شاورما لحمة من مطبخى ^_^

[Hearts Whisper]

صباح الخير .. مساء الخير
على حسب ما تدخلوا بقا


من زمااان اوى مدخلتش الهوايات
قسمى الاول .. الحتة الى فى الشمال

الموهيم برضو دى اول مرة اكتب توبيك عن الطبخ
وطبعا النهاردة جايلكوا بحاجة كدا انا عن نفسى بحبها جدا

هنعمل النهاردة

شـاورمـــا لحمــــة

ركزوا معايا بقا كدا

المكونات بقا

نص كيلو لحمة
علبتين زبادى
معلقتين صلصة
ليمون
فلفل أخضر واحمر
بصل
تووم
ملح
فلفل
كمون
كركم
زعتر
قرفة


يلا بقا نبدأ

نجيب اللحمة ونفطعها شرايح زى دى
وممكن اصغر زى ما تحبوا



وبعين نجيب طبق عميق

ونحط فيها مكونات التتبيلة



زباادى
صلصة الطماطم
ليمون
توووم
ملح
فلفل
كمون
قرفة
زعتر
كركم

ونخلطهم فى بعض

ونحط فيهم شرايح اللحمة .. ونقلبهم كويس



وندخلها التلاجة اقل حاجة ساعة انا سبتها 3 ساعات

بعد كدا نخرجها من التلاجة
ونسخن طااسة ونحط فيها شرايح اللحمة بالتتبيلة بتاعتها
وممكن نحط عليها ربع كوباية ماية متزدش
وغطيها وسيبيها لحد ما تستوى وتنشف
لازم تنشف وتبقا كدا



ونكون مجهزين الطماطم والفلفل والبصل ومقطعينهم شرايح كدا



ونجيب مقلى تانى .. ونحط شوية زيييت صغيرين

ونحط فيهم الشاريح اللحمة والبصل والطماطم والفلفل الالوان



ونغطيهم برضو ونسيبهم لحد ما يدبلوا

وبس كدا ودى كان شكلها فى النهاية







ألف هناا بقا


..................................

Hearts Whisper

[ملك جبال الاحزان]

لا جميل وشكل طعمه جميل بردو
برافو عليكى وصغرى الصور بس شوية
انا حسيست انى محطوط جوه الطبق هههههههههه
رمضانك كريم

[big bốss]

لا جامده يا شيماء

بتعرفى تطبخى اهو يا مدروبه

شكلها حلو اما الطعم مش هنحكم عليه الا لما تعزمينا و نجرب

استمرى يا عم الشيف :d

[♥○ moOoOoOna ♥○]

جمييييييييييل تسلم ايديك

بس احنا فى رمضان تعذبى الناس ليه ههههههههههههههههه

[مشتاقه للجنه]

شكل الطبق جميل أووى
بجد تسلم ايدك

رمضان كريم

[رووكه]

عثلاته والله بس علشان يعرفو
لما بنحط حاجه ف دماغنا بنعملها
عقبال متعملى ف بيتك يا قلبى
تسلم ايديكِ

[Hearts Whisper]

اقتباس المشاركة الأصلية كتبت بواسطة ملك جبال الاحزان لا جميل وشكل طعمه جميل بردو برافو عليكى وصغرى الصور بس شوية انا حسيست انى محطوط جوه الطبق هههههههههه رمضانك كريم

ههههههههه اهو صغرتها اهو
ثانكس على مرورك
والله أكرم

[Hearts Whisper]

اقتباس المشاركة الأصلية كتبت بواسطة big bốss لا جامده يا شيماء بتعرفى تطبخى اهو يا مدروبه شكلها حلو اما الطعم مش هنحكم عليه الا لما تعزمينا و نجرب استمرى يا عم الشيف :d

بعيد عن الكلاام الحلو الى اتقاال
ريح نفسك يا نووور . انا هعزم المنتدى كله الا انت
ويلا بقا هقولك ثانكس وخلاص :d

[Hearts Whisper]

اقتباس المشاركة الأصلية كتبت بواسطة sun hope جمييييييييييل تسلم ايديك بس احنا فى رمضان تعذبى الناس ليه ههههههههههههههههه

انتى اجمل يا قلبى
يلا بقا بعلمكوا الصبر :d
نورتينى

[Hearts Whisper]

اقتباس المشاركة الأصلية كتبت بواسطة مشتاقه للجنه شكل الطبق جميل أووى بجد تسلم ايدك رمضان كريم

ربنا يخليكى يا قلبى
الله اكرم
نورتينى