آمنت بالله .. (تابع المسابقه )

[Stop Ana Eltop]

السلام عليكم ورحمة الله وبركاته ازيكم عاملين ايه ان شاء الله تماام بيمر الانسان فى حياته بكتيير من الحكايات والذكريات بعضها سعيده وبعضها اليمه ممكن قصة انهارده اليمه اوى بس اثمرت سعاده فى النهايه الدنيا دار تعب ولم يكتب للانسان فيها الراحه وليس معنى ذلك انه الانسان دائما فى شقاء ولكن ربما يمر عليه الحزن بعض الاوقات قبل سنتين ونصف توفى ابى وكان بمثابة الصدمه لى فنحن عائله صغيره مكونه من اربع اشخاص نستشعر دائما اننا ليس لنا الا سوانا بعد الله وهاهو الان يذهب شخص منا دون عوده بعد مرور ايام العزاء بدأت امارس حياتى حيث اننى كنت على مشارف الامتحانات انعزلنا عن عالم التليفزيون والنت الا فى الضرورى ولكن اريد ان اخبركم اننى كنت اسمع الاغانى واشاهد الافلام والمسلسلات كان تليفونى كله مليان احدث الالبومات بتاع اشهر الفنانين وكنت متابعه كل الافلام والمسلسلات بس فجأه بعد الوفاه الحاله اتبدل مسحت كل الاغاتى وقاطعت التليفزيون الا لو هسمع قران وكمان لبست خمار بعدها بشويه الاوضاع اطورت انا بدأت اسمع خطب دينيه بدل الاغانى بدل الخمار لبست نقاب وعلى اقتناع تاام بذلك ومحدش جبرنى دايما الانسان لما بيتعرض لصدمه قويه فى حياته بيبقى قدامه طريقين الطريق الاول وهو الاسهل والايسر والى البعض بيسلكه وهو الانحراف اما الطريق التانى فهو بيبقى صعب شويه ومحتاج صبر وعزيمه وهو الالتزام والتزام الشخص بعد الصدمه لو فضل ثابت عليه بيبقى قووى اووى اووى ربنا دايما قريب مننا بس احنا الى بنبعد وبنرجع وهو دايما بيستنى توبتنا ممكن توبتنا دى تتأخر شويه بس المهم انها تيجى انا فعلا فعلا خسرت شخص من اهم شخصيتين فى حياتى مفيش حد هيقدر يحتل مكانه ولا حد هيقدر يعوضنى عنه وفقدته فى سن صغير وانا عندى 16 سنه الا شهر 16 سنه بس بس بما انه ربنا كامل ومن صفته العدل فهو اخد منى شئ غالى اووى عليا وعوضنى بانه قربنى منه مقدرش احكم على نفسى بانى فى قمة الالتزام بس ع الاقل احسنلى من الاول بكتييير اوووى اوووى دايما اى حاجه بتحصل للانسان مابتبقاش من فراغ القدر دايما وراه حكمه عظيمه اوى للانساان لو ادركها صح هيعيش حياه سعيده واذا مكنتش سعيده مش هتبقى تعيسه ودلوقتى وبعد مرور الوقت دا كله مقدرش اقول انه حد عرف يعوضنى او يملى مكان ابوياا بس ع الاقل ربنا عوضنى بحاجات يمكن لو كان ابويا عايش مكنتش هتحصلى دايما اقتناعى الشخصى انه كل حاجه بتحصل هو دا الصح دايما مفيش حدث بيجى فى وقت غلط كل الاحداث بتيجى فى الوقت الصح فى حياتك لانه الى قدر انها تحصل هو الى خلقك اكيد اكييد هو ادرى بييك من اى حد تاانى عشان كدا خليك على درايه تانه بانه الى حاصل كويس والى جاى احلى والى فات الحمد لله علييه قصه بسيطه بس حقيقه اليمه ممكن بس بالنسبالى سعيده سعيده لانى عارفه انه لو كان عايش وشافنى دلوقتى كان هيتبسط اكيد باللى وصلتله وبس ~~ فى امـــــــان الله

[ساحر الأحزان]

ونعمة بالله

ورحمة الله علية

[بحر النسيان]

الله يرحمه

بجد صورته لسه امامى

كان فعلا اب واخ وصديق بالنسبه لينا كلنا

مش ليكى بس

الله يرحمه ويجعل مثواه الجنة

والله لسه فاكر كل حاجه يابنت خالتى

لسه فاكره اما روحت المستشفى فى الليله الى توفها فيها

وفاكر برده يوم فاته

ربنا يرحمه

لا تعليق

[SaMa.]

ربنا يرحمه هو الموت كدة لازم ناخد منه عظة ونقرب من ربنا
ثانكس ي جميل

[همس الحنين]

الموت حقا على البشر أجمع

نؤمن به ونعلم

ان الحياه لنا مفر لعالم الاخره

لكن الفراق مؤلم

ألمه يمزق القلوب

فرحم الله والدك ووالدى ايضا

رائعه حبيبة قلبى

[™Amiliya]

الله يرحمه ويسكنه الجنة ويصبرك ع فقدانه حببتي

[۩۩ elMagic ۩۩]

حكاية مكتملة الاركان
لها بداية وانتهت نهاية مميزه
ربنا يثبتلك ويصلحلك كل احوالك
ويرحم امواتنا جميعا
بالتوفيق ليكي ان شاء الله

[Aya 7ekaya]

طبعآ القصه دى انا اعرفهآ قبل كده
ربنا يرحم وآلدك ي هبه
وربنآ يثبتكت ويزيدك ويهدى الجميع ويجعلك من أهل الجنه
أحبك فـ الله

[Words Whisper]

جميل انه نقرب من ربنا
بس المهم دا مش يكون مجرد شيء عرضي
نتيجة لصدمة ..


ربنا يقربنا منه جميعاً ..
تسلمي ..

[Stop Ana Eltop]

الله يرحمه ويغفر له ذنوبه ويجمعنى به فى الجنة عما قريب

تسلموا ع المرور
نورتوا