رانسى فى كلمتين ( تابع التطوع فى الجيش )

[Stop Ana Eltop]

السلام عليكم ورحمة الله وبركاته ازيكم عاملين ايه ان شاء الله تماام معايا انهارده ضيفه غاليه عليه اوووى اوووى من الناس الجميله الى عرفتها عن طريق المنتدى وبقينا اصحاب جامد انا بعتز جداا جداا بمعرفتها وحقيقى حقيقى اتشرفت بيكى يا مرام Ŗăήćy مشرفة الديكورسابقا نبدا بقن اسمك-سنك-عنوانك مرام,,15 سنة,,طنطا عرفتى المنتدى ازاى عن طريق جوجل دخلتى المنتدى من امتى 06-07-2012 سنتين اهو..ربنا يزيد ويبارك (يــــارب ) اول حد اتعرفتى عليه تقريباً دمعة حائرة والماجيك كانوا من اوائل الناس الى اتعرفت عليهم هنا بيمثلك ايه المنتدى المنتدى بالنسبة مكان للاستفادة عرفت فيه حاجات كتير ماكنتش عرفاها..فادنى فى حياتى وقضيت فيه ايام حلوة اتعرفت فيه على اصحاب جدعان اوى..نفسى زى ما اتجمعت معاكم هنا اتجمع معاهم فى الجنة ♥ اول قسم تابعتيه فى المنتدى انا كنت مهتمة اوى بـ اقسام حواء وبحب اتابعها وادخلها كنتى مشرفة قسم الديكور ليه سبتى الاشراف سبت الإشراف عشان ماكنش عندى اى افكار جديدة اقدر اضيفها للقسم وحتى لو كان فى افكار ماكنش بيكون فى تفاعل يمكن دلوقتى فى تفاعل اكتر من الاول لكن انا طلبت انتى اتشال عشان مايكونش اسمى مشرفة كده وخلاص وانا مش بعمل حاجة ( صدقى انا كمان كنت شايفه نفسى كدا يلا حلوو99وو999و اللون الاسود ) وفاء اسراء آيه الثلاثى دول بيمثلولك ايه فى المنتدى هييييييييييح ♥ الثلاثى دول قاعدين فى قلبى ومربعين من اقرب الناس لـ قلبى بعزهم جداً وهما عارفين كده كويس بنفهم بعض..بنحس ببعض هما من الحاجات الحلوة الى طلعت بيها من المنتدى بجد ربنا يجمعنى بيهم فى الجنة يارب ( وانا كمان معاكوا ان شاء الله يعنى جت علياا ) فى حياتك الشخصيه بقن ايه امانيكى فى الدنيا امنيتى انال رضا ربنا طبعاً اول شئ والجنة..واتفوق فى دراستى اكتر واكتر لحد ما ادخل الكلية الى بحلم بيها والى ماما بتتمنى انى ادخلها ^^ واثبت نفسى بقى فى الكلية دى وفى المجتمع كله عموماً ونفسى اشترك فى اى عمل خيرى حتى لو بسيط والف العالم كله بقى حققتى حاجه من الى حلمتى بيها آه الحمد لله من اغلى شخص فى حياتك امى..وجدتى..واخواتى عمرك اتمنيتى ترجع بيكى الايام لورا آه..وخصوصاً بعد وفاة بابا ندمتى على حاجه قبل كدا آه كتير ايه اكتر صفه فيكى بتكرهيها العصبية والكسل والتسرع -_- رايك السياسى تبع مين مش تبع حد لأنى ببساطة مش بتابع السياسة خالص ومقدرش اقول رائ من غير ماكون متابعة ومش حابة انى اكون تابعة لـ رأى حد اعرفه او كده لما اتابع هابقى اقول رائيى تبع مين ^^ قد ايه متعلقه بالنت انا متعلقة بالنت يمكن بنسبة 80% وانا مش مبسوطة بـ كدة بالعكس عايزة اقلل دخولى من عالنت لكن ماعنديش العزيمة الكافية,,مش عايزة اعلق نفسى بحاجة ماعرفش آخرتها هاتكون ايه عايزة اشغل نفسى بحياتى اكتر,,مهما كانت استفادتى منه بس برده مايستحقش الاهمية الكبيرة فى حياتى ليه ! (حقيقى النت دماار دماار وعمره ما كان افاده مايكملش السيسى جميله علينا ويلغيه ) ندمتى انك اتعرفتى على حد من الى اتعرفتى عليهم عن طريق النت لا اصدقائنا من على النت ساعات بيبقوا اقرب من اصدقاء الحقيقه بتصدقى الكلام دا آه احياناً يعنى مثلاً فى الاجازة الواحد مش بيشوف اصدقائه وبيقعد معاهم زى مابيقعد مع اصدقاء النت بالنسبة لى فعلاً اصدقاء النت اقرب بكتير عمرك اتمنيتى الموت لقدر الله ولو اه ليه آه..