الهدية بكام (مسابقة فضفضة مزعجة )

[سندس]

سلامووو عليكم احلى اعضاء ذات يوم كدهون و انا راكبة الميكروباص الجميل اللى بيركب فيه ناس جميلة ساعات و ناس غريبة ساعات كتير و انا راجعة من جامعتى اللى مش عزيزه عليا خالص سمعت فضفضة ازعجتنى و اكيد هتزعجكم يعنى بين شابين كانوا راكبين فى المقعد اللى ادامى اه ملحوظة " الكلام ده كان قبل الفالنتين بيومين " الاول "موجها حديثه للتانى " : ايه رايك اجيب ايه للبت بتاعتى فى الفالنتين بال ف زى فيرى ماتش كده التانى : و الله اعم على حسب المصلحة اللى انت عايزها منى لو كانت حاجة كبيرة استنضف هدية كده ب 30 جنيه و لا حاجة اما لو مصاحبها كده شوية و خلاص اخرها هدية بعشة جنيه الأول : انا كنت بفكر اجيبلها هدية بعشه جنيه برضو االثانى : مترسينى اعم عالحوار كله الاول : يا عم مانت عارف انا بسقط بقالى السنتين و الصراحة السنة دى عايزة انجح فانا كنت ناوى اخليها تظبطنى ملازم و مذكرات و تحاول تظبطنى فى الامتحان فقلت اظبطها شويه لحد ما الامتحانات تخلص الثانى : اهااااااااااا مش تقول كده يا عم لا جبلها هدية ب 15 جنيه بقى عشان تظبطها لكن هى متسواش اصلا ده انت احلا منها أصاحبى الدرس المستفاد من الفضفضة : ان هما الاتنين عيال حقيرة اصلا اى نعم هى غلطانة انها عرفت الاشكال دى بس ممكن تكون هبلة او عبيطة او طيبة اوى حاجة من التلاتة و تلاقيه مفهمها ان هى حبيبته بقى و هيروح يتقدملها بعد بكرة شباب غريييبة و مش عايزة اقول اكتر من كدهه ملحوظه : مش كلهم يعنى عشان منتضربشى

[شاعر واسير الحب]

اكيد عيال واكيد هي التانية عيله انها اتعرفت علي شوية عيال لا يفهموا الا المصلحة وشغل العيال
اكيد هي التانية بتشتغله وكله الهوا سوا
والقلوب عند بعضيها
ربنا يهديهم

[phalsteen]

الغلط علي البنات هنا
مش علي الشباب يا سندس
العينات دي معروفه يعني
هيا اللي سذاجه
ربنا يهدي عبيده بئه
منورة القسم يا كوكي

[مُنـــــايا]

كل ده شغل عيال معلش
والعيب علي البنت اللي تتعرف علي شخصيات زي ده
والتفكير يكون بالشكل ده وفي السن ده
ربنا يهدي الجميع
لروحك السعاده

[العاشق الذى لم يتب]

ماتشغليش بالك اوى ياسندس
الدنيا مصالح ياابوصالح
جميلة الفضفضة
تسلمى

[A-rab3awya]

اهااا يا سندس الكلام دة معروف و متكرر

عالم ضايعه
وربنا يهدى ف الاول و ف الاخر

واحفظنا يارب

كله مصالح ومحدش صالح=/

تسلمى يا سندس وبالتوفيق

[سندس]

اقتباس المشاركة الأصلية كتبت بواسطة شاعر واسير الحب اكيد عيال واكيد هي التانية عيله انها اتعرفت علي شوية عيال لا يفهموا الا المصلحة وشغل العيال اكيد هي التانية بتشتغله وكله الهوا سوا والقلوب عند بعضيها ربنا يهديهم

ممكن فعلا يكونوا هما الاتنين بيشتغلوا بعض
ربنا يهدى
نورتنى بمرورك اخى

[سندس]

اقتباس المشاركة الأصلية كتبت بواسطة nefertiti الغلط علي البنات هنا مش علي الشباب يا سندس العينات دي معروفه يعني هيا اللي سذاجه ربنا يهدي عبيده بئه منورة القسم يا كوكي

فعلا الاشكال دى واضحة اوى هى اللى هبلة و اتضحك عليها
اسعدنى مرورك بجد

[سندس]

اقتباس المشاركة الأصلية كتبت بواسطة مُنـــــايا كل ده شغل عيال معلش والعيب علي البنت اللي تتعرف علي شخصيات زي ده والتفكير يكون بالشكل ده وفي السن ده ربنا يهدي الجميع لروحك السعاده

ناس ضااااااايعة و فااااضيه و تاااافهة وبس

[سندس]

اقتباس المشاركة الأصلية كتبت بواسطة العاشق الذى لم يتب ماتشغليش بالك اوى ياسندس الدنيا مصالح ياابوصالح جميلة الفضفضة تسلمى

هههههههه
كله دلوقتى ماشى بنظرية مصلحتى أولا
و مش مهم اضايق حد و لا اجرح حد
نورتنى اخ رفعت
و يارب دايما موجود معانا