ثـــــــــم ميــــــن ؟!

[Şα3Đ..♥]

ثم مين؟! ,,, ثم هما ثم تحيا الهالومه ثم ناس كتيره جما مش عارفه فين وازاي تعيش ثم ناس تطلب حقوقها تلقي الرد " اصل مفيش " ثم ناس تكتر حروقها فـ ما تداويش ثم ناس تدفن طموحها ثم ناس قاتلها جوعها مش لاقيه عيش ثم سلطه وبزرميط ثم كوسه بالعبيط ثم ناس علي ناس تزيط علشان يطلعوا ف الافيش ثم ايه ,,,!!! ثم ثوره ثم هيصه واصله بره خارجه تعلن للمجره اننا منختشيش ثم ينزل لينا جيش من المشيـــــــــــر حتي الشاويش وطفه هايصه وطفه لايصه واشرب يا شعب وعيش ثم إمممممممم ؟ أيوا ايوا ,,, ثم فيديوهات وفيس ويا كمان كام عباره ثم سياده الرئيس ثم غيروا الوزاره ثم جوزوا كام عريس ثم هدوا كام عماره ثم تحيا الدقون ثم ثم ناسكتير تخون ثم تكتر الكوارث والحساب عند الزبون ثم تفويض اللي حارس اللي مش ممكن يخون ثم شيلولنا الدسايس ثم اخلعوا الخروف ثم رابعه والعلامه ثم قتل ف الالوف ثم لفق للغلابه وابقي سلم ع القانون ثم من تاني ابتدينا ويا جيشنا والعساكر نبنيها تاني بايدينا والجبان واخدله ساتر ثم شهدا كتير سابونا وصقفه بقي للي فاكر ثم القاده ادونا درس ووزعوا العيش بالكوبون ثم جرافيتي انتخبوا العـ .. واملا اكتر ف السجون ثم تسلم الايادي ثم ريسنا الهمام ثم اعلامنا الزبادي ثم كام مليون لجام ثم لاعقي البياده ثم ارهابي وجبان ثم طبعا زي العاده مش فالحين غير ف الكلام وفـ الختام ,,, مش موضوع كرسي و اداره الموضوع يكمن ف الشعب علشان تعلي وبجداره لازم الكل يكاتف بعض من اعلي ناس ف الوزاره حتي اللي النايمين ع الارض

[phalsteen]

ثم ابداع
مالوش مثيل
تحياتي وتقديري
اخي الغالي

[محمود أبوزيد]

رائع تلك الاعزوفة
تقبل مروري المتواضع

[Aya 7ekaya]

حقيقى انت مميز وليك اسلوب خاص
تسلم ايدك
لا تحرمنا جديدك

[Şα3Đ..♥]

حقيقي انتوا اجمل ناس علي وجه الارض
نورتوني والله

[ويبقى الأثر]

ثم بنفتقد قلمك دايما سعد
رائع واكثر اخى
دمت بخير

[Şα3Đ..♥]

اقتباس المشاركة الأصلية كتبت بواسطة قيثارة الصمت ثم بنفتقد قلمك دايما سعد رائع واكثر اخى دمت بخير

والله انا ذات نفسي مفتقدني
نورتيني

[♥SaRa]

بجد كلامتكـ لو اتكلمت كتير عنها مش هوصف مدي ابداعكـ فيها
سردت لينا قصة بلدنا فـ كلماتكـ ..كلمات مميزهـ بسردها وأسلوبكـ المبدع
جميلة جداً افقتقدنا الابداع دهـ من زمان ..ربنا يرجعكـ بالسلامة
نجومي+ تقيمي المتواضع ..دمت بود.