اتمنيت الموت عشان اقابل بابا الى سابنا وراح فجأة كده والى بعده حياتى اتغيرت للاسوأ :/ ( ربنا يرحمه يااارب وان شاء الله تلتقوا فى الجنه عما قرييب ) المنتدى بقن ايه عيوب المنتدى من وجهة نظرك عيوبه ان الناس بقت بتشيل من بعضها وبتقول كلام على بعض وبتاع وده أثر على التفاعل فى المنتدى وبقى سبب فى غياب ناس كتير وعيبه برده ان قليلين اوى الى تلاقيهم بيتقنوا الحاجة الى بيعملوها اياً كانت..وبقيت بحس ان الناس بتستخسر تقدم للمنتدى اى حاجة ويمكن ده سببه انه مش بيلاقى التفاعل او التقدير الى بيكون مستنيه فيسبب له احباط ويقول خلاص مش هتعب نفسى عمتاً انا بالنسبة المنتدى بعد ماكان له اهمية كبيرة بالنسبة لى دلوقتى بقى عادى ! اكتر قسم بتحبيه فى المنتدى صفحات مكشوفة لو اتعرض عليكى الاشراف مره تانيه تختارى قسم ايه هو انا خلاص وافقت وهاختار القسم الى اكون مشرفة عليه لا انا اصلاً مش عايزة اكون مشرفة خلاص..شايفة انه ماعنديش افكار اضيفها لاى قسم ولو عندى مش هتأخر فى تقديمها حتى لو انا مشرفة سابقة ( يعنى عاوزه افهم دلوقتى هتبقى مشرفه ولا مش عاوزه تبقى مشرفه ) موقف حصلك فى المنتدى عمرك ما هتنسيه مفيش موقف معين,,بس المواقف الحلوة الى مريت بيها مع اى حد هنا اكيد عمرى ماهنساه ايه الى يخليكى تتخلى عن المنتدى حياتى ودراستى..لو لقيت ان المنتدى مأثر عليهم بشكل سلبى اكيد هاتخلى عنه وجهى رساله للاداريين والمشرفين والاعضاء احب اقولهم ان من غيركم مفيش منتدى ياريت الكل يهتم بالمنتدى اكتر ونصفى نفوسنا ونخلينا فى حالنا برده واقولهم احنا داخلين هنا عشان نرفه عن نفسنا ونفيد بعض بـ خبراتنا مش داخلين عشان نضايق بعض ويارب دايماً نفضل متجمعين عالخير ونكون سبب فى تقدم المنتدى اكتر واكتر ( يارييييت والله ياخدوا بكلامكم حقيقى محتاجين كلنا واقفه لتصحيح الاوضاع ) اختارى حد واحد من المنتدى وكمان حد واحد اختاريه من بره المنتدى حد من المنتدى:إسراء هاقولها انتى اقوى من اى حاجة تمرى عليكى فى حياتك انتى حلوة اصلاً وتستحقى كل خير ♥ واوعى تفكرى انك تغيبى عشان انتى عارفة هاعمل ايه حد من بره المنتدى:اقرب صاحبة ليا اسمها ندى اقولها انتى اجدع واوفى صديقة الدنيا ساعات بحس انى ما استاهلش كل ده منك ♥ ربنا مايحرمنى منك ابداً يارب وهاحاول اخليها تشوف الرسالة على فكرة (وخليها تشترك معانا كمان ) وليا كمان بقن جات عليا ليكى ليه هو انتى جاية فى اى حاجة كده وخلاص لا ياهوبا الصراحة انتى بنوتة عسولة بجد اتعرفنا على بعض بالصدفة,,بس كانت صدفة حلوة سعيدة بيها وسعيدة بصداقتنا لبعض انا حقيقى بحبك جداً ربنا يوفقك فى حياتك وتدخلى الكلية الى بتحلمى بيها وتثبتى نفسك فيها بإذن الله ( ايوت انا باجى فى اى حاجه كدا وخلاص .. تسلميلى يا مرار انتى كمان والله غاليه على قلبى جدااا ويارب يوفقك انتى كمان فى حياتك وتحققى كل امانيكى ) تسلمى ياهوبا مبسوطة بالاستضافة دى,,بالتوفيق ليكى بقى ياحبى انا الى مبسوطه جداا جدااا انه مرام بذات نفسها كانت ضيفه معايا حقيقى اتبسطت بالحوار معاكى واتمنى نتحاور تانى عن قريب ان شاء الله تسلمييلى بقن وبكدا انتهت الاستضافه مع رانسى والى لقاء قريب مع حد جديد انتظرونا بقن فى امــــان الله

