين شهر رمضان شهر القرآن شهر الخير يستقبله المسلمين بكل الحب والشوق بيزيد فية التقرب لله والعبادات بنقرب من بعض اكتر مش هطول عليكم برنامج رمضان يجمعنا برنامج يستضيف اعضاء من دول عربية مختلفة فى من مصر المغرب الجزائر السعودية الامارات فلسطين بنشوف فيه عادات وتقاليد كل دولة فى رمضان والنهاردة معايا قمر المنتدى Safira عضوية التميز اهلا بيكى منه منورة برنامج رمضان يجمعنا كل سنة وانتى طيبة وانتي طيبه قبل ما يهل رمضان عليكى بتحسى بايه ؟ امم بحس بفرحه وشوق لرمضان وافضل افتكر اجواء رمضان من زينه في الشوارع واغاني رمضانيه وحر الجو والواحد صايم وخوف لامقضيش كل فروض رمضان كامله اول سنة صومتى فيها كان عندك كام سنة ؟ مش فاكرة اوي تقريبا كان عندي 9سنين وكان لحد العصر بصراحة كده عمرك فطرتى فى رمضان من غير اسباب ؟ بصراحه اه بس كان وانا صغيرة لسه باباكى أو مامتك بيجيبولك فانوس ولا خلاص بئا ؟ هههههههه لسه انا واختي بنقول لماما مش هتجبلنا فانوس .. هم معادوش بيجيبوا اخر فانوس جالي كان من 3سنين تقريبا فى رمضان بتعملى برنامج لتنظيم وقتك طول الشهر ولا لاء ؟ هو بيبقى تلقائي كدا لما بصحى اصلي وبعدين انا واختي نوضب الشقه لان عندي بعيد عنك اخين بيخلوا اوضهم غابه وبنشيل الحمل عن ماما اننا نوضب اوضهم مع بقيه البيت واروح اساعد ماما لما بتطلبني واتفرج شويه ع المسلسلات واقعد ع الكمبيوتر وقبل المغرب بساعه ونص كدا اقعد اقرأ قرآن ايه الحاجات اللى بتبعدى عنها فى رمضان ؟ الاغاني الا اغاني رمضان .. والنوم الكتير وقرقضه الضوافر لان عرفت انها حرام ايه العادات اللى بتتبعيها فى رمضان عن باقى شهور السنة ؟ الصحيان بدري ودخول المطبخ كتير حصل معاكى قبل كده كنتى بره البيت وقت المغرب وفطرتى فى مائدة رحمن ؟ لا خالص بتجهزى الفطار مع مامتك ؟ اها ربنا يستر بئا عليهم عمرك كده فى يوم من ايام رمضان نسيتى انك صايمة وكلتى حاجة وبعدها افتكرتى انك صايمة ؟ كانت حصلت معايا كتير في اول يوم دايما بس وانا صغيرة لكن دلوقت بتحصل معايا بس في صيام ايام تانيه غير رمضان ايه الاكلة اللى لازم تكون موجودة يومياً فى رمضان بتحبيها ؟ القطايف باللحمه المفرومه بتصلى التراويح فى المسجد ولا فى البيت ؟ لا في البيت ازاى نعود الاطفال على الصيام ؟ وايه السن المناسب للصيام ؟ اول مايبدأ الطفل يفهم في سن ال5و6سنين يتعود ع الصيام ويفهمه عشان يحبه وميبقاش صعب عليه بعد كدا ويصوم مثلا ساعتين في اليوم وبعد كدا 3 وهكذا لحد مايتعود يصوم للمغرب رمضان شهر الصيام واداء العبادات ليه ديما بنشوف الاسر والعائلات بتجهز لرمضان من اكل وعصاير ومكسرات والذى منه وتلاقى اكتر شهر فى فلوس بتتصرف على الاكل ؟ عادات بقا لازم الياميش والاكل الكتير عشان العزومات مع ان الصيام اصلا عشان نحس بالفقير والمسكين ال بيصوم طول السنه من قله الاكل .. يعني زي مالناس بتهتم بالاكل الكتير في رمضان تفكر بردو في الفقير ويخصصوله فلوس لاكله ولو فلوس بسيطه تفرح اي عيله في رمضان وانت الكسبان بثوابك عند ربنا التليفزيون والمسلسلات بتتفرجى على مسلسلات فى رمضان ولا لا ؟ اها بتفرج ع المسلسلات ال بتسيب طابع حلو كدا في رمضان ولما يخلص رمضان تفكرك بيه ديما بيكون فى هجوم بالمسلسلات بالذات فى رمضان بتفقد الصائم نعمة التواصل مع ربه ومع العبادات ايه النصيحة اللى ممكن تقديميها من خلال الحلقة للصائمين ؟ اقول المسلسلات مهما كانت جذابه دينك اولى لان مش المسلسلات هي ال هتدخلك الجنه وافتكر انك في اعظم شهر ال بتكون فيه الحسنه مضاعفه فااستغل كل ثانيه في العباده عشان تخرج من رمضان وانت مقضى كل ال عليك وبالك مرتاح ومطمن وايه المفروض اللى يكون متبع من التليفزيون فى شهر رمضان يعين الناس على الصيام والتعبد ؟ اممم يمنعوا سي بي سي سفرة لانها بتفطر الواحد ههههه.. يقدموا برامج دينيه مثلا عن اهميه الصوم والصلاه ونصايح بدل المسلسلات والاعلانات الفظيعه دي كل بلد لها طريقة فى استقبال رمضان احكيلنا الايام دى أى الظواهر فى بلدك لاستقبال رمضان ؟ الزينه والفوانيس متعلقه ع العمارات والبيوت وع المحلات والناس ماليه الشوارع تشتري زينه وياميش رمضان والستات والبنات في البيوت بينضفوا البيت عشان يستقبلوا رمضان .. عريس بقا اومال ايه ايه الحاجة اللى افتقديتها فى رمضان اللى فات تتمنى وجودها السنة دى ؟ صراحه قطع النور خلانا افتقدنا كتييير من اجواء رمضان لان كل ال كان مسيطر اكتر الحر والتعب وخلى الناس تايهه ومش حاسه باايام رمضان الحلوة وال اتمناه بس فرحه الناس برمضان ورضاهم كلمة تقوليها للاعضاء بمناسبة رمضان كل سنه وانتم طيبين وع الخير متجمعين وتدوم الصحبه والاخوة الحلوة ونعيش رمضان السنه دي والسنه الجايه وال بعديها وال بعديها واحنا متجمعين تسلمي يااسيل ع الاستضافه الجميله وبكده خلصت الحلقة نورتى سفيرا واستنونى فى الحلقة الجاية من رمضان يجمعنا || فى الجزائر مع ...... ||

