احساسى صحيح علي كرسي الاعتراف

[احساسى صحيح]

اقتباس المشاركة الأصلية كتبت بواسطة الآمير العآشق ههههههههههههه احنا عندنا كل انواع الكراسي ياسر وكلوو حسب الاحتياج والطلب ههههههههههه

هههههههههههههههه تسلم يا ماجد
دا من ذوقك يا جميل

[احساسى صحيح]

اهلا بصوت الحق ف المنتدى كله
منور :-)

اهلا وسهلا بيكِ اختى المحترمه ربعاويه
المنتدى هو إللى نور بحضورك الكريم
أمتى أخر مره كنت لئيم


ههههههههههه
تعرفى عمرى ما كنت لئيم
وفعلا نفسى داخليا اكون كده بس الحقيقه
هى بتكون حاجه فى الانسان اتربى عليها
وانا مش اتعلمت اكون كده دايما اتصرف بطبيعتى
حتى لو كان تصرفى ممكن انه يأذينى
ودى النقطه إللى بتؤخذ عليا هنا بالمنتدى عموماََ
يمكن اصدقاء كتير هنا نصحونى انى ما اتصرف بطبيعتى واتغير
حاولت بس مقدرتش

اخر مره ضحكت من قلبك:

يمكن من مده بسيطه شاهدت فيلم غبى منه فيه
معرفتش ابطل ضحك

اكتر حاجه بتخاف منها

مش بخاف غير انى اظلم حد
لان الظلم ظلمات
بشوف ناس كتير بتظلم وتستسهل الظلم
بل احيانا تسخر مننا لاننا مش قابلين بيه
وفاكرين ان ده العادى واننا علينا اننا نقبله
ناس فاكرين نفسهم فاهمين الدنيا كده صح
من منطلق المكانه او القوه التى وضعوا فيها
والله احيانا حالهم بيصعب عليا
ربنا يشفيهم من اللى هما فيه

[احساسى صحيح]

منوره بسنت
وان شاء الله لى عوده للاجابه على اسئلتك

[Stop Ana Eltop]

هلا والله يعنى استاذ ياسر بذات نفسه على كرسى الاعتراف يااه

اسأل بقن

ليه بحس دايما انه ساعات مش بتقدر المواقف الى قدامك
ليه عمرك مافكرت تصادق حد عكسك فى ميولك

عمرك مافكرت انك مش دايما صح

عندك استعداد تتقبل وجهة النظر الاخرى طالما انت غلط

ايه السر الى ممكن تعترف بيه دلوقتى عمرك ما اعترفت بيه فى المنتدى قبل كدا

مين الشخص الى مش ممكن تتخيل المنتدى من غيره

وجه رساله لشخص من غير ماتذكر اسمه هنا فى المنتدى عشان انا والاعضاء الفضول يقتلنا


ايه رايك وانا بسأل بقن

[Stop Ana Eltop]

تسلم يا مااجد على اللعبه الجمييله بقن

ومختار ضيف قديير

بالتوفييق

[العاشق الذى لم يتب]

صديقين حبيبين غاليين
ايه الجمال دهوووووون
ياماجد
منورانت اوى
وطبعا ياسر صحبى الغالى
بس ياخسارة شكله نسى الصحبة
ولايمكن اشتغل بخيل
ولايمكن من لقى احبابه نسى اصحابه
مش مهم
المهم انه منور الكرسى
وسؤال
امتة تعلن عن حبيبتك
وامتة هتجوزعلشان اخسر روحى وانقطك
بسبعة جنيه بحالهم

[Fatma Fareed]

اقتباس عايزاك تحكيلنا اكتر موقف مضحك مش هتقدر تنساه هو مره وانا كنت فى الاعدادى كنت فى المصيف وكنت انا واصحابى فى البحر كنا بنلعب وفجأه وجدت شابه زى القمر جنبنا بأمتار بسيطه عماله تصرخ ألحقونى هغرق بصيت على اصحابى لقيتهم كلهم عملوا فيها حمكشه العبيط ولا كأنهم سامعين حاجه, فطبعا انا عملت فيها الواد الحدق والشجاع إللى فيهم سبحت لغاية ما وصلت لها ومسكت بأيديها وحاولت انى اسحبها بشويش ولكن للاسف من خوفها وعصبيتها اخدتنى معاها لتحت وكنا قاب قوسين وادنى اننا احنا الاتنين نغرق فجأة لقيت المنقذ ماسكنا احنا الاتنين ولبسنا العوامه وطلعنا على برا كل ده واصحابى مش بطلوا ضحك وترقيه عليا

