احـــلـــى مــســـا مــع ( A-rab3awya

[انت احلى الناس]

مساء الخير عليكو جميعا وحشتوني جدا جدا معلش اتاخرت بالحلقات شويه كنت تعبانه ومقدرتش ادخل رغم انو محدش سال عنى بس يلا مش مهم ضيفتي النهردا بنوته طيوبه مبتشش من حد وبتسامح ودمها خفيف جدا ضيفتي النهردا A-rab3awya 1/ اوصفيلنا شخصيتك في جملتين ؟؟ عادة مش بحب اوصف نفسى،،وأحب اللى حواليا هما اللى يوصفوا 2/ حلم بيكبر كل يوم جواكى ونفسك تحققيه ؟ كان عندى حلم وبصراحه ضاع مع التنسيق بتاع الثانويه العامه،، بس هحاول قريب اشكل حلم جديد مناسب لوضعى ف الواقع واكمل واسعى له من تانى،،وبعد فتره من اليأس لضياع الحلم الاول والاكبر 3/ مدونتك بتمثلك ايه ؟ وايه اكتر مدونه بتحب تتابعيها ؟ مدونتى ديه اكتر حاجة مهمه ليا،،فعلا بتخلينى طلع كل اللى جوايا وحاسه بيه،،فعلا مريحه اكتر مدونه بحب اتابعها،،شهيدة تحت الطلب،، ومتابعه كل المدونات و بحبها كمان ب حبيت حدد واحدة 4/ اكتر قسم بتحبيه في المنتدى وبتحبي تشاركى فيه؟ الصفحات،،،الهوايات (ارد فقط) النقاش،، الفضفضه،، اقسام حواء 6/ الاء من الاشخاص اللي بتثق في الناس بسهوله ؟ وعمرك ندمتى على ثقتك في حد ؟ لا مش بثق بسهوله خالص،، ممكن اندم نص ندم،،،لكن مش بمعنى الندم الحقيقى ،،لانى اساسا مش بثق ف حد بسرعه 7/ كل انسان عندو شخص قريب قوي منو مين اقرب شخص لقلب الاء؟ اسرتى،،، وصاحبتى شاهنده 8/ موقف جميل ايام دراستك مش ممكن يتنسى؟ كل الايام اللى قضيتها مع شاهنده ف الاعدادى وكل الايام اللى قضيتها مع اصاحبى عموما وهما تلاته ف تالته ثانوى 9/ مثلك الاعلى في الحياه ؟ الرسول،صلى الله عليه و سلم، وكل شخص صالح 10/ المظهر بيعكس جزء من الشخصيه الاء بتحكم على الناس من مظهرها ولا بالمعامله ؟ لا طبعا المظهر عمره ما يعكس الشخصيه أد المعامله،، اهم حاجة المعامله 11/ شخصيه مشهوره نفسك تبقى زيها ؟ مافيش لأن كل واحد و ظروفه ،،،ازاى ابقى زى الشخصيه المشهورة ديه ،،وانا مش متوفره لى نفس الظروف اللى مكنته يوصل للى هو فيه 12/ كل انسان عندو نقطه ضعف ؟نقطه ضعف الاء ايه؟ مش عارفه❗❗ 13/ ليكي في المغامرات احكيلنا مغامره عملتيها في حياتك ؟ ماشى يا ستى من كام شهر كده كنت بحضر المراجعه النهائيه لأمتحانات تالته ثانوى،، وكان اللى منظمها حزب النور عندنا هنا،،اوى حزب الزور بمعنى اصح،، المهم كان مجمع مدرسين لكل مادة وانا كنت مضطرة ادفع واروح عان عايزة احضر لميس الاحياء ومستر الفيزيا اللى هناك المهم دة كان ف قصر الثقافه عندنا هنا والمكان دة بياخد اكتر من الف ونص طالب فكنا قاعدين انا واصحابى الربعاويه ،،شله كده ويعتبر ورا شويه الى حد ما وف مراجعه الفيزيا لقينا محافظ البحيره دخل علينا وراح وقف ع المسرح وكده وعايز يتكلم،، المهم احنا قاعدين وهو بدأ يجيب سيره 30 سونيا وبتاع فأنا واصحابى الربعاويه روحنا رافعين كلنا شاره رابعه بإيدينا المهم الكل شافنا من اللى كانوا واقفين ع المسرح والمحافظ وكله شويه الستات بتاعت الحزب المنقبين جم عايزين يضربونا ورجالتهم تشد فيهم وعاملين يزعئوا لينا المهم حبه ولقينا امن الدوله واقف جنبا وعاملين يشاوروا علينا ويكتبوا حاجات ف ورق كدة حابين يخوفونا يعنى المهم المراجعه خلصت ودول واقفين جنبنا برضوا طب نعمل ايه!! جايين نطلع لقينا الشيخ الكبير بتاعهم بينادينى انا و واحدة اسمها اسراء اشمعنا احنا الاتنين بالذات مش عارفه المهم اسراء دخلت معاه زى اوضه كدة وانا قولت هيعتقلونى وهيضيعوا عليا تعب السنه ديهةكلها المهم جات واحدة صاحبتى اسمها شيماء خدتينى وطلعنا نجرى بره قر الثقافه وانا بره لقيت لك تلت بوكسات واقفين طبعا انا عملت نفسى من بنها المهم لحد ما وصلت التمليك،حته عندنا كدة، وانا مابطلتش ضحك،،رغم الخطر اللى كان مستنينى، ولما سألت اسراء اللى دخلت الراجل دة قالك ايه قالت لى هددنى وقعد يقولى انا كنت ممكن اخليهم يعتقلوكى بس عشان المحافظ موجود انا هسيبك المره ديه هههههههه طولت عليكوا انا عارفه،،معلشوا بقى 14 / صفه موجوده في الناس وبتكرهيها ونفسك تتغير وصفه بتحبيها ؟ الصفه اللى مش بحبها هى الكدب الصفه اللى بحبها الصراحه 15/ هواياتك ايه يا لولو ؟ ولا حاجة بس بحب اسمع اغانى ربعاويه واحفظها وكده هههه 16 /لو معاكى 3 وردات تحب تهديها لمين في المنتدى ؟ ولو معاكى كمان 3 وردات تهديها لمين برا المنتدى ؟ هدى ورد لكل المنتدى،، بس ممكن اخصص واحدة وهى جهاد وبرا المنتدى واحد لأبن اختى و واحدة لبنت اختى وواحده لشاهنده صاحبتى ربنا يخليهملك يا رب 17/ موقف صعب مش ممكن تنسيه ؟؟ موقفى يوم فض رابعه 18/ في المنتدى اقلام جميله ومميزه مين اللى الاء بتحب تتابع قلمه ؟ كتير،،،،مش حد معين 19/ اخر حاجه بقا تحبي تقوي ايه احب اشكرك نورهان حبيبتى جداااا ومعلشى طولت عليكوا ،،،اسفه بقى وبجد فرحانه بالاستضافه ديه جدا تسلمى نورهان حبيبتى نورتيني يا قمرااااايه استنوتي وحلقه جديده وضيف جديد [/COLOR]

