انا لله وانا اليه راجعون ...

[محمود الصاروخ]

السلام عليكم ورحمة الله وبركاته
==

هحكيلك حكايه عن أربعه صحـاب بس امانه عليك تدعى لهم بالرحمه

ويجعل مثواهم الجنـه عشان دى مش قصه دى حاجه حصلت فعلا

من ساعتين بس وربنا اللى عالم انا عامل ازاى وانا قاعد

==

أحمد حب يعمل حاجه فـ بيته و الحاجه دى لازم ينزل تحت الأرض 30 متر

ف كلم واحد من بره بلده لسه عارفه يعنى لـ مجرد مره واحده وكده

اللى من بره البلد ده ماتأخرش عن أحمد عشان شايف انه شاب رجوله

و وقف معاه ف الشغل اللى بيعمله و قاله معاك لـ الاخر

كده هما بقو اتنين ف الشغلانه

أحمد كلم واحد تالت صحبه اسمه احمد و قاله عاوزك فى شغل معايا هنخلص

حاجه عندى و محتاجك معايا أحمد متأخرش عليه عشان هو مش قليل الأصل

ومع صاحبه ع الحلوه و المره

كده بقو تلاته فى الشغلانه

أحمد صاحب الشغلانه كلم واحد رابع اسمه محمد قاله نفس الكلام

وعشان هما صحاب ع الجد ومع بعض دايما متأخرش عليه وقاله معاك

بدأو الأربعه الشغل و بدأو ينزلو تحت الأرض زى ماأحمد عاوز

الله اعلم بالنوايااا وكانو عاملين دى ليه

المهم

بعد ما نزلو تحت الأرض 30 متر واتخيل انت 30 متر تحت الأرض يعنى ايه

وفى تحت الأرض مايه زى ما الكل عارف و الصرف والكلام ده

الغريب نزل الأول فـ غرق أحمد عشان شاب رجوله و يضحى بعمره عشان الغريب

نزل عشان ينقذه ولو عمره راح فيها وفعلا احمد غرق معـاه

أحمد صاحبهم التالت موقفش يتفرج عشان من طبعه الرجوله و صاحب صاحبه

نزل عشان ينقذ حد فيهم على أد ما يقدر ماطلعش تانى و غرق معاهم

محمد واقف مزهول من اللى بيحصل وصحابه بيضيعو قدام عنيه ومش عارف

يعمل ايه نزل محمد يعمل اللى عليه غرق معاهم

والمايه خادت الأربع شباب اللى زى الورد المعنى الحقيقى لـ الاحترام

عمرنا ما سمعنا عنهم كلمه مش تمام ماتو الأربعه ومحدش زعلان

منهم فى حاجه كانو بيعاملو الناس بضمير و بيحبو كل الناس

المهم لما غرقو ام أحمد صوتت و الجيران اتلمو مش عارفين يعملو ايه

اتصلو بالأسعاف جم طلعنـا تلاته من تحت ميتين ومش لاقيين

أحمد اللى هو صاحب الشغل خالص بندور عليه مش لاقينه

و أم احمد تعبت و اتنقلت عناية مركزه فى وقتها

واخته ياعينى عليها أخوها احمد مات و جوزها كمان اللى هو احمد التانى

(( اللهم أغفر لهم و ارحمهم يا رحمن يارحيم ))

(( اللهم ارحمهم و اسكنهم فسيح جناتك ))

اسألك ربى أن ترحم كل من أخذتهم اليك و أن تصبر من هم خلفهم يتألمين

أمين يارب العالمين

[انجي_1]

انا لله وانا اليه راجعون
ربنا يرحمهم ويصبر اهلهم

[شهيده تحت الطلب]

ربنا يرحمهم
ويكنهم فسيح جناته

[انت احلى الناس]

انا لله وانا اليه راجعون
ربنا يرحمهم ويصبر اهلهم ويجعل مثواهم الجنه

[ساحر الأحزان]

ربنا يرحمهم برحمتة

ويصبر اهلم

وانا لله وانا الية راجعون

[الأميرة رودي]

يااالله
حادثه صعبــه جدا
ربنا يصبر أهاليهم ويرحمهم برحمته الواسعه
موقف أكيد الكل يحزن له حتى لو مش نعرفهم

[Lamees]

مصيبة بكل المقايس
حادثة موت جماعي
حاجة بجد تدميالقلب
أنا لله وانا اليه راجعون
ربنا يرحمهم ويصبرأهلهم

[حـيـــــآة ❤]

ربنا يرحمنا برحمته ي رب
ربنا يصبر أهل أهاليهم ي رب

[Reem♡A|❀]

ياربى
ربنا يرحمهم يآآآآآآآآآآآآآآرب

[شموع الروح]

الله يرحمهم
ويصبر اهلهم