مصري جديد

[أرابيسك]

هتعيشي ام الـدنيا في عنيا وفي كل مكان
رافعه راسك العاليه ياغـاليه يا ام الاوطان
أرضك .. عرضـك .. كـرامـتــك
خط أحــمـر من ربك واخده الامان

عايش ياغـاليه مـن خيرك
ماليش في الدنيا دي غيرك
ألومك إزاي على تأخيرك
.. وانا كنت بعيد

حسيت بالغـربه سامحيني
خديني في حضنك دفيـني
إمسحي بأيديكي دموع عيني
.. من غيرك وحيد

مش ممكن تانى أكون سالبي
وطـنى وبنادي بمطالبي
حقك طبعا فـوق حقى
.. ده شئ اكيد

طول عمرك كبيره مين قدك
80 مليون بوسه على خدك
بحلف بـربي وبعـاهدك
.. ومادد الايد

أفديكي يابـلـدي بشبابي
ولا يغلى عليكي أحبابي
نيلك بيجري ف تـرابي
.. ودم الشهيد

حبك مخـلوق فيا وباقـي
بنطق إسمك انسى دائـي
مصري ووسط العالم باهي
.. مولود جديد

مصري جديد

[ويبقى الأثر]

ربنا يحفظ مصر
جميله كتير حروفك حقيقى
ماشاء الله موسيقى ومعنى
دام نبض قلمك اخى

[احساسى صحيح]

ما شاء الله عليك ابو على
كلمات رائعه بحق فى حب مصر
تسلم الايدين
تحياتى وربنا يوفقك

[شموع الروح]

حلو احساسك
ورائعه كلماتك
تحياتى لك
وربنا يجعلها ديما بلد الامان

[جبل عالي]

الله الله

حقا مهما قلنا في حبها

تظل دائما الحروف ندية


سلمت يمينك الراقي

لقوة الاحساس وسلاسة التعبير

[phalsteen]

ربنا يحفظها من كل سوء
كلمات ولا اروع اخي
تحياتي واحترامي