جوله في المحافظات..~||مسابقة التطوع في الجيش||

[شهيده تحت الطلب]

اهلا ومرحبا بكم اعزائي الاعضاء عملت النهارده جوله في المحافظات واخدت رأي الاعضاء في اجواء رمضان السنه دي وايه شعوره في رمضان وايه الايجابيات والسلبيات اللي موجوده عندهم في رمضان ودي كانت ردود الاعضاء: Stop Ana Eltop مفيش اى اجواء مفيش احساس برمضان اصلا مفيش فرح مفيش سرور الناس مبقتش تزور بعضها والجيران مبقوش يوزعوا حلويات على بعض رمضان السنه دى مختلف حقا شعورى مش زى كل سنه مش حاسه انى فى رمضان اصلا بس فى نفس ذات الوقت حاسه بعظمة الشهر الكريم وبحاول استغله قدر المستطاع الايجابيات صلاة التراويح والسلبيات انه صيام الناس طلع صيام عن الاكل والشرب بس ليس الا ايمان طلعت رمضان ايامه مختلفه تحسي بالمودة والرحمه بين الناس وتجمعات الاهل على الفطار ايام كلها بركه يارب تدوم على طول بالنسبه للاجواء فى محافظتي وهى الاسماعيليه زى كل محافظات مصر الزينات والانوار اللى متعلقه على البيوت المساجد اللى شغاله على طول والناس دايما فيها الصواريخ اللى بتفرقع كل شويه فى الشوارع العرق سوس والتمر هندى اللى فى كل بيت الايجابيات زى ما قولتلك الالفه والمحبه اللى بين الناس تقارب الاهل والمودة بينهم السلبيات الايام دى سياسيه مظاهرات و تجمعات موجودة فى الشوارع بسبب غلو اسعار البنزين ربنا يصلح حال الجميع وكل سنه وانتم طيبين العاشق الذى لم يتب رمضان فى محفظتى زى كل محافاظات مصر وكل مكان فى مصرمن اكبرمدينة لأصغيرقرية أو عزبة أو شارع أوحارة لازم تلاقى فيه أجواءرمضان مابين تزيين الشوارع وواجهاتى البيوت ومابين الخيم اللى بتقام مخصوص علشان يكون فيها موائد الرحمن صراحة اجواءرمضان شيئ عظيمة ورائعة فى كل مكان شعورالمسلم وأقصد المسلم الحق مش المسلم بالبطاقة يعنى مسلم مؤمن بمعنى الكلمة لازم يكون شعورمفعم بالفرح والسعادة بقدوم رمضان ومافيه من الخيرات والبركات وطبعا ده شعورى السنة دى والسة اللى فاتت واتلسنة الجاية ان شاءالله هى منتشرة عندى خصوصى ولاايه كل الاجابيات والسلبيات اللى عندى منتشرة فى كل مكان فى مصر بس وعلشان اناحاليا فى اسيوط منتشر عندى بكترة المنجة والخضروات بشتى انواعها مشهورة بيهم أسيوط وده إجابيات جميلة أماالسلبيات عندى بعيد عنك السلاح منتشرانتشارفظيع أكترمن الفسيخ قى شم النسيم كل ماتمشى تتعنقلى فى بندقة وتصطى فى مدفع وتتعنقلى فى زخيرة crazy o_O ana أجوآء جميله بس كان نفسئ أبقى فءمصر اﻹيجابيات كتيره ومفيش سلبيات الحمدلله وكل سنه وانتئ طيبه أجوجو boba0o رمضان في اسكندرية حاجه تانيه لمة ودوشة عيال وصداع وعزومات حاجه جامده والتراويح في المسجد تحفة والدروس الدينيه المؤثرة جميله جدا والسحور ودوشتو شعوري في رمضان السنة دي زي أي سنة عادي جدا بس شاغلني حجات كتير وأحلى حاجة ان ده أول رمضان ليا في منتدانألرائع الإيجابيات أخويا الصغير رمضان معاه حاجه تانيه اه بيخليني أشد شعري بس حلو وعثول بردو أما سلبيات فمفيش ♥SaRa وعليكم السلام الاجواء جميلة بس الصراحة مش زي الاول زمان كانت أجواء رمضان أحلي من كدهـ كان الناس لسسة فيهم طيبة دلوقتي الكل بقي متقوقع مع نفسة ومش بقي زي الاول هو الزينة متعلقة والفوانيس موجودهـ لكن مش زي الفرحة بتاعت زمان الايجابيات فـ رمضان هو اننا بنقرب لربنا كتير اوي الحمد لله الوآحدبيتمني ان رمضآن يظل موجود بس علشان خاطر نكون قريبين من ربنا ونقرأ القرآن دائماًونكون حريصين جداً علي صلاتناواننا المفروض بنصل بصلة الرحم سلبيات رمضآن ان ناسس كتير بتسستغلة فـ الفرجة عـ المسسلسلات والي بتلهينا عن ذكر الرحمن وبالنسبة للبنات في سلبيات ليها فـ الششهر وهو انهم مفروض نتقي ربنا فـ صيامنا شوية ونتقي ربنآ فـ الشباب ونختار لبس مناسب يعني حتي بلاش اسلامي عـ الاقل يكون كويس بالنسبة لرمضان وان بعض الشباب بيخدوا رمضان تسلية وبيشغلوا أغاني ويلعبوا كرهـ هو عادي الرياضة لكن أفضل يستغلوا وقتهم فـ التقرب لربنآ.. عفواً يا قمر ميرسي عـ الدعوهـ Gogo Goge اممم بصي يا ستي عندنا هنا مش هتحسي ان في رمضان اصلا الزينة اللي بتتعلق كل سنة مش موجوده اساسا ده غير ان الشوارع مضلمه علطول وحجات كتير تانيه شعوري انا في رمضان السنه دي رغم كل حاجه احساس حلوو عشان حاسه ان انا قدرت اقرب من ربنا اكتر ودي احسن حاجه ♡~ ودي كانت اراء بعض الاعضاء كانت معكم شهيده تحت الطلب منتدي بنات مصر كل عام وانتم بخير..~

