انها الازداوجيه ياساده

[كوين ميرو]

صباحكم ومساكم ياسمين



النهارده جايه اناقش معاكم موضوع عجيب

وبقيت للاسف اشوفه كتير ومش خاص بفئه معينه مثلا

ده بقيت اشوفه فى طبقات مختلفه

اشوف الشاب من دول يعجب جدا بـ البنوته الاجتماعيه

المثقفه اللى ليها شخصيه ورأى خاص

اللى عندها القوه انها تدافع عن قناعتها وارئها

اللى دمها خفيف وروحها مرحه

ولكن لما يجى يتجوز تلاقي دون وعى

بيدور على العروسه اللى لا بتهش ولاتنش

اللى بتقول حاضر وطيب الخجوله اللى ملهاش

صدقات ولا ليها رأى اتربيت بس علشان تبقى ست بيت

بمعنى اصح بيدور اللى شبه مامته وجدته فى طبعهم

تلاقى الشاب من دول يتفرج على ماتشات كأس العالم

ويقعد يقول ياسلام شوف البنات فى البرازيل واوربا اللى زى القمر مش الغفر اللى عندنا

تيجى بقى البنت المصريه تلبس زيهم ولا تعمل زيهم

نفس الشاب يقولك شوف قله الادب وعدم التربيه

ويبيح لنفسه بقى انه يتحرش بيها ويقولك انت مش شايف هى لابسه ايه

ده هى عايزه كده

انها الازدواجيه ياساده

سؤاااااااااالى بقى انتو عايزين ايه بظبط ياشباب

او انتو انهى واحد فيهم

انتو الشخصيه اللى عايزينه تكونها

ولا الشخصيه اللى بتفرضها عليكم التربيه الغلط اللى بيفرضها علينا مجتمعنا

[SaMa.]

كﻻمك صح ازدواجيه وطمع مافيش حاجه ترضيهم
موضوعك عجبنى ثانكس

[نور ونار]

طبعآ ,, المفروض الشبآب هى اللى ترد
بس خلينى آرد معلشى
هى مش ازدوآجيه ع قدانهآ ثقآفه مجتمع
وتربيه ,, نشآ عليهآ واصبح من المسلمآت
لدرجه خلوآ البنت ذو شخصيه مستقله
ومتفرده دى , بنت منفتحه ومتحرره لابد البعد عنهآ ..
الصقوآ بالانوثه الضعف وانعدآم الشخصيه ،،
حتى يتم السيطره عليهآآ ع اسآس انهآ الضلع
الذى يتم كسره ولا يخرج صوتآآ دومآ,,
( الحيطه المآيله )،،
وبيعتبر بذلكـ قرآر آمن حيث استقلال زوجته
ع حسب العرف والتقليد سوف يتم السخريه منه
ودليل على عدم رجولته ..!!
مع العلم لابد الزوجه ان تكون صآحبه وعى ووثقآفه
وشخصيه لانهآ من تربى جيل من المفترض ان تكون
آحسن وآعلى وآفضل ,,
بالنسبه للثقآفه ( هى تستآهل كدآ )
دآ يدل على سوء تربيه وللآسف قد تخرج
هذه الكلمه من عنصر انثوى حآمى لمجتمع ذكورى
اننآ مدمنين الحكم ع الاشخآص ,, وكمآن التدخل فى
حريه الاشخآص ,, هى خآرجه من بيتهآ لابسه آوفر
هى حره ببسآطه انت مش وصى عليهآآ
مش دآ يحل انكـ تتحرش بيهآآ :d

لو مش اخلاقكـ ودينكـ تسيطر عليكـ
مش سيآسه تستحق ،،آكيد فى مشكله ,,
لانكـ رجل آهو ,, هيجى اليوم اللى يحصل مشكله معآكـ
وبردو هيتقآل عليك تستآهل ..!!!
محتآجين نغير كتير فى حيآتنآ وثقآفتنآآ ,,
من آول ثقآفه الرجل وفكرته عن البنت
لحد فكره التدين والدين والنصيحه ,,
لان فى آشخآص مفكرين نفسهم آوصيآء ع العآلم
لك ان تنصح آوكـ ,, ولكن الاجبآر مش شغلكـ ..!!
وع فكره ,, مش هذكر فى كتير محتشمين
و بيتم التحرش بيهم ..!!

* افكآر هذه نتيجه الكبت والقمع وسنين طويله
من ثقآفه مشوهه ,, فتدخل كل شخص فى شؤن الاخر
اصبح سمه فى مجتمع يعشق التصنيف والتنآقضآت ,,
كوين ميرو ,, موضوع قيم ,,
تقبلى مرورى .....