يلا بينا نتسلى شوية ..~

[Lamees]

شوفوا بقى يا جماعة بما اني زهقانة موت
قلت العب معاكم لعبة ونتسلى شوية
الموضوع اني رجعت من المصيف تعبانة شوية
ووداني دخل فيها ميه كتير عملتلي التهاب في الأذن الوسطى
عشان كده تلاقوني مش مركزة معاكوا
دخلت عند الدكتور سمعت منه كلمة واحدة
مش السبب مني هو والله الظاهر انه بيهمس همس
حسيت ان الدكتور ده كان ميت وصحوه تاني
حاجة كده زي مومية المتاحف
ما علينا المهم كشف وكتب العلاج
احنا بئا هنتسلى ازاي
حد يسأل طيب انا هقول هنزلكم صورة
الروشتة والمطلوب من حضراتكم
اولاً تحديد الأسم
ثانياً تحديد اسم العلاج
هما 3 انواع من العلاج

وانا بئا هضحي كده وهتنازل لكم عن نجوم
يعني اللي هيقول الاسم هديله نجمة من عندي
وكل اسم علاج من الـ 3 له نجمة
يبقى المجموع كام 4 نجوم
يلا ان شالله ما حد حوش
طبعاً الأسبقية لأول من يجاوب فاهمين
ودي صورة الروشتة

[۩۩ elMagic ۩۩]

الخط دا مش غريب عليا
شبه خطي
يا جماعه ميت مره بنقول محدش يروح عند دكتور يتعالج عنده وهو متعسب

[حـ,ـكـ,ـآيـ,ـهـ,ـ ۅطـ,ـنـ,ـ]

ههههههههه

هو كان بيسمع اغنيه "شخبط شخابيط"

هههههههه

لا بجد انتي صرفتي الروشيته ولا لا


والف سلامه عليكِ حببتي

[Lamees]

اقتباس المشاركة الأصلية كتبت بواسطة ۩۩ elmagic ۩۩ الخط دا مش غريب عليا شبه خطي يا جماعه ميت مره بنقول محدش يروح عند دكتور يتعالج عنده وهو متعسب

بقولك زي المومية تقولي متعسب
ياريته كان متعسب ^_^

[Lamees]

اقتباس المشاركة الأصلية كتبت بواسطة انسام الورد ههههههههه هو كان بيسمع اغنيه "شخبط شخابيط" هههههههه لا بجد انتي صرفتي الروشيته ولا لا والف سلامه عليكِ حببتي

طيب والله العلاج اتصرف
مش عارفة الصيدلي عرف ازاي
عموماً شكله اتعود على كده
الله يسلمك يا قمر

[phalsteen]

هههههههه
يا حبيبه قلبي الف سلامه عليكي
انا برضو كنت تعبانه امبارح
وبالعافيه رضيت اشوف الدكتور
لاني بكرههم اوي
بصي الروشته
تقريبا كان ناقص يكتب علي ايده
كنت حاسه انه بيشرح لتلامذه
شويه وكنت هحدفه من البلكونه
بس سكت

[حـ,ـكـ,ـآيـ,ـهـ,ـ ۅطـ,ـنـ,ـ]

عاررفة يا روني


مرة رحت نابلس علشان اعالج بنتي

المهم من منطقه لمنطه ...قولي من بلد لبد اتصلو في الدكتور وقالولوا انتاا عامل حجاب ولا كاتب ايه

عايزين شامبليون يفك رمموز حجر الرشيد


بتحصل يا بنتي عادي


الف سلامه عليكِ

[Lamees]

اقتباس المشاركة الأصلية كتبت بواسطة nefertiti هههههههه يا حبيبه قلبي الف سلامه عليكي انا برضو كنت تعبانه امبارح وبالعافيه رضيت اشوف الدكتور لاني بكرههم اوي بصي الروشته تقريبا كان ناقص يكتب علي ايده كنت حاسه انه بيشرح لتلامذه شويه وكنت هحدفه من البلكونه بس سكت

والف سلامة عليكي يا ام حمني
كاتبلك علاج كتير اوي يارب يكون خير

[Lamees]

اقتباس المشاركة الأصلية كتبت بواسطة انسام الورد عاررفة يا روني مرة رحت نابلس علشان اعالج بنتي المهم من منطقه لمنطه ...قولي من بلد لبد اتصلو في الدكتور وقالولوا انتاا عامل حجاب ولا كاتب ايه عايزين شامبليون يفك رمموز حجر الرشيد بتحصل يا بنتي عادي الف سلامه عليكِ

جرة قلم واحدة بتفرق بس ياريت الدكتور يعرف كده
ويخلي باله بدل ما المريض ياخد دوا مكان دوا تاني

[ساحر الأحزان]

أنا أقلك السبب

الاسماء العلمية للأدوية بتكون معروفة عن الصيادلة

وخصوصا الشخبطة دى الحروف معروفة عندهم


للأدوية

فالى مكتوب فى الروشتة

هو أن عندك شوية أرهاق

مع تعرض للشمس

حاجات خفيفة كدة

وبعدين الدكتور بعد العمر والخبرة دى كلها

مش يشخبط

لا من حقة يشخبط بقى

لانة خبرة