[morshooo]

الحوار جميل جدا
وفيه اسئله شامله
مرام طبعا عضوة متميزة
وموجودة بشكل جامد فى الفيس
قصدى المنتدى ^_^
وان شاء الله ربنا يكرمك فى دراستك
وتحققى امنياتك
بالتوفيق

[bobaOo]

مجهود مميز منك هوبآ
ومرام عضوه فعالة
ومميزة
وربنا يحققلها كل اللي في بالها
ويدوم التميز

[رنا هشام]

رآنسي آلبت دي قآعده ف قلبي ومربعه :d
بموت فيكي ي مرمورتي ي عثل ^_^
آستضفه جميلةة آوي
وآستمري بقي

[Aya 7ekaya]

هييييح بقا ^^
مرام وكدهون
حبيبه قلبى اللى مش بتبطل غلاسه عليا
حبها جدا تحسيهاعقله كده هنا مع انها ع الفيس . يالا اللهم انى صائمه :d

[حلم عمري]

مرااااااااااااار
هييييييييييح
بنوتة زي العثل من احسن الناس اللي عرفتهم في حياتي
وبجد فرحانة اني اتعرفت عليها وبقينا اصحاب كدة
رغم انها رخمة كدة بس يلا هستحملها اعمل ايه بقا
بجد الحوار جميل اووي يا هبة
ليكي مستقبل في الاستضافات بجد
الاسئلة جميلة ومتنوعة وكمان الاجابات جميلة
وتحسي مرام عاقلة كدة مش عارفة حصلها كدة ازاي
ربنا يوفقك في حياتك حبيبتي وتحققي كل اللي تتمنيه
ويخليلك كل اللي بتحبيهم ويرحم والدك وان شاء الله نقابلهم كلهم في الجنة

تسلمو للحلقة الجميل دي يا بنوتات

[Ŗăήćy]

تسلميلى ياهوبا..الشرف ليا انا ياحبى
كنت مبسوطة بجد بالاستضافة دى
ماتحرمش منك بقى وموفقة فى المسابقة

ومش هنسى الخمسة جنيه بتاعتى

[Ŗăήćy]

اقتباس المشاركة الأصلية كتبت بواسطة morshooo الحوار جميل جدا وفيه اسئله شامله مرام طبعا عضوة متميزة وموجودة بشكل جامد فى الفيس قصدى المنتدى ^_^ وان شاء الله ربنا يكرمك فى دراستك وتحققى امنياتك بالتوفيق

تسلم ياموروشو..ربنا يخليك
وانا عارفة انى منورة الفيس قصدى المنتدى

آمين يارب وإياك نورت بقى ^^

[Ŗăήćy]

اقتباس المشاركة الأصلية كتبت بواسطة boba0o مجهود مميز منك هوبآ ومرام عضوه فعالة ومميزة وربنا يحققلها كل اللي في بالها ويدوم التميز

تسلمى ياهبة ده من زوقك بس يابنوتة
نورتينا وربنا يحققلك الى فى بالك برده ^^

[Ŗăήćy]

اقتباس المشاركة الأصلية كتبت بواسطة رنا هشام رآنسي آلبت دي قآعده ف قلبي ومربعه :d بموت فيكي ي مرمورتي ي عثل ^_^ آستضفه جميلةة آوي وآستمري بقي

رونى ♥
انا بحبك اكتر على فكرة
ربنا يخليكى ليا يارب ويجمعنى بيكى فى الجنة

منورة المنتدى والحلقة ^^