أشحن لي شكراً ..~

[Lamees]

حاجة غريبة جدي يا جماعة والله
أحنا أتنقلنا لبيتنا الجديد من أكثر من شهر
قبل رمضان بحوالي 5 أيام بس طبعاً بما أن البيت جديد
فكل حاجة جديدة احلى حاجة بقى عداد الكهربا
ده مسخرة اوي
ال ايه بالشحن سلمونا مع العداد كارت زي الفيزا كده
بتاع البنوك واحنا بقى نروح عندهم في شبكة الكهربا
وخلوا بالكم من شبكة الكهربا دي هقولكم ليه
نشحن الكارت بـ 50 أو 100 جنية
وقبل ما نروح الشبكة ندخل الكارت في العداد ياخد
رقم العداد ونروح عندهم في الشبكىة نقولهم اشحنولي الكارت ده بكذا
وتنزل بقى تبص في العداد تلاقي حوارات
يقولك انت أستهلكت كذا وباقيلك كذا
وانت بتتحاسب على الشريحة الكذا على فكرة احنا بنحاسب على الـ 4
رغم أننا لسه مش ركبنا ولا مكيف حتى الآن
المهم أول ما وصلنا العداد كان فيه شحن بـ 30 جنية
وبعدها شحنا تاني بـ 80 جنيه
ما علينا قبل العيد بيومين بصينا في العداد
لقيناه فيه فلوس كويسة يعني تكفينا لحد ما العيد يخلص
ويرجع الموظفين من الأجازة ومن يومين قبل المغرب بـ ساعة
وبدون مقدمات فصلت الكهرباء والبيت ضلم علينا
بصينا في العداد لقيناه بيقول الرصيد 89 قرش
ولمبة الأنذار منورة دايماً
كانت حاجة تضحك طيب نعمل أيه
مينفعش يسلفونا مثلاً 3 جنية
تخصم عند الشحن زي فودافون كده
والله فودافون بتسلفني لحد 12 جنيه
بس انا مش بحب أستلف ^ــــ^
طبعاً وصلنا الكهربا من ورا العداد سرقة يعني وربنا يسامحنا
وتاني يوم لقيناهم فاتحين امبارح الكلام ده وشحنا ورجعنا العداد وزودناه بالشحن
مدير شبكة الكهربا بيقول ايه بقى أن العداد ده مصمم أنه مش يفصل في المناسبات والأعطال الرسمية بس بسلامتهم
مصممينه على التقويم الميلادي مش الهجري
طيب الكهربا ممكن نتحملها بس المية لو عملوها بالشحن نعمل ايه
نبعتلهم مسج حميني شكراً ولا أيه
حاجة تغيظ أجدعان

[حـيـــــآة ❤]

ههههههه. عشنا وشوفنا
تسلمئ ع الطرح حبيبتئ

[انا دنيته وهو حياتى]

ههههههههههه
ايوه سمعت عن الموضوع دع
حاجه غريبه اوى

[۩۩ elMagic ۩۩]

هههههههه
بصراحه اول مره اسمع عن الحوار دا
حاجه غريبه فعلا
يبقى اسألوا عن خدمة ادفعلى شكرا مع وصلة شحن للعداد
علشان العماره اللى جنبكوا توصلكوا شحن وقت ما يخلص العداد
وبعدين تتحاسبوا

[✿ Celiηα]

ده كله كوم
واننا فاكرين النور قطع عادي
وقاعدين مستنيينه كوم تاني خالص

[ساحر الأحزان]

يبقى كدة

صرخة نملة اتحققت فعلا

وعايش نملة تاكل سكر

بس والله واعلم السكر خلص

طلعت مقلب كبيرة

وكلة حيبقى بالشحن

الى حيقضى على الميزانية بتاعت الاسرة

المرة الجاية رونى

يبقى جيبى معاكى كرتين للشحن

ان خلص واحد يبقى التانى للطورىء

وبعدين صحيح هو فين النور الى موجود

مهو قاطع على طول

[طبيب الهوى]

أبنتي أطياف الماضي


كارت شحن عداد الكهرباء ليس بدعة ولا جديد


فقد تم استخدامه من أكثر من 10 سنوات في شرم الشيخ


فهو مُفيد جداً إن تم تطبيقه في باقي المحافظات


ممكن تفعلي مثلي وتجعلي من الكارت يعطيك إنذار


بوقت كافي قبل إعادة الشحن


بمعنىَ تطلبي من إدارة الكهرباء أن يفصل الشحن حينَ


يصل المبلغ المتواجد بالكارت 50 جنيه مثلاً أو حسب إحتياجاتك


وحين يفصل تستطيعين إدخال الكارت مرة أخرىَ للعداد


ومِن ثم سيقوم بإعادة الكهرباء لأن به رصيد مخزون


وبهذا لا تنقطع عنكم الكهرباء مرة أخرىَ


لأنك أكيد ستذهبين لإعادة الشحن بعد إنذار العداد لكِ


ومبروك أبنتي التنقل لشقة جديدة بارك الله لكما فيها


تحياتي وودي وورودي


أبو عصام

[شاعر الحب الحزين]

لا حول ولا قوة إلا بالله العلي العظيم

انا بصراحة مش في مصر وما سمعتش عن الحكاية دي

حتى اخوالي وخالاتي ف مصر مش قالولي عن الحكاية دي

هي يمكن موجودة ف محافظات وف مناطق تانية مش موجودة

بس هقولك كلمة احسن من كل الكلام يا روني

هتنتظري إيه من ناس نور الحق انقطع عن قلوبهم

غير الضلمة ونقل السواد اللي في قلوبهم لكل الناس

يبقى السواد جوه قلوبهم وعايزين الناس يعيشوا فيه

مات الكلام

عشان مفيش فايدة من الكلام مع ناس كل همهم مصالحهم

ولو على حساب ظلم غيرهم والتضييق عليهم ف حياتهم

ربنا يعينك ويعين كل الناس المظلومين

وربنا يصلح الحال ان شاء الله ويهدينا ويهدي الجميع

قلبي معاكوا ف كل أوجاعكم وصبركم

ومعلش يا روني النور نور القلب والضماير الحية

ربنا يكون في العون

احترامي وتقديري

[SaMa.]

بالعكس كده احسنلكوا مبروك على البيت. الجديد

[Arco Baleno]

والله النظام دا غريب فعلا ويجيب الشلل الله يعينكم يارب اذا الجوال لما يتشحن بالعافيه يحتمل
فكيف كهربه الي واقف عليها مستلزمات بيت كامل واسره كامله
اسلوبك ضحكني والله ههههههههههههه
بس بجد شي يخنق ويقهر النظام دا فكيف لو تطبق على الماء حتى تشرب ماء تحتاج تشحن
هههههههههههههه
استغفر الله وربي حجات تقهر
الكهرباء عندي على حساب الدوله هي الي تسددها اهو مريحتني بس يارب ماتقلب
وتحولها شحن مثلكم احسن انتحر هههههههههههههه