برنامج عيشها صح الحلقه الخامسه مع "احضان الحبايب"

[۩۩ elMagic ۩۩]

السلام عليكم ورحمة الله وبركاته الحلقه السابقه كانت منورانا عضوتنا الجميله كوين ميرو http://forums.banatmisr.com/msryat464519/ والحلقه دي كانت من اكتر من تلت شهور ونص والنهارده مع حلقة جديده من البرنامج ومعانا مهندس شقى مميز في أسلوبه ذو فكر ناضج وعقلاني معانا ومعكم بعد ما اتخطف من جحر الصفحات احضان الحبايب مشرف صفحات مكشوفة سابقا الفقره الاولي : عيشها صح * فى البدايه عرفنـا على نفسكـ ؟ وقولنا ملامح شخصيتكـ ؟ اسمى عبدالرحمن بن محمد بن العجوانى ^^ .. عندى 19 سنة ., فـ اولى مدنى يعنى تانية كلية ., شخصيتى بتتمحور فـ انى شخص يُحب نفسه ., و يحترم الآخرين جداً ., يكره الفشـل بشـدة ., و يعشق النجاح فى كل شئ .. بحب الموسيقى و الرسم و الباليه ., بن محمد بن العجواني لا اسم مميز يا عوبد * قولنا بقى انت شايف انكـ عايشها صح ؟ آه الحمدلله ., فى تقصير فى بعض النقط كدا ., لكنى قادر على تصحيحها ان شاء الله : )) ., ربنا ما يوقف ف طريقك اى حاجه غلط ي عم * الى اى حد انت طموح ؟ وياترى ايه هى طموحاتكـ ؟ طموحى مالهوش حدود ., الا انه منطقى و متدرج بشكل منطقى ., طموحاتى المستقبليه القريبه انى اجيب تقدير كويس فى الكلية ., و انى استفاد جداً من الفتره دى فى التدريبات ., و الاحتكاك بسوق العمل ., و احصل على الخبره الادبية ., و فى طموحات مستقبليه بعيده شوية ., و لكن دى بحب احتفظ بيها لنفسى : )) ... * ممكن تقولنا ايه الصعوبات اللى واجهتكـ فى حياتكـ ؟ وياترى قدرت تواجهها وتتخطاها ولا استسلمت لها ؟ 1- نفسى ., انا كنت مُضطر انى اواجه بعض القصور فى نفسى و دى كانت من اولى الصعوبات ., و الحمدلله قدرت اتخطاها بشكل صحيح لحد الآن .. 2 - بابا ., مش لانه عائق الا ان بابا بيحب انى امشى حياه صحيحه ., ال هو انجح و ابقى كويس و يبقا معايا فلوس و علاقتى بربنا تبقى كويسه و كدا ., لكن عايزنى اوصل للحاجات دى بالطرق التقليدية من غير تنطيط ., و انا بحب التنطيط بصراحه ., فـ بيبقا فى شوية صعوبه انى اقنعه ان التنطيط ده صح و لمصلحتى ., بس مؤخراً بقيت قادر ع ده الحمدلله ., 3- بعض الناس ., لكن دول كانوا عائق بسيط ., لانى اخر واحد ممكن يتلفت لكلام الناس عنه ., وماله ي عم اتنطط براحتك بس خلى بالك لا تقع حبيبي اعبده * لما الدنيا بتخبط معاكـ وتديكـ ظهرها بتعمل ايه ؟ بحاول اعمل حاجه بحبها ., ممكن اسمع سورة فى القرآن بحب اسمعها ., اسمع موسيقى ., اقعد مع نفسى شوية ., كدا يعنى ^^ .. بس انا الدنيا مش بتدينى ضهرها كتير الحمدلله : )) * فى رأيكـ ايه الاسباب الى بتخلى الواحد يستسلم بسهوله لأى عقبه تقابله ؟ عدم الايمان بالـ هو عايزه او ال بيسعى اليه .. * لما يواجه المرء مشكله معينه فى رأيكـ الافضل ان يواجهها بمفرده ولا يجب ان يستعين بمن هو أكثر خبرة منه ؟ انا بحب المواجهه بمفرادى ., لان ده هيدينى الخبره الكافية للمواجهه بعد كدا .. * لو افترضنا ان الشخص دا رفض الاستعانه بأحد أتسمى ذلكـ غرور ؟ ولو لاء .. امتى يكون غرور فى رأيكـ ؟ لاا طبعاً مش غرور ^^ .. الغرور الحقيقى ان حد يعرض عليك مساعدته ., و انت بتغرق فعلاً ., و ترفض لمجرد انك مش عايز ان يبقا فى حد ساعدك ., و ده يُسمى الغرور الغبى -_- .. * فى رأيك الثقه بالنفس ليها دور فى الموضوع دا ؟ اساسى طبعاً ., الثقه اساس لكل فعل الانسان بيقوم بيه * وانت شايف انكـ على درجه عاليه من الثقه بنفسكـ ؟ اه الحمدلله ., لدرجة ان البعض بيفكرها غرور .., هما المهندسين كده لما بيكبروا بيتغروا فا خد بالك علشان اما تكبر هتبقى لا تتُطاق ي عبده يبقى سيطر ع الموضوع دا بدري بدري يا باشمهندس * تقدر تقولنـا بقآ الاثار المترتبه على الثقه بالنفس الزياده عن حدهـا لدى الفرد ؟ اى ثقة فى النفس تزيد عن حدها او تبقى فى غير محلها ., نتيجتها البديهيه .. الفشـــــل ., * قولنا بقى انت بتعمل ايه لما تواجهكـ مشكله بتستعين بحد ولا بتواجهها لوحدكـ ؟ مؤخراً بقيت بحل كل حاجه لواحدى ., لانى ادرى واحد بنفسى .. * ايهم من له الاولويه فى عملية إتخاذ القرار قلبكـ أم عقلكـ ؟ عقلى بنسبة 80 % .. مكنتش متوقع ان فيه 20% قلب عندك اعبده * يا ترى شايفه مستقبلكـ ماشـى ازاى ؟ المستقبل بيد الله .. كل ال اقدر اقوله عنه .. انى هسعى انه يبقى فى افضل احواله ^^ .. و انى ابقى قادر فيه على تحقيق طموحى ان شاء الله .. ونعم بالله ,, * متى شعرت بالفشل ؟ وماذا فعلت حينها ؟ يوم ما شيلت مادة السنة ال فاتت .. ووقتها تعبت شوية لانى زى ما قولت بكره الفشل بشدة ., و بعدها بقيت كويس و بدأت اشوف ايه الدروس ال ممكن استفادها من اولى تجارب الفشل فى حياتى .. " جميل انك تشيل ماده والاجمل انك تعرف ازاى تعدي منها " يا حِكمك يا ابو حميد * اتفكـر فى الكلام قبل ان تقوله ؟ لو فى مجال للتحضير .. فـ انا ببقى محضر افكارى اكيد ., اما لو ف نقاش مُفاجئ .. فـ بعتمد على الارتجال ., و الحمدلله الارتجال بيسعفنى ., لان غالباً ذهنى بيبقا حاضر دايما ., الحمدلله .. * هل لكلام الناس تأثير على شخصيتكـ ؟ لما حد بينتقدنى بمنطقية فـ اكيد بتفرق معايا ., خصوصا لما ابقى شايف العيب ال هو بينتقده فى نفسى ., اما الكلام ال مالهوش لازم ال هو للكلام و خلاص ., ولا بيفرق .. * اذا خانكـ أعز صديق لكـ أتتقبل عزره واسفهـ ؟ لو اه .. امتـى لا تتقبله ؟ لا انا بكره الخيانه و مالهاش عذر عندى .. * ايه رأيكـ فى موضة الملابس ؟ أتتبعها ام تتجاهلها ؟ و لا ليا علاقه بيها .. ^^ انا البس ما يعجبنى وقتما اريد .. وقتما تُريد يا فصايحك يا عبده فل عليك * "وقتكـ كالسيف إن لم تقطعه قطعكـ" بمناسبة المقوله دى بقـى قولى انت من الشخصيات التى تفضل تخطيط وتنظيم الوقت ولا سايباها على الله زى ما تيجى ؟؟ بأعتبار ان كلنا سايبنها على الله طبعا فى كل الاحوال انا بحب تنظيم الوقت .. و ااساس نجاح فى حاجات كتير .. الا انى مش قادر اظبط وقتى ف الكلية .. عشان مافيش اى ثبات فى اى حاجه ., و الدكاترة ممشياها بالمزاج .. بس خير ان شاء الله .. ربنا معاك ي معلم ومعانا الدكاتره دول رخمين رخامة السنين * "المال يصنع السعادة" ايه رأيك فى المقوله ديه اتتفق معها ام لا ...مع ذكر وجهت نظركـ فيها ؟ مختلف معاها .. المال قد يكون سبيلاً من سُبل السعادة .. او سبيلاً لتحقيقها .. لكن المال ليس قادراً على جعل انسان سعيداً .. ! * بيقولوا ان الحب بيصنع المعجزات ياترى ممكن فى يوم تتنازل عن مبادئكـ فى سبيل إرضاء من تحب ؟؟ الحب يُعلى المبادئ .. لو بقيت مُضطر انى اتنازل عن مبدأ عشان الحب .. يبقا ده مش حب اصلاً !! المبادئ لا تتجزأ بقآ * هل للكرامه والاعتزاز بالنفس وجود فى الحب ؟؟ آآه طبعاً ... * ايه رأيك فى المقولات ديه *الواد دا وشه فقري *البنت دى نحس *انا حظى وحش فى الدنيا دى *ابعد عنى انت عينكـ وحشه ؟؟ الحسد مذكور فى القرآن .. بس مافيش حد فقرى .. فى حد ما بيقولش ماشاء الله .. و بيحسد .. و ده عنده مشكلة .. مافيش حد اسمه حظه وحش ف الدنيا .. فى واحد بيسعى و فى واحد لاا .. و فى واحد عارف هو ينفعله ايه و فى واحد ممشيها بالبركه .. وانت بتقول كلام اصلي دي اجمد إجابه جات ع السؤال دا منذ تاريخ عمل البرنامج ع مدار الموسمين (Y) * ما مفهوم كلاً من : "من وجهة نظركـ " الحياه سعاده و حزن و نجاح و فشل و حب و طاعه لله .. النجاح من احلى الفرحات فى الدنيا : )) .. الفشل درس لازم نمر بيه اليأس غباء من الانسان الامل اساس اى سعى .. الموت الحاجه الوحيده ال متاكدين انها هتحصلنا ^^ * قولنا بقآ كام نصيحه كده للجمهورعلشان يقدر يعيشهـا صح ؟ اعرف انت عايز ايه كويس جداً .. اعرف هتسعاله ازاى .. حب نفسك و حب ال هتعمله .. ما تعملش حاجه غصب عنك .. احمد ربنا كتير اوى على النعم ال انت فيها .. خلى عندك صحاب كويسين و خليك ذكى فى التعامل معاهم .. ما تزعلش بسبب حد .. طز فى ال يزعلك .. ايه النصايح الحلوه دي حبيبي يا عبده من أيام الجيزه الفقره الثانيه: الآدبيه # بداية أود معرفة سبب اختيار حضرتك لهذا الاسم ( أحضان الحبايب ) ؟؟ اول اغنية احفظها و احبها لحليم ^^ .. فـ يوم ما سجلت فى المنتدى .. كانت فى بالى .. و كتبت ده الاسم .. # [ قلــبُ جديـدٌ ] لعل الخطأ ليس في معاملاتنا وإنما في اختياراتنا ، فليس الكل يستحق من الاهتمام بذات المقدار ، البعض يستحق أن طرده من حياتنا تماما ، أما قلوبنا حين نغيرها فإننا يوما نندم .. متى يستحق تماماً شخص ما أن طرده من حياتنا دون فرص عودة ؟ الشخص ال يقل منك و من افعالك و تحس انه بيحبطك .. و حتى الخير بيستكتر يتمناه لك .. يبقا تطرده من افكارك و من حياتك دون عودة .. الشخص ال يخونك .. و الشخص ال يجى عليك مره و اتنين و تلاته .., فى الرابعه تطردوا من حياتك بدون عذر .. # [ للآسـف . . . . هــى تحبـــك ] أعتبرها جريمة أن يُعطي شخص أحدهم إيحاء أنه مغرَم به ، وأن يكون مدركا تماما أن هذا مايفهمه الطرف الآخر وإن لم يقصد ، ويجعله مستمرا في الإيمان أنه يحبه !! ليس شرطا أن كل تباعد لأن أحدا سيئاً ، لكن قد يكون اجتماع اثنان هو الغير مناسب .. كرجل شرقي مارأيك باعتراف الفتاة لشاب أنها تحبه ؟ كـ رجل مُسلم يفهم و شرقى .. الاعتراف بالحب ليس بجريمة .. اعتراف البنت بحبها للشاب ممكن يبقا خطر على البنت نفسها .. لانها ممكن تُسئ الاختيار و تعترف للشخص الخاطئ .. فـ ممكن تتعب بعد كدا .. و ممكن تعترف لشخص فعلاً بيحبها و يكون هو ما كان قادر ياخد الخطوة الاولى .. و اعترافها ممكن يبقا طريق لحياة حلوه بعد كدا .. اعتراف البنت او الولد بحبهم .. قرار محتاج وقت كبير جداً لاتخاذه ^^ .. # [ أبتســامـة حـزن ] هذا الموضوع استكمال لموضوع سبقه -في السؤال الثاني- ، مبدئياً لاأحد كل حياته حزن ، بل نحن من نسجن أنفسنا حزنا .. بسياق الموضوع ، ألم يتبادر لذهنك أنك قد تكون مخطئاً برؤيتك تلك ؟ بمعنى آخر قد لايكون الآخر سيئا لكن هناك سوء تفاهم أو تواصل بيننا وبينه .. فى فرق كبير ما بين سوء التفاهم او التواصل .. و ما بين واحد بيأذيك .. بيأذى مشاعرك .. اظن دى اجابه كافية للتوضيح ^^ .. # { عــاشــق المستحيـل } قد يكون المستحيل من صنعنا .. نحن بشر لانرى القلوب ، لذا مانعلمه هو مانراه ونسمعه ، وليس من المنطقي إبقاء المشاعر على رف انتظار صمتاً .. ألا تظن أن إبقاء المشاعر سنا لن يجلب إلا ذهابها ؟ المشاعر الحقيقيه ثابتة الجذور .. صعب جداً انها تروح مع الزمن .. المشاعر ال بتبقى بعد تروى .. و بتمر بمراحل ولادتها الطبيعيه .. مشاعر بتكبر و بتفضل عايشه جوانا .. مش بتروح بالزمن .. # الحكاية كلها فى صورة إنسانيا فهذا واقع مرفوض ، ليس لأجل العقيدة خصيصا ، وإنما لأجل الدين وإن اختلفت العقيدة .. برأيك لمَ طال بلاء أهل سوريا ؟ سوريا بطّهر نفسها من حاجات كتير .. من الشيعه ., من الجماعات الاسلامية المُتطرفه .. من داعش و ما ادراك ما جرائم داعش :\ .. و ان طال البلاء فـ الحق ينتصر فى النهاية ان شاء الله .. # من فضـلك ., ابـتسم الابتسامة لغة لاتحتاج ترجمة ، حتى وإن كذَبَتْ باستطاعتها أن تقنع الباطن بالسعادة .. قد ترتبط السعادة أيضا بالدموع ، لكن لدموع الفرحة مذاق آخر .. عن دموع الفرح حدثنا .. بصراحه عمرى ما عيط لانى نجحت فـ اى شئ .. فـ انا ما اعرفش اكلمك عنها .. لانى عمر ما حسيت الاحساس ده ^^ .. # راهب العشق مؤمن أن الحب إن لم يعطِنا القوة والسعادة ، إذن هو مجرد بلاء يجب انتهاؤه .. أما زلت ترى بالحب ذلا ما ؟؟ انا مؤمن جداً ان الحب سبب من اسباب القوة و السعادة و السعى و حاجات جميله جداً فى الحياه و غير كدا فـ ما يبقاش حب .. و لكن الحب ذل الحبيب لحبيبته .. و ذل الحبيبه لحبيبها .. فـ هو ذل من غير عبودية .. و ذل يقبله الطرفين .. ذل يرفع من شأن الانسان لا يحط منه .. ذل الحبيب لحبيته او العكس .. يعنى كلاً منها يروض نفسه للاخر .. يعنى " تنازل " عن العيوب .. يعنى " كره " للعقبات .. يعنى ذل للحبيب يجلب كرامة و كبرياء ^^ .. # مشاعر للحياة ماالدرس الأكبر الذي علمتكَ إياه الحياة ؟؟ انت اولى بنفسك .. انت من تصنع لنفسك الفرصة و تغتنمها .. لا شئ يُنجز بدون سعى .. # بالنهاية سعدتُ بتصفح مواضيع حضرتك ، وماأراه أن الشخصية التي كتبت مواضيع قديمة تختلف عن الشخصية الحالية .. اتمنى ان دلوقتى يبقا افضل .. لانى انا شخصياً شايف كدا : )) .. و خصوصا ً انى انسان فى دور التطوير من نفسه دايماً ^^ .. و انا مبسوط انى كنت ضيف معاك .. و اتمنى انى اكون ضيف خفيف يعنى .. و تشكر على مجهودك و اجتهادك ^^ على فكره الحلقه دي عندي من قبل الامتحانات اكتر من شهرين كده عبده احبيبي عندي انا دي معلش اجابات جميله جداا طبعا عوبد شخصيه عقلانيه وأسلوبه مميز ربنا معاك يا غالي وتظهر نتيجتك على خير كل التوفيق ليك بإذن الله .. الحلقه دي ممكن تكون ختام الموسم التاني والبرنامج وممكن لاء يعني الحكايه تساهيل وربنا يقدم اللى فيه خير لينا جميعاً افتكرونا بالخير دايماً نتمنى نكون وُفقنا فيما تم عرضه ثانكس لأسماء ع المجهود معايا ودي وتقديري ..

