امى عايزة تموتنى بسم الفران

[ŌиĹч.Ḿё]

من عادتى كل يوم وانا راجع من الجيم
انى اتصل بالبيت عشان يحضرولى الاكل
علشان الواحد لو معجبوش الاكل
ينزل من برة برة
وديما كنت لما بتصل بمامتى واقولها عاملة اكل ايه النهاردة
ولو قالتلى اكل مش بحبه كنت اقولها هو انتى مبتعرفيش تعملى الا الاكلة دى
تروح قايلالى جملة ظريفة اوى
ماينفعشى اقولها خالص
وفى يوم اتصلت بيها وقولتلها عندك اكل ايه
قالتلى تعالى هاتعجبك اوى
رحت البيت لاقيت امى عاملالى تونة وبطاطس وسلطة غريبة كدة
قلتلها هيه دى الاكلة الى هتعجبنى
وبعدين ايه السلطة الغريبة دى
هاتعجبك ياله
لسه بمد ايدى فى السلطة
قالتلى مش تستنى انت بتاكل كدة عادى مش خايف يكون الاسود الى على السلطة دة مش فلفل اسوود ويكون سم فران من الى موت بيه الفارين الى جبتهوملى الاسبوع الى فات والحمد لله الاتنين ماتوا
قلتلها بس اكيد يا مامى انا مهونشى عليكى
قالتلى تهون وحياة امك تهون
والحمد لله كانت السلطة بايظة ومركونة وجالى تلبك معوى
وانا شايف امى مزقططة من الفرحة
وانا عمال اقولها هو سم بجد
قالتلى لو عايزة اموتك مش هموتك بالسم هموتك بالحصرة


نيجى لحاجة تانية
لو سالت اى حد تحب تتجوز ولا لأ ؟؟
هيكون رايه ايه
سالت حمادة جارى المتجوز وعنده ولد
لاقيته بيقولى دة زى العسل ومية مية
رغم ان الواد حمادة دة كان قبل الجواز معلم
اما تامر اخوه
قالى للنشر ولا مش للنشر
قلت مش للنشر
قالى يا نهار اسود حبسة وخنقة وفى واد جاى فى الطريق والمصاريف هتلعلع ربنا يستر
وقولتله لو للنشر
يانهار ابيض حرية ودلع وواد جاى فى الطريق والرزق هيزيد وربنا يكرم
انا مقتنع ان تامر متجوز
بس مش مقتنع انه هيكون اب خالص
دة لحد دلوقتى عامل زى الاطفال الصغيرين
اما على ابن خالتى
ففرحه كمان اسبوعين
الى يشوفه يلاقيه هيمان وسرحان
اما انا فحياة زى الفل وتمام التمام
والله اجدع حاجة ان الواحد عاذب
اوعى حد يتجوز يا رجالة
رسالة الى امى
بحبك جدا جدا جدا
بس والنب ياريت ملكيش دعوة انا فى اوضتى ولا فى الانترية سيبيننى انام على الجنب الى يريحنى

[ملڪّـہۧ بـگَََـلـِمتـﮯ «]

هههههههههههههههههههههههههههههههه

شكرا على الموضوع

بس بالامااانه احنا خنقه

دا البنااات دول ملايكه

[ŌиĹч.Ḿё]

فشر اللى يقول كدا اعوز بالله عليكم هههههههه

نورتى يا عسل شكرا

[ملڪّـہۧ بـگَََـلـِمتـﮯ «]

هاتعملو ايه من الغيره والحقد اللي في قلبكم


لازم تكرهوناااا هههههههه

[ŌиĹч.Ḿё]

ههههههههه ال غل وحقد ال هههههههه


ماشى ماشى نورتى يا عسوله

[funny bunny]

هههههههههههههههه

لازم يكرهونا يا بنتي عشان احنا ملايكة زي ما قولتي

و بيغيروا مننا

ههههههههه

ميرسي ع الموضوع

[ŌиĹч.Ḿё]

حتى انتى كمان ياجماعه انتو مخدوعين ههههههههههه

[funny bunny]

مخدوعين ازااااااااااااااي؟؟؟؟؟؟؟؟؟

[ŌиĹч.Ḿё]

ههههههههههههه بعدين هتشوفى ردى نورتى يا عسل من تانى

[بنت مصر88]

ههههههههههههههه وادينى بضم صوتى لصوتك وبتمنى ان طنط تسيبك على راحتك..........ههههههههههههه