حوارات و اشتغالات

[sama yousif]

شباب و بنات حوارات و اشتغالات
النت بجد مليان متاهات
وكله مقضيها خد وهات
كله داخل النت عشان يصطاد
بت بتدور على عريس وشاب بيدور على خروجات
كله بيشتغل التانى كوميديا ومسخره وشغل عالى
نسمه بتدور على هانى وتقول خلاص لقيت فتى احلامى
واحمد عامل نفسه امانى
ويحور على اى واحد ويألفله كلام اغانى
جوه النت بجد عالم تانى
عالم كله بيشتغل كله ماتعرفش مين احمد ومين تهانى
ولا تعرف مين دنيا ولا تعرف ساميه من هانى
جوه النت هتقابل عليا ساكنه ف المطريه
وتقولك ساكنه ف اسكندريه
والا البيه اللى عنده 100 وبيقول انا لسه ف كليه
وحاطط صوره لنفسه واكيد طبعا مش هيه
ويقول قال ايه انه غنى وعنده كمان عربيه
والحقيقه طبعا انه اصلا مااعهوش يجيب طعميه
وبنات عايشه فى دور قمرات
او حتى فاكره نفسها شربات
وينزل العبيط على طول عشان يقابل القمر
يفوجأ بانه بيقابل جوز شرابات
والكوميديا شغاله على طول كل يوم ف النت داير مايدور
جوه النت بجد عالم تانى
كل يوم بنات بتيجى وبنات بتروح
وشباب بيدور على بنات ويروح يقابلهم مطرح مايروح
واحده تطلع عرجه واحده مش بتشوف
واحده تطلع طارشه واحده دماغها هرشه
جوه النت بجد عالم تانى
ايميلات اشتغالات حوارات خد وهات
شباب مش عارفه فين تقابل البنات
وبنات بتدور على ارقام التليفونات
النت بجد مليان متاهات
وكله مقيضها خد وهات
كفايه بقى علينا الحوارات
وفكوا بقى من شغل التفااهات

يارب أكون قدرت أوصل ليكوا
الفكره المتعلقه بالكذب على الانترنت
سواء من قبل الشباب أو البنات اللى بيكدبوا على بعض

[محمد الشريف]

الأخت الكريمة / سامية يوسف

طرحك تناول الصور المتعددة لحال النت ... ولكن الله لايغفل ولا تأخذه سنة ولا نوم

وعلى الباغى تدور الدوائر فالنت كسائر المنافع فى حياتنا إن أحسنا استخدامه

وعلت ضمائرنا فوق أهواءنا وأدركنا أن مانتصوره خلوة ذاتية بيننا وبين أنفسنا وإطلاق

العنان لما لاينبغى أن يكون من حيث ملائمته وتناسبه فيما نعرضه وأن نقيس الأمور

بالوازع الخلقى ونضع أنفسنا مكان الآخرين الذين يبتلون مما يفاجئون به ... وما إلى ذلك

فإنى اتصور أن تلك السلبيات والموبيقات سوف تتلاشى كثيرا ، فينبغى أن ندرك أن النار

مثلا بلا شك تفيد فيما لو أحسنا استخدمها وفى نفس فهى تحرق من يعبث بها ...

وقانا الله وإياكم من ضلالة الأنفس وهىء لنا سبل الهدى والرشاد

وتقبلى تحياتى

[محمد عطيه]