[bobaOo]

الله الله
ايه الحلاوة تي
مجهود رائع منك جوجو
تسلم إيدك

[شهيده تحت الطلب]

اقتباس المشاركة الأصلية كتبت بواسطة boba0o الله الله ايه الحلاوة تي مجهود رائع منك جوجو تسلم إيدك

انتي الاحلي
تسلمي

[ملاك صعبة الإمتلاك]

الله جمييل فعلا وربنا
ابدعتتي يا عسلييه

[Gogo Goge]

تسلمي يا قمر
مجهود رائع منك ~

[حـيـــــآة ❤]

رآئع أحبيبتئ
تسسلمئ

[حَرفُُ هجآءّ]

كل واحد شايف من وجهه نظره رمضان بطريقة وشكل غير التانى
جميلة ياجهاد فكرة الموضوع

[شهيده تحت الطلب]

اقتباس المشاركة الأصلية كتبت بواسطة yǻ-Řǻ الله جمييل فعلا وربنا ابدعتتي يا عسلييه

انتي الاجمل^^

اقتباس المشاركة الأصلية كتبت بواسطة gogo goge تسلمي يا قمر مجهود رائع منك ~

الله يسلمك
نورتي^^

[شهيده تحت الطلب]

اقتباس المشاركة الأصلية كتبت بواسطة crazy o_o ana رآئع أحبيبتئ تسسلمئ

انتي الروع
نورتي

اقتباس المشاركة الأصلية كتبت بواسطة حَرفُُ هجآءّ كل واحد شايف من وجهه نظره رمضان بطريقة وشكل غير التانى جميلة ياجهاد فكرة الموضوع

انتي الاجمل
منوره ^_^