فى كلمتين مع حافظة القرآن

[Stop Ana Eltop]

السلام عليكم ورحمة الله وبركاته ازيكم عاملين ايه ان شاء الله تماام معايا انهارده عضوه متميزه باسمها وبحضورها الراقى مش منتشره اووى بس كفايه انها معروفه من الكل مع المتميزه حافظة القرآن مميزة للنشاط التفاعلي اسمك-سنك-عنوانك اسمى اسراء 16 سنة من اسكندرية عرفتى المنتدى ازاى من جوجل دخلتى المنتدى من امتى اول مرة دخلت قبل ما اسجل مش فاكرة بالظبط بس سجلت 19/11/2010 اول حد اتعرفتى عليه آية اللى هى Aya 7ekaya عشان كنت عارفاها من منتدى تانى كمان بيمثلك ايه المنتدى حاجة مهمة كدة لازم ادخل عليها على طول فى فترة مكنتش بدخل كتير بس بعدها بقيت ادخل تانى اول قسم تابعتيه فى المنتدى لا مش فاكرة اول قسم اوى زى ما تقولى كنت منتشرة شوية فى المنتدى بس ممكن المسابقات والازياء كدة يعنى تتمنى تمسكى اشراف قسم ايه ممممم مش عارفة هههههه ممكن الازياء مثلا حلوة وبردو الهوايات لانى من فترة بقيت بشارك فيها (حلو الازياء والهوايات .. ان شاء الله نشوفك بالازر عما قريب ) فى حياتك الشخصيه بقن ايه امانيكى فى الدنيا ان ربنا سبحانه وتعالى طبعا يكون راضى عنى وانى اقدر اعمل اللى اتمناه واحلم بيه واعيش مبسوطة واللى حواليا كمان يكونوا مبسوطين (ان شاء الله تحققى كل الى بتتمنييه ) حققتى حاجه من الى حلمتى بيها اه الحمد لله مثلا انى احافظ ع التفوق فى الدراسة وحاجات تانية بردو (ربنا يوفقك دايما فى حيات يااارب ) من اغلى شخص فى حياتك طب نقول اتنين ههههه ماما وبابا صحيح بنختلف فى حاجات بس ميمنعش ان احنا غاليين عند بعض (ربنا يخليهم ليكى ) عمرك اتمنيتى ترجع بيكى الايام لورا ولو اه ليه ؟؟ ساعات .. عشان فى حاجات طبيعى عملتها مش راضية عنها دلوقتى بس برجع اقول اكيد خير والمهم اللى جاى ندمتى على حاجه قبل كدا ولو الاجابه نعم زى ايه ؟؟ اه ندمت بس مش دلوقتى عشان دلوقتى الحمد لله بقيت بحاول مندمش على حاجة اصل طالما حصلت يبقى ان شاء الله خير والمفروض انى ارضى ومشغلش نفسى بالندم واركز على اللى جاى ايه اكتر صفه فيكى بتكرهها ممكن العصبية وانى باخد حاجات كتير على اعصابى بس الحمد لله بردو دلوقتى ساعات بقيت اعرف اقلل من كدة رايك السياسى تبع مين مش بحب السياسة ههههه ولا بتكلم فيها كتير (احــســن ) قد ايه متعلقه بالنت بصورة عادية هو اه بقعد عليه كتير جدا بس لو لقيت حاجة تانية تسلينى ممكن اسيبه عادى زى كتاب او انى اخرج مع صحباتى كدة يعنى وكمان ساعات بزهق منو ندمتى انك اتعرفتى على حد من الى اتعرفت عليهم عن طريق النت لا اصدقائنا من على النت ساعات بيبقوا اقرب من اصدقاء الحقيقه بتصدقى الكلام دا يعنى اصل مش كلهم اكيد لكن فى ناس بتبقى كويسة وبالرغم انهم من ع النت لكن تحسيهم قريبين منك وطبعا اصدقاء الحقيقة نفس الحكاية لما يكونوا كويسين واصحاب بجد بيبقوا قريبين عمرك اتمنيتى الموت لقدر الله ولو اه ليه بردو مش دلوقتى (يعنى ناويه تتمنيه فى المستقبل مثلم ) حسيتى قبل كدا انه مكنش عندك حسن تقدير فى موقف معين ههههههههه اه حسيتها قبل كدة بس برجع اقول الحمد لله والمهم اللى جاى الميول السياسيه عندك بتأثر على تعاملاتك قد ايه لا عادى مش بتأثر كل واحد حر فى رأيه يعنى المهم اننا مش نفضل نتكلم فيها كتير عشان متبقاش حاجة اوفر هههههه اتعرضتى لخيبة امل فى خياتك ؟؟ اه حصلت وزعلت ساعتها بس حسيت انو اكيد خير والحمد لله والمهم اللى جاى ( احسبيلى قولت كام مرة الجملة دى بقا ههههههههه بس هى حقيقة ) المنتدى بقن ايه عيوب المنتدى من وجهة نظرك ان مفيش نشاط اوى زى الاول يمكن دلوقتى احسن بالنسبالى من فترة فاتت بس بردو محتاج شوية نشاط اكبر اكتر قسم بتحبىه فى المنتدى كذا قسم يعنى بس نقول اكتر الهوايات تتمنى تغيرى ايه فى المنتدى النشاط يزيد موقف حصلك فى المنتدى عمرك ما هتنسيه مممممم مثلا لما كنت بلاقى تشجيع وحاجات تفرح كدة من اعضاء كتير بس موقف كموقف مش فاكرة حاجة دلوقتى هههه ايه الى يخليكى تتخلى عن المنتدى انى ازهق منو كتير واحس ان مش فارقة سواء دخلته او لا وجهى رساله للاداريين والمشرفين والاعضاء كل سنة وانتوا طيبين عيد سعيد اختارى حد واحد من المنتدى توجه له رساله خاصه وكمان حد واحد اختاريه من بره المنتدى توجهيله رساله برده ايه دة بردو حد واحد ههههه صعبة الحكاية دى اوى على فكرة مممم ممكن لــ آية حكاية ربنا يخليكى ليا يا يويو وربنا معاكى فى الكلية وتتخرجى بامتياز (ايه حكايه و5 وامتياز التلاته مع بعض ههههههههههه ربنا معااها يارب ) ومن برة المنتدى كنت عايزة اقول لصحباتى بقا بس بما انو حد واحد فــ يلا اخد ثواب هههههههه اقول لاخويا مبروك ع الخطوبة وعقبال اخويا التانى بقا (اوعبالى انا كمان بقن ) وجهى ليا رساله شكرا ليكى يا قلبى ع الاستضافة الجميلة ومبروك مرة تانية لرجوعك الاشراف كنتى منورانى انهارده والله يا ايسوو وطبعا الاستضافه دى من العيد زى ماواضح سورى ع التأخير بقى والله يبارك فيكى ياقمرى عقبالك بقن ان شاء الله دى الحلقه الاخيره من برنامج فى كلمتين كان برنامج عزيز علييا جداا بدئته مع اختى الصغيره وحبيبتى مرام وبعدها اسيل قالتلى كملى البرنامج فكملته مع ايه حكايه ومحمود الصاروخ والامير العاشق بس الحلقه اتقلبت هزار واتنقلت الجوزعبلات واخيرا انهادره مع الجميله اسرااء وكمان حلقه استثنائيه مع المتميزه استوب انا التوب شكرا لكل حد دخل اى حلقه من حلقات التوبيك دا وشكر فيها شكرا ليك على حضورك وشكرا ليك على تشجعييك وبعتذر اذا مكنش البرنامج ظهر على المستوى الطلوب الى اللقاء فى برنامج عما قريب ان شاء الله فى امــــان الله

