هو ايه الجملة دي

[™Amiliya]

مساء الخير عليكم

بتسمع كلام كتير من اهالينا تقريبا عايز معجم لغوي عشان تعرف معناه

وتسمع في الشارع ومن اصحابك والاماكن المختلفة الفاظ اكتر واكتر

كمية مصطلحات وكلمات ومعاني كتيررر اوي تقتحم مخك فتكركبه
وتوقفو عن العمل

ولا انت فاهم لا المعنى ولا امتى تحظها في جملة مفيدة للموقف

زي من شوية جارتنا بتقول لابنها

ياخايب الرجى اقفل الباب ؟

بالزمة ايه الجملة العجيبة دي؟ مش عارفة

طب حد يفهمني الاول المعنى وبعدين قوللنا ايه الجمل الغريبة
الي بتسمعها ع مدار يومك وحياتك

:

مسائكم سعيد

[اخت محمد]

مثلا باب النجار مخلع

اذا كان الوالد بيشتغل مهنة محددة او صنعة و ييجى ابنه يتعلم صنعة ابوه ميعرفش يتعلمها

[A-rab3awya]

انا عايزة اللى يفهمنى يا ايمى

حاجات عجيبه

!!!!

[♥SaRa]

فعلاً بنسمع كتير جمل غريبة محتاجة لمترجم
وبيكون كل دهـ مجرد كلام زمان كان بيتقال فا غالباً ما هتلاقي
الناس القديمة هي الي بتقولة .
اما بالنسبة لجملة بتاعتكـ انا مش اعرف بس
عـ حسب فهمي معناها ان يعني ان الشخص بدون آمل
يقفل الباب..بس باب اية بقي الله اعلم
لكن الكلمة الي بسمعها دائماً فـ البيت اعمل الطيب وارمية فـ البحر
وطبعاً دي سهلة الترجمة لكن فـ كلمات الوآحد مش فاهم اولها من اخرها
نايس توبيكـ إيمي
سلمتِ .

[يحيى الفضلي السودان]

قبل ان ابدا حديثي اتمنى من الاخوة من داخل المنتدى بان يفترعو صفحة او باب للامثال والاقوال والحكم الشهيرة
ومعنى يا خائب الرجاء هي الانسان اللفهمه على اده او عنيد في تصرفاته لا ينفذ امرا ما بيسمى خائب الرجاء اتمنى بان يجد صدى افتراعي لهذه الصفحات الاكثر دخولا كما يقال ب طينها ولا غسيل البرك
مثل مصري

[ابوالبنات]

خايب الرجا معناها صاحب الامل الفاشل دائما
يعني لااحد يأمل منك ان تفلح بشيء

الامثال ثلاثة انواع وهي

المثل الموجز السائر : وهو إما شعبي لا تعلم فيه ، ولا تكلف ولا تقيد بقواعد النحو ، وإما كتابي ، صادر عن ذوي الثقافة العالمية كالشعراء والخطباء كقولهم كالمستجير من الرمضاء بالنار .

المثل القياسي : هو سرد وصفي أو قصصي أو صورة بيانية لتوضيح فكرة ما عن طريق التشبيه والتمثيل ويسميه البلاغيون التمثيل المركب أو اعتبار أحدهما بالآخر لغرض التأديب والتهذيب أو التوضيح والتصوير وهذا النوع فيه إطناب إذا قورن بسابقه ويجمع بين عمق الفكرة وجمال التصوير .

المثل الخرافي : وهي حكاية ذات مغزى على لسان غير الإنسان لغرض تعليمي أو فكاهي وما أشبه ذلك كقولهم أكلت يوم أكل الثور الأبيض

اتمنى اكون وفقت بالتوضيح الملطوش من مصادر اخرى
مع فائق الاحترام والتقدير

[العاشق الذى لم يتب]

اظن الام دى شافت فى ابنها انه خايب
ومافيش منه رجا
وربنايعينهاعليه بئا
وماتزعليش روحك كده ياايمى
مليانة الدنياعجايب

[مُنـــــايا]

لا الجمله ده شي سهل
بالنسبه لكللام كتير بنسمعه ومحتاج قاموس للترجمه
وفعلا خايب الرجا أي الانسان الفاشل

لروحك السعاده

[سندس]

ده التراث المصري العريييق مش اى حد يفهمه
غير الناس الكبار و اهى اقوال بيتداولها الناس
جيل من بعد جيل
و كل بلد لها تراثها
فى كلمات بيبقى ليها قصة و حاجات لا

[აα∂ Ԑγεა]

بالظبط زي ما قال استاذ رفعت
شايفه انه خايب وانه مفيش منه رجا
زي ما تقولي كانت ترجو حد افضل منه

الامثال كتيرة بالاخص اني عايش ف الصعيد
والكلام والامثال دي كلها متداولة ومحفوظة هنا

مثال :
ان تابت الرقاصه كعب رجلها يرف

:v