Stop Ana Eltop وحلقة استثنائيه

[Stop Ana Eltop]

السلام عليكم ورحمة الله وبركاته عاملين ايه ان شاء الله تماام اليوم استضافه مميزه من نوع غريب جداا اى حد فى المنتدى بيعمل استضافه بيعملها مع شخص تانى اما انا بقن ولانى استوب انا التوب ومميزه من نوع فريد هعمل استضافه مع نفسى واستضافه بجد مهياش ضحك ولا هزار هعرفكوا على نفسى عن قرب شويه ندخل ع الاستضافه بقن مــع المتميزه Stop Ana Eltop مشرفة الشخصيات التاريخية اسمك . سنك . عنوانك اسمى / هــبــه سنى / 18 سنه و5 شهور الا يومين عنوانى مصر - المنصوره - طناح عرفتى المنتدى ازاى من ابن خالتى ( بحر النسيان ) بما انها كانت هوايه عندنا زمان اننا نعرف بعض ع المنتديات فهو عرفنى ع المنتدى وانا بعدها بخمس دقايق تقريبا سجلت وبقيت اشهر منه اهوت دخلتى المنتدى من امتى 2013/10/31 اول حد اتعرفتى عليه مممممم مش فاكره اوى بس تقريبا جبل عالى وقيثارة الصمت لانى كنت بلعب معاهم فزوره فى رباعيه وبعدها بدأت اتعرف ع المنتدى كله واحد واحد وواحده واحده بيمثلك ايه المنتدى شئ مهم فى حياتى بحب ادخله واتكلم مع الناس الى فيه واطمن على ناس كتير غاليه عندى اول قسم تابعتيه فى المنتدى مفيش قسم محدد كنت بدخل التوبيكات الى فى صندوق الابداعات بس او الى يجيلى روابطها ع الزوار لو مكنتيش مشرفة القسم الى انتى عليه دلوقتى كنت تختارى قسم ايه تانى وليه كان نفسى يتعمل قسم جديد فى المنتدى وامسكه واظبطه بقن وكدا بس محصلش نصيب فى حياتك الشخصيه بقن ايه امانيكى فى الدنيا امنيتى انى انجح وبشكل كبير والنجاح انى ابقى شخصيه مهمه مش انى ادخل كليه عاليه واجيب تقدير عالى وكدا يعنى وكمان امنيتى انه اشوف الناس الى بحبهم سعداء وبيحققوا الى اتمنوه حققتى حاجه من الى حلمت بيها لاء لسه وحاسه انه المشوار لسه عليه بدرى كمان من اغلى شخص فى حياتك امى واخويا اغلى اتنين عندى عمرك اتمنيتى ترجع بيكى الايام لورا ايوت حسيت انها لو رجعت بيا لورا مكنتش هعمل حاجات كتيير عملتها وندمت عليها جاامد بس قدر الله وماشاء فعل الحمد لله ندمتى على حاجه قبل كدا ولو الاجابه نعم زى ايه ؟؟ ندمت انى غيبت عقلى فى مره لمجرد بس انى اعاصر الزمن الى انا عايشه فيه بس عادى اتعلمت ومحدش بيتعلم ببلاش ايه اكتر صفه فيكى بتكرهيها انى ساعات بعاصر الزمن وبتناسى حاجات المفروض ماتتنسيش وعشان محدش بفهم غلط اقصد يعنى انى ممكن اعمل حاجه بتتعمل عادى بس انا شيفاها مش عادى وبعملها زى الناس وكمان داء الشـك رايك السياسى تبع مين انا مبحبش اى حد حزب وطنى ومبحش الاخوان كمان ولا بحب اتكلم معاهم لانه بغمضة عين يقدروا يشفروا دماغ الى قدامهم والفلول بحس كلامهم غبى وفيه كتير من التطاول ودا بيعصبنى