[✿ Celiηα]

جميلة اوي الحلقة
بجد كل الاحاجات رائعة وعقلانية
تسلم عالاستضافة ماجيك ..

[حـيـــــآة ❤]

حلقه رآئعه وإستضآفه أروع ف إنتظآر ال6 بئآ
تسسلم أمآجيك

[ساحر الأحزان]

عبدة من الناس المحترمة

ووجودة لية طابع خاص ويحترم

هو واخد جنب شوية

يمكن لظروف دراستة

بتمنى لية التوفيق بحياتة

جميلة الحلقة ماجيك

وبانتظار الضيف القادم

[الحان الورد]

،

حلقة مليانة بـ فوايد ونصائح حلوة ،
عجبتني نقطة التدرج في الطموح ، والنصايح بتاعت الجماهير d:
وكمان إن عبدالرحمن بيحب يطور من نفسه دايمًا ..
بالتوفيق في حياتك إن شاء الله

تسلم ع المجهود يا أحمد ,
وإن شاء الله تبقى فيه حلقات تانية عشان البرنامج حلو ومفيد ..
بالتوفيق

[جبل عالي]

استضافة راقية وجميلة فعلا

وعبده مفيش اختلاف عليه من الجميع اكيد

بيعجبني طريقة تفكيره جداااااااا

ربنا يكرمك ويوفقك ياعبده ان شاءالله

ع فكرة عبودي كان بيرسم على هندسة برضوووو




موفق ياماجيك واسئلة راقية

لكم كل التحية والتقدير

[جـــــراح المشــاعر]

و اسئلة من العيار الثقيل
فكر ناضج
صراحة وعقد اتفاق مع النفس
بالاحترام والحب
كيان متكامل
فكر جيد نادر بزمن قله به الثقة بالنفس
حلقة قوية واقوي مما تخيلت
سوال قوي واجابه قاسية النضج
احترامي

[مُنـــــايا]

حلقه جميله واستضافه اجمل
لشخصيه هاديه ومتزنه تتسم بالعقلانيه والاحترام
واجابات صريحه تخلوا من اي شائبه
بالتوفيق ان شاء الله اخي دوما ويارب تحقق كل امالك
مجهود جميل منك اخي احمد
واسئله رائعه ووافيه
لروحكم السعاده

[Stop Ana Eltop]

حلقه جمييله جداا وعبد الرحمن شخصيه متميزه جداا رغم انه مبقاش يشارك فى المنتدى غير فى المدونه

تسلم يا احمد ع الحلقه

بالتوفييق بقن

[العاشق الذى لم يتب]

اهلا عبدالرحمن بن محمد
اخ فاضل وجميل وراقى
وكانت الاجابات راقية كرقى شخصك الفاضل
وجميل احمد البرنامج
من زمان حارمنا منه
عود احمد
وكل سنة وانت طيب