هههههههههههههههههههه
حمد لله على السلامه
الصحاب اصلا موجودين معانا علشان يشمتوا فينا مش اكتر

اقتباس موقف حزين / هو موقف صعب عليا شويه كان من حوالى عام يوم وفاة اخى الاكبر لأنه توفى بين يدى وفضلت معاه حتى وقت تغسيله وتكفينه ما فارقته وكلما اتت عليا تلك اللحظات لا استطيع النسيان ..

الله يرحمه ويجعل مثواه الجنه اللهم امين

اقتباس وموقف اجرامى عملته وانتا صغير / المواقف الاجراميه كتير وانا صغير اتذكر وانا فى الابتدائيه زعيم شارعنا والكل بيهابنى جدا وفى احدى المرات احد اصدقائى وشلتى تعارك مع احد اطفال شارع اخر بجوارنا طبعا عملت اجتماع عاجل بشلتى او عصابتى ورسمنا الخطه وانتظرنا الولد اللى ضرب صديقنا اول ما شفته خوفت جدا لأنى وجدته ما شاء الله قبضاى وعضلات بس ربنا وفق واخد الطريحه بمساعدة باقى العصابه

ههههههههههههههههههههههه
ماشاء الله دانتوا عصابه بقاااا
دانا اخاف اسال تانى
طب تؤمرنى بحاجه يا بيه

اقتباس واكتررر موقف محرج حصلك افتكر كان قريب وكنت مسافر للقاهره واخدت تاكسى لغاية الموقف وطبعا نزلت وبحاسب السواق مش لقيت المحفظه كان موقف بلون الفراوله بس ربنا سلم رجعنا ادراجنا مره اخرى رغم بعد المسافه

هههههههههههههههههههههه
طيب الحمد لله
ده كان ممكن يقلبك ماهو حقه بقا

اقتباس دى كل المواقف اللى افتكرتها لو افتكرت موقف تانى هيبقا لييييا عوده شريره نورتى طمطم وابقى تعالى تانى منتظرك بقا

الكرسى منووور بييك
وليا عوده باذن الله

[Angel Smile]

هو فى هنا كرسى كمان الله :d

هسال ع طول اكييد ^_^

اولا ايه احساسك و انت قاعد ع الكرسى المخيف ده ؟

ثانيا : دعاء دعيته و لسة مش استجاب ليك ..

ثالثا : ايه ممكن يخليك تفقد الامل بسرعة و تدخل فمرحلة اليأس ؟

رابعا : اخر مرة واجهت نفسك امتى ؟ و كان ايه اللى متوجه ليها ..

و كفاية كدة :d

[Fatma Fareed]

انا جيييت تااانى هـع

كام سؤال كده على ما قوسوم

ايه القرار اللى اخدته وندمت عليه ..!

اخر شخص بتفتكره قبل ما تنام

بونى ادم استحاله تسامحه فى يوم ..

اكتر حاجه بتعصبك .. وهل انتا عصبى ولا ..!

حاجه ماتقدرش تسامح فيها

انسان ماتقدرش تزعل منه ابداً

كفايه بقا بعد المفطر افكر فى اساله تانى وانتا وحظك

[Silver Flower]

ياسر على كرسي الاعتراف الله يستر
بدي أساله سؤال وياريت يجاوب عنه بصراحه
الآني مصدومه من الي بيحصل ومقهوره وحابه اعرف الإجابة
ياترى ما هو موقف أغلبية الشارع المصري من الي بيحصل عندنا؟

تاني سؤال
شو هو طموحك في ها الدنيا

ولوين بدك توصل
وهل أحلامك وقفت بسبب معين

وهل راح تدافع عن حلمك وطموحك او تكتفي انك موجود في الحياه برتينها العادي

بما انك من الشعب المصري شو حابب يتغير في البلد
وشو حابب تضيف لمتطلبات المواطن المصري

لو تم طلبك في الجهاد في سوريا الآي طائفه تنتمي
وهل راح تلبي النداء
باختصار


شو رأيك في الثورات الي حصلت في البلاد

سؤال اخير
ياترى احنا مسلمين ؟
ولا متأسلمين
أسفه طولت عليك