نفسى نبقى ايد واحد كلنا نجتمع تحت راية الحق كدا ونفكنا من كل التفرقات السياسيه دى بس انا حاليا تبع رابعه ولست تبع الاخوان هناك فرق قد ايه متعلقه بالنت بنسبة 99 فى الميه فى وقت الفراغ ودا موجود كتير فى حياتى بس وقت ما بيبقى فيه حاجه شغلانى عنه وبسطانى بنسى النت والى فيه ندمتى انك اتعرفتى على حد من الى اتعرفتى عليه عن طريق النت اه كتيير بس اتعلمت منهم كتتيييير بردك والى اتعلمته يغفرلهم انهم ناس (اللهم انى صائمه ) اصدقائنا من على النت ساعات بيبقوا اقرب من اصدقاء الحقيقه بتصدقى الكلام دا يعنى ساعات انا بكلم واحده صاحبتى ع النت بقالى كذا سنه وكلمتها وكل حاجه بس بردك عندى شك انها ولد مش عارفه بس دا داء فيا مبصدقش النت قد كدا بس بردك بحب الناس الى اتعرفت عليهم منه يمكن اكتر من الى اتعرفت عليهم فى الواقع عمرك اتمنيتى الموت لقدر الله ولو اه ليه لاء لانى مش قد انى اقابل ربنا دلوقتى ولو اتمنيته بيبقى مجرد كلام مسايره مع الموقف بس بس من جوايا لاء لانه لسه معملتش الى يأهلنى انه اتمنى اموت دلوقتى حسيتى قبل كدا انه مكنش عندك حسن تقدير فى موقف معين ممكن بعض مره عشان كنت منطويه على نفسى فى المواقف دى ومكنش عندى قدره ع التفكير الميول السياسيه عندك بتأثر على تعاملاتك قد ايه صفر على الشمال الا اذا كان الى قدامى غبى ولسانه طويل بيعصبنى وبكره اتكلم معاه بقن عشان مغلطش فيه وساعات بحب اتكلم مع الى عكس ميولى عشان اشوف مدى غبائهم القكرى وسطحيتهم الثقافيه <<تواضع حياتك الشخصيه كتاب مفتوح ولا مقفول ؟؟ مقفول ومعتقدش انه ممكن يتفتح فى يوم مورتبطه لاء مش لاقيه حد يجى يخطبنى مش مقتنعه اصلا بالارتباط الا فى حاجتين مخطوبه او متزوجه اما حكاية مصاحبه او ماشيه فدى سفاله وقلة ادب مش ارتباط المنتدى بقن ايه عيوب المنتدى من وجهة نظرك ياااااااااااه دا موضوع طوووووووويل بس انا هحاول الخصه بان اى تاتش فى المنتدى بيبقى فعلا سوء ظن وعدم توضيح من الطرفين بيوصل لمشكله وبعد المشكله انقسام فى الصفوف وبعدين النفوس تشيل من بعضها ونزعل فى الاخر مع انه ببساطه ممكن كل واحد فينا يتعامل بتلقائيته ويبقى ثابت على موقفه مش معاهم معاهم عليهم عليهم ووقتها المشاكل هتقل فعلا لاننا ممكن وقتها نقدر نحترم بعض اكتر قسم بتحبيه فى المنتدى كان زمان النقاش بس فكرتى اتغيرت عنه بعد فتره ممكن دلوقتى الفضفضه بعدها اليوميات تتمنى تغيرى ايه فى المنتدى سوء الظن وانقسام الصفوف بين الاعضاء والمجامله الواضحه موقف حصلك فى المنتدى عمرك ما هتنسيه انى مسكت فى البيج بوص وفى مورشو كمان لدرجة انها وصلت للشكاوى بس عادى احنا دلوقتى بنتعامل تمام التمام اوى مع بعض بسبب توضيح وجهات النظر مع شوية تفويت من