[حـيـــــآة ❤]

حلقه جميله مع لولو السكره
بالتوفيق ياقمر
وحمدلله ع سﻵمتك نور
بإنتظار الضيف القادم بإذن الله

[شهيده تحت الطلب]

اقتباس اكتر مدونه بحب اتابعها،،شهيدة تحت الطلب،،

ثانكس ثانكس
بقينا مشهورين ااااوي

اقتباس الصفحات،،،الهوايات (ارد فقط)

اعععععععا اموت واعرف مش بتشاركي بمواضيع ليه

-----------------

هااااااار ابيض
كنتي هتعتقلي يا الاء
دا انتوا عندكوا رحما اووي
انا لو كنت عملت الحركه دي
كان زمانهم بيقولوا
الحريه لجهاد


بجد حلقه جمييله
والاء منووره :*
وربنا يحققلك كل احلامك يارب
اه
تسلمي عالورده
وتسلمي عالحلقه انور^_^

[A-rab3awya]

حبيبتى،،،حمد الله ع السلامه،،

واسئلتك جميله جداا

انتى اصلا اى حاجه بتعمليها بتبقى حلوة

انا كنت قربت انسى الحلقه دهبس الحمد لله انك رجعتى لنا بالسلامه

منتظرين ضيفك الجديد،،وان شاء الله يعمل حلقه احلى كمان

تسلم لى يا عسل

[مُنـــــايا]

حلقه جميله ومميزه

مع ضيفه اجمل ..ألاء من الشخصيات الطيبه

والمحبوبه في المنتدي

ربنا يسعدك حبيبتي ويحقق كل امالك

مجهود جميل منك حبيبتي

لروحكم السعاده

[A-rab3awya]

اقتباس المشاركة الأصلية كتبت بواسطة °ﻵ يفهمني سوآي° حلقه جميله مع لولو السكره بالتوفيق ياقمر وحمدلله ع سﻵمتك نور بإنتظار الضيف القادم بإذن الله

حبيبتى انتى اجمل
نورتى

اقتباس المشاركة الأصلية كتبت بواسطة شهيده تحت الطلب ثانكس ثانكس بقينا مشهورين ااااوي اعععععععا اموت واعرف مش بتشاركي بمواضيع ليه ----------------- هااااااار ابيض كنتي هتعتقلي يا الاء دا انتوا عندكوا رحما اووي انا لو كنت عملت الحركه دي كان زمانهم بيقولوا الحريه لجهاد بجد حلقه جمييله والاء منووره :* وربنا يحققلك كل احلامك يارب اه تسلمي عالورده وتسلمي عالحلقه انور^_^

ايوة بقيتى مشهورة يا بت يا جهاد وبحب مدونتك جدااا

الحلقه ديه من زمان يا طنط مش انا دلوقتى نزلت موضوعين ف الهوايات،،ولا نسيتى

ايوة ياختى كنت هعتقل،،لولا ستر ربنا،،

بعد الشر عليكى حبيبتى
،،ويبعدك عن شر الاعتقال

انتى اجمل بقى يا سكر

وتستاهلى مليون وردة

منورة والحمد لله ان الحلقه عجبتك

[A-rab3awya]

اقتباس المشاركة الأصلية كتبت بواسطة مُنـــــايا حلقه جميله ومميزه مع ضيفه اجمل ..ألاء من الشخصيات الطيبه والمحبوبه في المنتدي ربنا يسعدك حبيبتي ويحقق كل امالك مجهود جميل منك حبيبتي لروحكم السعاده

حبيبتى تسلم لى

ربنا يخليكى

ويحقق كل امنياتك يا قمر

نورتينى بجد:d

[Stop Ana Eltop]

تسلمى يا نوور ع الحلقه

ولولو طبعاا منوره

بالتوفييق دايماا

[Silver Flower]

استضافه حلوه ل أموره راح اعشقها
منوره اكيد يا قمر

[A-rab3awya]

اقتباس المشاركة الأصلية كتبت بواسطة stop ana eltop تسلمى يا نوور ع الحلقه ولولو طبعاا منوره بالتوفييق دايماا

بنورك حبيبتى،،

تحياتى ليكى يا قمر

اقتباس المشاركة الأصلية كتبت بواسطة silver flower استضافه حلوه ل أموره راح اعشقها منوره اكيد يا قمر

ربنا يخليكى يا قلبى،،

نورتينى بجد

تسلمى لى