35 سؤال مع elMagic

[bobaOo]

السلام عليكم ورحمة الله وبركاته

ربنا يبلغنا وإياكم ماتبقى من شهره المبارك

إنهرده معايا عضو معروف بتميزو

ونشاطو وحبو للأعضاء ونقائو بردو

عمرو مابخل على حد إحتاج مساعده

معايا ومعاكم

المراقب العام


elMagic








منورني يا أحمد والله
ثانكس ياجميل
دا بعد نورك


نبدأ بالأسئله:

1/من أنت في جملة واحده


أنا أحمد



2/أي فصل من فصول السنه يعكس شخصيتك؟

يعكسه إزاي
هو عمتا الشخصيات متأقلمه مع كل الفصول السنويه
وكل فصل يجي وقته بتفرض الشخصيه نفسها عليه وتتعامل معاه



3/نقطة ضعف عندك؟

أقرب الناس ليا



4/ونقطة قوة؟

الإسلوب وطريقة المعامله



5/هل لديك موهبه مخبأه؟

إممممم جايز



6/من هو صديقك الصدوق؟

أكثر من شخص واغلبهم احمد بردوا



7/من هي العين التي تسهر عليك؟

اكيد الحج ربنا يخليهولنا


(يارب يطولكم في عمرو ويخليه)


8/ماهو الشئ الذي تتفائل به؟

النجاح



9/كلمه أو تصرف يزعجك؟

لا عادي ، بنتعامل مع كل حاجه



10/موقف يحرجك؟

لما أكون في مكان وشايف أمور بتحصل مش راكبه في دماغي
يبقى الكل بيتكلم في موضوع وأنا أفضل مساآهم كده ومستغرب
مبمشيش غير لما أجيب قرار الموضوع دا بالمناسبه : d



11/إلى أي مدى تذهب في غضبك؟

لا الموضوع مبيخرجش عن السيطرة غير مع الناس اللي بعزهم
زي والدي مثلا



12/خوف يرافقك؟

على وجه العموم
كل ماهو مجهول وفي علم الغيب بيمثل خوف
والهروب من الشئ هو أكبر خوف



13/إلى من تلجأ في الحزن ومواجهة المشاكل؟

السيد الوالد وأعز أصحابي



14/مالذي يضحكك؟

السذاجه المفرطة



15/متى تذرف الدمعه؟

وقت فقدان شخص عزيز
بس الدموع دي عامتا نادره أوي ومعرفش شكلها أصلا



16/عندما تخطئ كيف تعتذر؟

إن كان هناك خطأ وأنا مقتنع بدا أكيد بيبقى واجب الإعتذار
لإنه مش عيب وكيفية ذلك ؛ حسب تساهيل الموقف



17/ما لا تغفره؟

التجاهل والخيانه



18/ندمك الأكبر؟

لا كله خير من عند ربنا مفيش إعتراض ع شئ
أو ندم على شئ قد حدث في الماضي


(يارب دايما )


19/نصيحة تقدرها دائما؟

والدي قالي مرة:إعمل الصح وميهمكش حد



20/سر لا يعرفه سواك؟

ولما هي حاجه خاصه بيا انا بس
هاقولها هنا إزاي


عادي يعني أجماعه


21/لون يشبهك؟

يشبهني من نحية إيه
ممكن في النقاء اللون الأبيض
بس أنا مش نقي
واقعيا مفيش حد نقي



22/أمنيه تراودك؟

إني أخلص دراستي إللي فاضلها سنه واحده بس دي
وأكون نفسي وقد مسؤولية بيت وأسرة



23/حلم حققته؟

احلامنا طبيعي كتير ولما بيتحقق منها شئ
بنبقى طمعانين في المزيد ودا اللي بيخلي ماتم تحقيقه ممكن يتنسي
علشان طموحاتك بقت أعلى



24/شخصيه استثنائيه لك؟

والدي



25/الحياه لك بكلمه؟

تقلبات



26/علمتك الحياه؟

مصلحتك فوق كل شئ



27/من هي أجمل النساء في نظرك؟

المحجبه المؤمنه



28/تفقد المرأه أنوثتها حيين ...؟

لما تسمح لنفسها إنها تكون سلعة رخيصه



29/ويفقد الرجل رجولته حين ...؟

يفقد شهامته ومروئته أمام الآخرين



30/كلمه تقولها لنفسك بعد كل فشل؟

بعد كل فشل نجاح منتظر



31/كم تتمنى أن يمتد بك العمر؟

الخاتمه المقبوله عند ربنا



32/من هو أوسم الرجال في نظرك؟

الذي على خلق



33/أول مايلفت نظرك في المرأه؟

شكلها ولبسها كإنطباع مبدأي قبل التعامل والأسلوب



34/تاريخ لا تنساه؟

9_6
2_12
مش مهم ليه



35/موقف لاتنساه؟

المواقف صعبه تتثبت في دماغي
بياخد وقته وبيتنسي





وبكده انتهت حلقتنا مع أحمد بأجوبتو الصريحة



إنتظرونا في حلقة جديده مع ضيف جديد

[شهيده تحت الطلب]

حلوه الحلقه يا هبه^^
والاجابات مختصره وجميله
تسلموا عالحلقه ^^

[✿ Celiηα]

اقتباس 20/سر لا يعرفه سواك؟ ولما هي حاجه خاصه بيا انا بس هاقولها هنا إزاي

ههههههه بجد فالحتة دي فطست من الضحك
اجابات جميلة وصريحة تسلمي boba0o عالموضوع

[حلم عمري]

20/سر لا يعرفه سواك؟

ولما هي حاجه خاصه بيا انا بس
هاقولها هنا إزاي

انبهرت بالاجابة دي وربنا
بجد الاسئلة جميلة والاجابات اجمل
اجابات احمد مختصرة وجايبة من الاخر ^^
نورت بقا

تسلمي للحلقة الجميلة هبة
في انتظار الحلقة الجاية ان شاء الله

[رنا هشام]

نورت ي احمد

[ساحر الأحزان]

أحمد سر مخفى

وبير ملوش قرار

استضافة جميلة مع الماجيك

بالتوفيق ليكى

[سيناا]

حلوة الاسئلة وكمان الاجوبة بس كانت مختصرة شوية

الماجيك منور


يعطيك الف عافية خيتو

[العاشق الذى لم يتب]

مذيعة لك مستقبل باهرياهبة
بس ظبطى اللغة العربية شوية
برنامج ظريف واسئلته جميلة
وأحمد منورالحلقة
كل سنة وانت طيب ياغالى
وتحياتى

[۩۩ elMagic ۩۩]

ثانكس ي جميل لمجهودك
برنامجكك جميل طبعا
وانا اتشرفت بإستضافتك
موفقه دايما إن شاء الله ,,

[۩۩ elMagic ۩۩]

اقتباس المشاركة الأصلية كتبت بواسطة شهيده تحت الطلب حلوه الحلقه يا هبه^^ والاجابات مختصره وجميله تسلموا عالحلقه ^^

انتي أحلى
ثانكس لمرورك بقآ