[ساحر الأحزان]

استضافة جميلة هبة

مع اسراء

هى غابت فترة ورجعت

ودلوقتى ليها حضور طيب

ظريفة الحلقة منكم

موفقين

[حـيـــــآة ❤]

إستضافه حلوه أبوبآ
وسيرو منوره أوي
منتظرين الضيف التاني

[حافظة القرآن]

اقتباس عمرك اتمنيتى الموت لقدر الله ولو اه ليه بردو مش دلوقتى (يعنى ناويه تتمنيه فى المستقبل مثلم )

ههههههههه
لا على فكرة قصدى ان كان قبل كدة زمان يعنى
لكن مش دلوقتى ولا فى المستقبل ان شاء الله


انا كنت نسيت الحلقة اساسا هههههه
بس عادى ولا يهمك

ربنا يوفقك يا قمر
وحاولى تكملى البرنامج
تسلم ايدك

[۩۩ elMagic ۩۩]

اجابات جميله
منوره دايما يا اسراء
ربنا يكرمك ويوفقك بقى دايما
تسلمي هبه لمجهودك
يدوم النشاط <<

[شاعر الحب الحزين]

هههههاي يجنن الحوار بجد استمعت جدا بالحوار ده

كان في كوميديان ف بعض الاسئلة كده إدت الحوار شكل تاني

تسلمي يا هبة بقى ع الإستضافة الجميلة دي

والضيفة انسانة راقية وخلوقة ومحترمة

اتمنالكم التوفيق انتوا الجوز

بس سؤال ل حافظة القرآن

إيه سبب اختيارك لاسم حافظة القرآن ؟ هل أنتي حافظة القرآن ؟

ولا هو نابع من الإيمان وحب الدين ؟

بس كده

[حافظة القرآن]

اقتباس بس سؤال ل حافظة القرآن إيه سبب اختيارك لاسم حافظة القرآن ؟ هل أنتي حافظة القرآن ؟ ولا هو نابع من الإيمان وحب الدين ؟

بداية الاسم كانت وانا بسجل فى منتدى تانى قبل دة
كنت بفكر يبقى اسمى ايه هناك
و حافظة القرآن جه على بالى فعجبنى
ومن ساعتها بقا

~

شكرا لردودكم الجميلة دى كلكم
اسعدتنى اوى

[محمود الصاروخ]

استضافه جميله مع عضوه محبوبه ف المنتدى
تسلم ايدك
ف انتظار الجديد
^^

[SaMa.]

حلوة الحلقه عرفتنا عليها كتير
ثانكس ي حلوين

[احساسى صحيح]

الجميله اسرااء وكمان حلقه استثنائيه مع المتميزه استوب انا التوب :d

هههههههههههههه
طيب بالراحه علينا شويه يا هوبا
هو مين النجم هنا

حلقه حلوه يا هوبا مع اسراء
اجاباتها جميله جدا
وهى ما شاء الله استاذه فى حل المسابقات
تشكرات مس عبقرينو
وتشكرات مس اسراء
وبالتوفيق لكم ان شاء الله