طريقتي في عمل البيتزا (بالصور)

[ايمان طلعت]

حبيت اقدملكم طريقه عمل البيتزا اللى انا بعملها فى البيت ويارب تعجبكم بقى مقادير العجين كيلو دقيق كيس خميرة فوريه معلقه صغيرة ملح معلقه صغيرة سكر معلقتين كبيرة زيت كوب ماء كبير الكميه دى تعمل 6 بيتزات اول حاجه هنضيف كل المقادير دى على بعض فى طبق كبير ماعدا الماء الماء يضاف تدريجيا لحد ما تلاقي العجينه متماسكه لو طريت منك زودى شويه دقيق بعد كدة نقلبها ونعجبنها كويس العجينه بتكون متماسكه بالشكل دة متكونش ناشفه اوى ولا طريه تقع من ايدك بعد عجنها كويس لفيها زى الكورة كدة وغطيها لمدة ساعه عشان تخمر بعد كده هتقسمى العجينه لست قطع متساويه وممكن تيجى اكتر من سته حسب نوعيه الدقيق ولفيها زى الكورة كويس حطى شويه دقيق على ترابيزة وحطيها افرديها بالنشابه كويس بحيث تاخد الشكل الدائرى بدون ما تتقطع منك وحطيها فى الصينيه بعد دهنها زيت و دقيق و خرميها بالراحه بشوكه عشان متعلاش معاكى فى الفرن نيجى للصلصه بتاعتها هتجيبى شويه طماطم وتقشريها وتشيلى البذر بتاعها وتقطعيها قطع صغيرة جدااا او الاسهل تضربيها فى الخلاط وتصفيها تسخنى شويه زيت صغيرين وتحطى الطماطم وتضيفى معاها كيس صلصه و تحطى التوابل اللى تحبيها انا بحط ملح وفلفل اسود كمون رشه بهارات صغيرة و زعتر و بودرة توم على فكرة الزعتر بيخلي الطعم حلو وريحتها كمان وتغلى على النار وتهدى عليها لحد ما تبقى متماسكه اوى زى كدة هتجيبى بقى العجينه المفرودة وتدهنيها بالصلصه اللى عملناها وتحطى بقى اللى عايزاه الاساسى طماطم وفلفل اخضر متقطعين و زتون اسود وحطى بقى اللى انتى عايزاه انا عملت هنا كذا نوع دى بالجمبرى دى بالسجق الاسكندرانى عليه موتزريلا دى بقطع برجر حمرتها الاول وقطعتها مكعبات دى الاطراف محشيه بجبنه نستو رووووووعه بتشدى الاطراف شويه خارج الصينيه وتحطى الجبنه او اى شيء بعد كدة تقفلى عليها دة قبل ما تحطي الصلصه دى بقى بالجبن ريكفورد على رومى و موتزريلا هى كانت عايزة تستنى شويه فى الفرن عشان الجبنه مسحتش اوى بس كدة وبالهنا والشفا لو حد طبقها يبقى يقولى

[۩۩ elMagic ۩۩]

طب بالنسبه لل 6 دول
انا حاجزهم ع فكره
الله ينور إيمان
تسلم ايدك

[Lamees]

تمام زي الفل بس انا بضيف على العجينة زبادي عشان مش تكون ناشفة
تسلم ايديك والله جوعت انا كده ابعتيلي حتة من اللي بالجمبري اصلي بحبه موت

[حـ,ـكـ,ـآيـ,ـهـ,ـ ۅطـ,ـنـ,ـ]

تسلم ايدك بجد ست بيت ممتازه



مشكورة على الوصفه والطريقه


بانتظار الكوارع...علشان زوجي بيحبهم

وانا ما بعرف اعملهم

[الأميرة رودي]

ايه الجمال ده
شكلها جميل بجد ويجوع
تسلم ايدك إيمي وبألف هنا على قلوبكم

[سيناا]

واااااااااااااااو

جوعتينا بصراحة تسلم ايدك مبدعه بكل شي اختي ايمان

[-esraa-]

جميل بحب البيتزا جداً ^^
وحلوة أنها من غير زبادي ؛ الزبادي بيخليها طرية و المقرمشة أحلى
تسلم ايدك تاكلوهم بالعافية وﻻ هي اتاكلت :d

[موري كول]

ايه الحلاوه دي يا ايمان ماشاء الله عليكي
شكلهااا روعه بجد واكيد طعمها كان اجمل واجمل
انا بعملها زيك بس الصلصه مختلفه شويه والعجينه برضو

لكن بجد تسلم ايدك
جوعتيني
تقيمي ~

[✿ Celiηα]

جوعتيني لا وايه شكلك حريفة متمكنة
انا مش بحسد وربنا
تسلم ايدك بجد وابعتيلي واحدة بقى ^_^

[A-rab3awya]

ايه الجمااااااال دة طريقه جميله والصور لذيذه

بجد تسلم ايدك

بالهنا و الشفا بقى