رساله أداريه ( مبروك الترقيه )

[DR.SMA]

بما ان المنتدى في خمول ومحتاج نشاط
يبقى اكيد محتاج مشرفين ومراقبين جدد
خصوصا ان العضو في اول فتره من تعيينه بالزات
بيكون حريص على انه يثبت وجوده
وده اظن هيساعد المنتدى انه يفوق شويه
منور يا مرشدي

[انت احلى الناس]

كل الاشخاص اللى اترقو
كانو يستاهلو الحاجه دي


بس فعلا عدد المشرفين والمراقبين كبير جدا
والاشخاص / الاعضاء العاديين قليلين جدا

[Aya 7ekaya]

اولا فعلا فى ترقيات كتير جات متأخر وفى ناس كانت تستاهل اشراف من زماناولا بالنبه للمراقبين كانت بتيجى شكاوى كتير بسبب غياب المراقبين الموجودين قبل كده والتاخير فى الموافقه على المواضيع
المشرفين انا شايفه المشكله ان هى هى نفس الاقسام اللى كان عليها مشرفين بيتغيروا او بيزيدوا لكن فى اقسام بتفضل فيها خمول ومش عليها مشرفين ودى مشكله وهتفضل مشكله
بالنسبه لخمول المنتدى بشكل عام
ف اللى لاحظته زمان كان فى افكار وتحفيز وتشجيع وديما الاعضاء بتحب الافكار الجديده والمفآجأت ودى مش موجوده دلوقتى

[აα∂ Ԑγεა]

هيا الادارة بتبعت رسالة مبروك الترقية ؟!
وربنا عمري ما شوفتها دي


بخصوص الترقيات والله مش مركز مع الموضوع دا للدرجة
فمش اقدر احكم علي الجهد والاختلاف اللي تم
لكن بعد اما منة اتنازلت عن الادارة
طبيعي انه المنتدي كان محتاج مراقبين جدد يساعدوا الموجودين
لانه الحمل كبير هيكون علي امجد

حاليا اظن محتاجين ترقيات في مجال المشرفين اكتر
في اقسام محتاجة اعادة تجديد من الاول
وفي ناس زي حالتي انا هنا محتاجة تتشال


سبب الخمول يمكن غير بدأ المدارس انه الارشفة ضعيفه للمنتدي
عدد الاعضاء اللي بتشترك مش كويس ابدا ومفيش ناس فعالة جديدة بتيجي الا نادرا
معقول انا مشترك قربت من سنتين اهو
من وقت اما جيت مكملش المنتدي 8 الالاف مشترك جديد ؟؟!
ياتري من وسط دول هل في السنتين كملنا 50 واحد فعال ؟!!

[اندرسون]

اول حاجه مبرو ك لكل للناس اللي تم ترقيتها

وممكن يكون دي خطوة حلوه ف حق المنتدي
لانه اصبح ممل ومفيش حاجه جديده فيه
ياريت يكون ف تنشيط لكل الاقسام

وربنا يوفق الجميع

[ساحر الأحزان]

يعنى انت جاى تصحى دلوقتى؟

طيب منت عارف المشكلة من زمان

وطارق اتكلم عنها فى اكتر من برنامج


وعموما الاقسام المهمة عليها مشرفين بما يكفى

والاقسام الخالية

الاخوة المراقبين قايمين بالواجب

[morshooo]

اقتباس المشاركة الأصلية كتبت بواسطة اميرة الحب الضائع الناس الى اخدو الترقيات يستحقو الصراحه لانهم كانو شغلين جامد اها الترقيات كانت كوتيره بس كل الى نزلو فى الترقيات سواء مشرفين او مراقبين يستحقو الاماكن الى همه فيها المشكله دلوقتى فى نقطه وحده ان اغلب الى بيدخلو المنتدى اما اداره او مراقبين او مشرفين والى اقل من كدا مميزين وقليلين جدا الى هم اعضاء عادين يعنى اغلب الى موجودين فى الوقت الحالى حصلو على تكريمات

واحتمال مايكنش فى اعضاء جدد
كمان كام شهر او لو الادارة عملت
ترقيات تانى احتمال اللون الاخضر يختفى :d

[morshooo]

اقتباس المشاركة الأصلية كتبت بواسطة مُنـــــايا هو كان بالاول محتاج أكتر بصراحه لان عدد الاعضاء كان أكتر بكتير وقبل غياب أعضاء كتير عن المنتدي ممكن تقول تعين بالوقت الحالي من وجهه نظر الاداره لسببين الاول في اقسام المشرفين غابت عنها ومن حقها يكون عليها مشرفين لتنشيطها وكده والتاني انهم بيكونوا بيحافظوا علي الاعضاء عشان مش تمشي وتسيب المنتدي ويكون حافز ليهم انهم يتفاعلوا وكده بس بالاول والآخر الكل بيستاهل اكيد لنشاطه وتواجده والله اعلم

انا معاكى ان الاول كان محتاج الترقيات دى
والاعضاء كانت بتتحايل على المراقبين
والادارة انها تعتمد مواضيعهم دلوقتى خلاص
معتقدش هنشوف الشكل دا تانى
لان الاعضاء مبقتش موجودة من الاساس

[morshooo]

اقتباس المشاركة الأصلية كتبت بواسطة dr.sma بما ان المنتدى في خمول ومحتاج نشاط يبقى اكيد محتاج مشرفين ومراقبين جدد خصوصا ان العضو في اول فتره من تعيينه بالزات بيكون حريص على انه يثبت وجوده وده اظن هيساعد المنتدى انه يفوق شويه منور يا مرشدي

هو يحتاج مشرفين ومراقبين لو فى اعضاء :d
منورة اسما وسعيد بمرورك

[morshooo]

اقتباس المشاركة الأصلية كتبت بواسطة انت احلى الناس كل الاشخاص اللى اترقو كانو يستاهلو الحاجه دي بس فعلا عدد المشرفين والمراقبين كبير جدا والاشخاص / الاعضاء العاديين قليلين جدا

نورتى التوبيك
واكيد كلهم يستهلو
وربنا يسهل والاعداد ترجع تانى
نورتى