الطرفين وهو دا الى اقصده فى حل مشاكل المنتدى ايه الى يخليكى تتخلى عن المنتدى امنية حياتى معنتش ادخل المنتدى دا اصلا بس مش قادره مش عارفه ليه بس اكيد اكيد هيجى يوم وهمشى مفيش حاجه بتفضل على حالها ساعات بيجيلك فترة زهق من المنتدى ايه الاسباب بستكتر الحاجات الى المفروض هعملها فى المنتدى وكمان بسترخم الاعضاء وبلاقى مفيش تفاعل فبزهق من دا استوب انا التوب بتاع مشاكل فى المنتدى اشمعنا هوضحلكوا وجهة نظرى دلوقتى المنتدى دا شبه مستنقع ع النت كدا صح انا داخله اترف واتسلى واضيع وقت فراغى الاقى حد داخل يشتمنى لمجرد انى تبع اتجاه معين بلاش دى انا داخله مثلا توبيك ومعجبنيش هل انا مجبره انى اقول وااو جميل او عضو فى المنتدى ربنا كرمه واقلع البدله الخضرا هل انا لازم اضربله تعظيم سلام !! صراحه انا كدا وعمرى ماهتغير مش هقبل حد يفرض عليا وجهة نظره ولا هجامل حد لمجرد انه رتبته اعلى من رتبتى من المنتدى حتى ولو كان دا هيسببلى مشاكل عاادى وجهى رساله للاداريين والمشرفين والاعضاء وانتوا داخلين المنتدى حددوا انتوا داخلين ليه بالظبط يعنى داخلين تتخانقوا ولا تتسلوا وتتثقفوا ؟؟ والاداريين والمشرفين وظيفتكوا تهدوا الامور مش تزودوها بزايده يلا بالتوفيق ليكوا كلكوا بقن اختارى حد واحد من المنتدى وكمان حد واحد اختاريه من بره المنتدى من المنتدى : هختار ايه حكايه ورانسى وحلم عمرى ونفرتيتى وجبل عالى وحرف هجاء واركو وبراءة طفله ودمعه حائره اقولهم انا بحبكوا فى الله وسعيده اصلا انى اتعرفت على ناس زيكم فى يوم يمكن دى الحسنه الوحيده الى اخدتها من المنتدى دا وبعتذر لو نسيت حد برا المنتدى امى : ربنا يخليكى ليا يااارب انتى الى لسه فضلالى بجد ونفسى تعرفى كدا من غيرك انا مفييش وليا كمان بقن جات عليا الرساله دى هعكسها وهتبقى توضيح وجهات نظر مش معنى انك شوفت منى حاجه معينه انى ابقى كدا على طول ممكن عندى ظروف متحكمش على حاجه فى نيتى لان انت مهم كنت متعرفش هبه الحقيقيه لو بمرحب بوجدى فى المنتدى شئ اعتز بيه وبشكرك واتمنى تتابعنى وتدعيلى دعوه بظهر الغيب كمان لو انت مش مرحب بيا فى المنتدى تجاهلنى ولا اكنى موجوده بس ماتدخلش مكان ليا تدايقنى فيه مابطلبش من حد يجاملنى ولا ينافقنى قول الحقيقه مهما كانت بس ماتجبش سيرتى من ورايا مش معنى انى ناصرت عضو فى موقف معين انى معاه دايما او انى عملت كدا لحاجه معينه مجرد بناصر الى بشوفه حق من وجهة نظرى وبتخلى عن الغلط مهما كان كلمة بقن يعنى بقا او بقى ومش هغيرها عشان حد باالعكس حاجه عجبانى جدا بكدا انتهت حلقة انهارده معاايا الى اللقاء قى حلقه جديده مع ضيف جديد اتمنى الحلقه تعجبكوا ولو انها فكره غريبه شويه بس عاتى بقن فى امــــان الله

