الحلقه الثانيه من ( ليالى ) مع ( اطياف الماضى )

[morshooo]

بسم الله الرحمن الرحيم

مزاج الخير

واهلا بيكم وحلقه جديده من

( ليالى )



فعلا ربنا ادانا نعمه مهمه جدا وهى نعمه

( النسيان ) ولكن .

فى مواقف فى حياتنا اول لما تيجى اى سيره مشابه ليها

لازم نفتكر المواقف دى والليالى دى وبنرجعها بكامل تفاصيلها

وعشان احنا ( مصريين ) لازم ولابد اننا نفتكر المواقف والليالى

الى فيها حزن ^_^ .




دى الحلقه الثانيه

ومعانا المتميزة /

اطياف الماضى



تعالو نشوف مع بعض

ياترى افتكرت ايه من حلقه النهاردة :



1 / ليله تقدرى تقولى عليها ( ليله بيضاء ) ؟

الليلة اللي بعمل فيها حاجة خير بحس وقتها انها ليلة بيضة

وبحس وقتها اني قريبة اوي من رب العالمين الليلة اللي بنام فيها بعدما

اصلي الفجر بصحى الصبح بكون نشيطة بكون حاسة انها كانت ليلة بيضة




2 / ايه الليله الى هتقدرى تقولى عليها ( ليله مرعبه ) ؟

ليلة انتظرتها لأنها كانت أتية لا محالة وللأسف تخيلتها

بكل التفاصيل وكانت كما تخيلتها تماماً

كانت اختي طريحة الفراش مدة 3 أشهر

وكان مرضها لا شفاء منه وقبل وفاتها بـ 4 ايام

صارحني زوجها بحالتها الصحية الحقيقية وما قاله الدكتور

عشت 4 ليالي في رعب من خبر وفاتها ورغم اني تهيأت كلياً للأمر

ولكن حدوثة كان رد فعلي أسوء بكثير مما انتويت فعله

وكان دفنها بعد صلاة العشاء وكان العزاء على القبر

ولأن زوجها رجل جيش كان العزاء عسكري

فكان الامر رسمي جداً وسريعاً ارادوا الذهاب

فهربت منهم لا اريد العودة معهم واردت البقاء بجوارها

جذبني ابنها الأكبر وهو شاب من سني تقريباً

وحضني وحاول تهدئتي واقناعي بالرحيل معهم




3 / ايه الليله الى سمعتى فيها ( خبر غير متوقع ) ؟

كان في واحد قريب بابا ساكن قريب مننا كان هو في الجامعة

وكان بيجي يزورنا كتير وفي يوم بعد الأمتحانات ما خلصت

اتفاجأت بيه هو وزوجة أبيه وأخوه عندنا بيطلبوا أيدي

بصراحة انا كنت فاكراه عايز يخطب اختي او كنت بتمنى ده

لآنها الأكبر ودي كانت حاجة غير متوقعة بالنسبة لي




4 / ايه الليله الى تقدرى تقولى عليها ( ليله سوداء ) ؟

الليالي السودا كتير اوي مورشووو بس اولهم الليلة اللي اتوفى فيها والدي

كانت كارثة بالنسبة لي بكل المقاييس لأني مكنتش متوقعة ده كان كويس

مش فيه اي حاجة مجرد شوية برد خدوه للدكتور

ورجعوا بسرعة واول ما خرج من باب العربية

لقيناه بيجري على سريره ومش فيه اي حاجة مخدتش في بالي

ورحت اشتري العلاج على ما رجعت كان أتوفى هما خبوا علي

ومكنش في اي حد غير ماما وقالتلي انه نام

واخواتك راحوا مشاوير مش عارفة مش صدقتها وقلتلها انا عايزة ادخل اديله

العلاجواشوفه واطمن عليه معرفتش ترد عليا ابن اخي نزل بسرعة اما سمع كلامي

وحاول يمنعني باي حجة هنا خفت اكتر واصريت اكتر ودفعته من امامي

ودخلت عليه من الصدمة دموعي اتحجرت زحت المفرش من على وجهه

ورايته قبلته في جبينه وخرجت استمرت حالة التحجر حوالي 3 ساعات

من بعدها انفجرت بالبكاء حد الموت الله وحده اللي ساعدني في الموقف ده




5 / ايه الليله الى بتحاولى ترجعلها تانى ومع رجوعها هتتصرفى
تصرف غير الى اتصرفتيه ؟

أه يا مورشوو ليه بس بتقلب المواجع هي ليلة واحدة فعلاً

لو رجعت كنت اتصرفت غير كده كنت هكون أقوى من كده

كنت هوقف كل طامع عند حده




6 / ايه الليله الى نفسك ترجع تانى حتى لو للحظات ؟

اليلة اللي قررت انسحب فيها من حياة شخص ما

أن عادت لكنت تمسكت بحلمي اكثر من ذلك




7 / ايه الليله الى فى حياتك الى حافظه تاريخها لان فيها حدث مش ممكن تنسيه ؟
ايه التاريخ وايه الحدث ؟

