ومين عارف يقولى بقلمى

[أنين الليل]

لحظه سكوت .. وغمضه عين حزينه أمل مجروح .. ونبضه قلب جريحه مر فيهم حلم عمرى فى لحظه كدا .... فى دقيقه مر زى الطيف ... حلم بسيط خفيف شموع امانيه مطفيه .. ولهيبه صرخه محنيه ومين عارف يقولى ... حلمى الاضاع فين عماله ادور من زمن ... والزمن عدا كتير ومين عارف يقولى .... الاقى حلمى فين ضاع وسبنى .. هرب منى .. تاه فى عتمه ليل تاه وتاهت روحى وتاهت نفسى أنا كل حاجه ضاعت منى روحى نفسى حتى أنا كل شئ اسود عتيم ظلامه جارح يقلب ويفتح ذكريات عزيز وجارح وسحابه حزن مطويه ماليها دموع وومضه ضحكه مخفيه مابين الضلوع ويامين عارف يقولى ... فين حياتى ليه كل حاجه ضاعت منى كدا فى ثوانى ليه كل ما انام اقوم على الدمع وأمسى عليه ليه لما الفرح يجينى تيجى الدنيا تقضى عليه مفيش حاجه بأيدى قولولى بس انا اعمل ايه الدمعه واحده بشوفها ميت مره فى الثنيه ابوص لنفسى فى مرايا القانى حاجه تانيه اجى أحسب الا عشته فى فرح الاقيه مكملش الثنيه وايام الحزن من كترها محسبتهاش حتى أيديه ودا حالى وحال روحى وكل حاجه فيا لحظه سكوت .. وغمضه عين حزينه أمل مجروح .. ونبضه قلب جريحه مر فيهم حلم عمرى فى لحظه كدا .... فى دقيقه مر زى الطيف ... حلم بسيط خفيف شموع امانيه مطفيه .. ولهيبه صرخه محنيه

[العاشق الذى لم يتب]

حروف حزينة باكية
وكلمات آتية من ديارالمهمومين
أسطورة أوجاع هنارسمت
وبالرغم من كتاباتك الحزينة
والتى دوما ماتعودتها منك
إلا أنك تستطيعين أن تصاغين حروفك بحرفية وتمكن
الله أسال لك أختى
أن يبعد عنك الأحزان والأوجاع
ويجعل البهجة هى طريقك
نجومى*****
وتقييمى
وتحياتى وودى

[SaMa.]

الحزن ساعات بخلينا نكتب احلى كلام
حلو اووى ثانكس

[اميره الشعر الشجين]

كل شئ اسود عتيم ظلامه جارح
يقلب ويفتح ذكريات عزيز وجارح

وسحابه حزن مطويه ماليها دموع
وومضه ضحكه مخفيه مابين الضلوع


بجد بجد جميله اوى يا أنين ربنا يفرح قلبك ياقمر ويبعد الحزن عنك

[أنين الليل]

بشكر الجميع على المرور