[✿ Celiηα]

حلقة جميلة وضيفتنا منورة
كل سنة وانتم طيبين
منتظرين العضوة الجاية

[morshooo]

حلقه جميله وبرنامج جامد
وسفيرة عضوة مميزة جدا
واثبتت دا بتواجدها الجميل فى اليوميات
رمضان كريم
وكل سنه وانتو طيبين

[Lamees]

حلقة جميلة مع عضوة جميلة
ومجهود كبير منك حرف هجاء
كل عام وانتم بخير
ورمضان كريم

[Ŗăήćy]

حلقة جميلة مع عضوة اجمل ^^
منورة ياحبى البرنامج وربنا يتقبل منك يارب
وينعاد عليكى بالخير انتى والى بتحبيهم

تسلمى يا أسيل كل سنة وانتى طيبة
مجهود جميل منك بإنتظار الحلقة الجاية

[Abdallah]

أسئله كتير و رائعه جدا و اجابات هايله و تسلموا

ربنا يستر بئا عليهم < أعجبنى ~

[Lost Pearl]

حلقة جميلة اوي مع سفيرة

و كويس منظمة يومك الي حد ما فـ رمضان عشان لو مش اتنظم تحسي بيضيع كدة

كل سنة و انتي طيبة بقي

تسلمي يا اسيل ع المجهود و الحلقة الحلوة ،،

[حنان الجزائرية]

الحلقة كانت حلو كتير مع الضيفة الجميلة يلي بحبها اوي
والاسئلة كانت في منتهى الروعة
في انتظار الضيف القادم
صح فطوركم

[bobaOo]

مجهود رائع. منك أسيل
حلقة رائعة مع سافيرا
واستمتعت بالمتابعة
متابعة معاكب بقا

[رآقيہ بأخلاقـى]

موضوع جميل والحلقة اجمل والضيفه اجمل واجمل
تسلمى أسيل على الاستضافة الرائعه دى
منه بنوته عسوله وروحها حلوة
كنتى منوره منه وكل سنه وانتى والعائلة بخير يارب
كل سنه والجميع طيب وبخير