[مُنـــــايا]

استضافه جميله مع نفسك غاليتي
كُفيتي ووفيتي بالأسئله والأجابه
واتعرفنا علي شخصيه جمنيله وبسيطه وتلقائيه
وكوني كما أنتي ولا تُعيري أحد أنتباها ً
يكفيكي رضاك ِ عن ذاتك
ربنا يعزك ويرفع قدرك يارب
ويحقق لك كل أمالك
لروحك السعاده

[big bốss]

هبه من الشخصيات الجميله و دمها خفيف ساعات بترخم بس رخمتها مقبوله


و هيجيلك وقت و هتمشي من المنتدى و كلنا كدا دوام الحال من المحال


و ربنا يدوم المحبه و النيه الصافيه ما بين الاعضاء


دومتى متألقه بس لسانك عايز ينقص من حته صغننه و يبقى تمام

[Silver Flower]

ضيفتك حلوه على فكره واجباتها كمان
بس بدي علق على شغله صغيره
بنسبه لأخوان ان بحترمهم وبعزهم واليوم عرفت المآسي الي مروا فيها
فبفتخر اني أكون مآيده الهم
منوره يا قمر

[Ŗăήćy]

حلو انك تستضيفى نفسك دى عجبتنى حقاً
وخلتنى اتعرف عليكى اكتر ياهوبا
اجاباتك عجبتنى وعجبتنى صراحتك وانك قلتى كل الى فى قلبك
خليكى زى مانتى ولما تتغيرى اتغيرى للاحسن دايماً

الحلقة كلها عجبتنى بجد..تسلمى ياهوبتى
واحبك الذى احببتينى فيه

استمرى يامذيعتنا المتألقة متبعاكى دايماً

[حلم عمري]

يعجبني فيكي افكارك المبهرة
لا بجد عجبتني فكرة الحلقة اووي
وكمان اتعرفنا عليكي اكتر وحبيت فيكي صراحتك وبساطتك
ربنا يخليكي ليا بقا وتحققي كل اللي تتمنيه يااارب

البرنامج روعة اصلا
استمري بقا ومتابعة معاكي اكيد

[جبل عالي]

لالالالا اني اعترض بتعملي استضافة مع مين ؟؟؟


البنت اتجننت ولا ايه ؟؟ ياهوبة ياستوبتي


ايه الحوار الخطير ده ؟؟

انتي ازاي عرفتي تخلي العضوة دي ترد عليكي ؟



بس برافو بجد عرفتي تخليها تفضفض وتوضح جواها اوي


تسلمي ياهوبة ... بجد كل اللي اسمهم هبه بتطلع منهم حجات !!!





ربنا يوفقك ياقلبي وبجد خليكي زي مانتي فعلا

استضافة وحوار رائع جدا





وبقن حلوة منك ع فكرة يعني

[شاعر واسير الحب]

سلمت الاياادىويعطيك الف عاافيه
على رووعة وجمالية الطرح الحلقة

نشكر المضيف والضيف كمان ههه

روعه حديث مع النفس
اكااليل الشكرانثرها على عتبات متصفحك
ودي وشذىوردي

[حَرفُُ هجآءّ]

صباح الجنان بئا
شويه كده وبعد ما تحتار مين الضيف ومين المضيف
هتقولى

أنا مش عارفنى
انا تهت منى
انا مش انا



بجد بئا التوبيك جميل وحلو انك بتتكلمى مع نفسك
وده واقع كلنا بنعمل كده

والتعايش مع الواقع وزى ما الناس عايشه
ضرورى حتى لو هيوقع عليكى ضرر
وحتى لو هتعملى حاجه تافهه
يكفى بس انك هتتعلمى من اخطائك
ومش هتكرريها

تعرفى بجد انا كمان بحبك اووى
وفى كام عضوه هنا ارتبط معاهم من غير ما اقرب منهم اكتر

ربنا يوفقك وتحققى كل اللى بتتمنيه
وربنا يخليلك مامتك واخوكى

وتسلمى على الاستضافه الجميلة دى

[bobaOo]

أنا أسمع عن ناس بتكلم نفسها قدام المرايا
مش كتابه واسئلة وأجوبة وردود
عجبتني الحلقة يا بوبا
ربنا يوفقك في حياتك