الليلة دي اليوم 14 \ 8

هو ده التاريخ ايه بقى الحدث ^_^




8 / ايه الليله الى فى المنتدى الى حسيتى ان محدش مهتم بيكى فيها ؟ ايه الموقف ؟

يعني انا في المنتدى بشوف واجباتي ومش بستنى حد يهتم او لأ

بس عموماً في هنا أعضاء لو مش موجودين بيسيبوا فراغ كبير

ومش بحس بروح التفاعل والنشاط في غيابهم




9 / ايه الليله الى حسيتى انك خلاص بتطلبى الموت فيها وكان بسبب ايه ؟

طلبته مرة عندما تحطمت احلامي معه

وكان الفراق هو الحل الأكيد والوحيد

فقد كنت أنا الجانية ولست المجني عليها

فقد كنت أستحق هذا العذاب

وقتها طلبت الموت واتمنيته لأن الحياة كان لا معنى لها




10 / اخيرا ايه الليله الى نفسك تجيلك فى المستقبل ؟

ليلة القبض على بكيزة وزغلول ههههههههههههه

الليلة اللي نفسي فيها أني أكون معاه

يكون معايا حاسة بيه وحاسس بيا

نكون شخص واحد مفيش بينا فوارق او حدود

الليلة اللي هنكون فيها روح واحدة

ليلة لقائي به هي دي اللي تستحق استناها

ولو العمر كله



وزى ما تابعنا ( اطياف ) النهاردة

بنتمنى ربنا يكرمها ويتقبض عليها

مع ( النجم ) الى بتحبه او الى هترتبط بيه

انتظرونى وضيف جديد

وحلقه جديدة من

[A-rab3awya]

حلقه اكثر من رائعه،،،

بجد ضيفه مميزة جدا

والله يرحم والدك و اختك،،والبقاء لله

بجد مجهود مميز منك اخى،،،

منتظرين جديد حلقاتك

[ايمان طلعت]

الله يرحم والدك واختك
وكل امواتنا يارب
ويوفقك وتيجى الليله اللى مستنياها

حلقه جلوة وبرنامج احلى منك احمد
تحياتى

[انت احلى الناس]

حلقه جميله جميله جميله
مع بنوته عسوله وطيوبه جدا

تسلم ايدك على الحلقه الجميله

[™Amiliya]

ليلة جميلة بجد عجبتني اوي ردودك روني
ادام الله عليكي السعادة حببتي

تسلم مورشو ع اللقاء الحلو دا

[الأميرة رودي]

ربنا يرحم أختك ووالدك يارب
ويجمعك بيهم على خير فى الجنـه بعد عمر طويل ليكي
وان شاءالله تتحق الليله اللى بتتمنيه ومنتظراها
ربنا يفرحك ويسعدك ياحبيبتي

تسلم مورشو برنامجك بيعطي للضيف مساحه انه يخرج ذكرياته
مع ليالي جميله وأخرى قاسيه
ف انتظار ليله جديده وضيف جديد

[جبل عالي]

ياالله
حبيبة قلبي رونة ... انتي صابرة ومتحملة
والليالي الصعبة بحياتك كتير وان شاءالله ربنا
هيعوضك عنها كل الخير
ربنا يرحمهم ويجمعك بيهم على خير

وان شاءالله حلمك يتحقق ويرزقك السعادة





=========

مورشوووووو
انت مرحمتش البنت من الاسئلة المتعبة
مش لاقي الا روني ؟
تخليها تتذكر كل ده
بجد حرام عليك كده يا اخي





منتظرين جديدك دايما يامورشو
وصباح الفل النور جه عندك؟
والنت ؟ ميت فل


ده احنا هنشوف ايام سودااااا

[شاعر الحب الحزين]

ليالي صعبة جدا جدا

مكدبش عليك ندمت اني دخلت هنا

عشان مكنتش عايز اشوف الليالي الحزينة دي

مصدوم بجد عشان اول مرة اعرف كل الأسرار دي عن روني

ربنا يرحم والدك وأختك ويسكنهم فسيح جناته

وربنا يعوضك بالإنسان اللي بتتمنيه والليلة اللي بتحلمي بيها

مورشو انتا بجد حواري متمكن جدا

من اجمل البرامج في المنتدى ومتميز جدا

ربي يعطيك العافية انتا والضيفة القديرة روني

احترامي وتقديري

[مُنـــــايا]

حلقه جميله مع ضيفه اجمل

رحم الله والدك وشقيقتك وادخلهم فسيح جناته

وأسأل الله لكِ السعاده والتوفيق بتحقيق أحلامك

وجمعك ِ بمن تحبين علي خير ان شاء الله

برنامج جميل وحواري رائع ومتمكن

دوام التميز والابداع

[Lamees]

حبايبي واخوتي بشكركم من القلب لوجودكم هنا واعذروا تقصيري في الردبما يليق بفخامة ومعنى حضوركم الراقي كاخلاقكم الكريمة من القلب دعواتي لكم بالسعادة وهناء وراحة البال وشكرا لهذة المساحة مورشو متميز بروحك الحلوة ونشأطك الجميل