ضلمة يادنيا ضلمة ( مسابقه نقاش × صوره )

[*قمر*]

	ضلمه يادنيا ضلمه مش قصدی علی الكهربا متقلقوش ههههههههه دی ضلمه من نوع اخر اللی اقصده ضلمه عقولنا وفكرنا (العلم نور والجهل ظلام) تفتكرو احنا عقولنا فيها نور ولا مضلمه اقولكم انا عقولنا دی مش ضلمه وبس لا دة ظلام حالك ليه معندناش رغبه فی التعليم بعيد عن الدراسه اللی فيها بيعملو حشو لدماغ الطلبه وقبل مايطلعوا من الامتحان بيكونوا ناسيين اللی اتعلموه دة ان افتكروا اساسا والتاليف مشتغلش اصل احنا عندنا مبدعين من صغرهم بصراحه عموما دة مش تعليم دة اداء واجب بنعمله عشان ننجح مش مقياس للفكر يمكن حتی تعليمنا دة سبب فی كرهنا للتعليم والقراءة واننا نطور من نفسنا احنا بمجرد انتهاء دراستنا بنقف مكانا محلك سر مفيش حركه كان الواحد لازق بغرا مش قادر يتحرك بنحس كاننا كنا فی معتقل واخدنا افراج تلاقی لو حد شافك ماسك كتاب كانك ماسك ممنوعات او مش طبيعی جای من كوكب تانی هههههههه يقولك يااااااه دی انا من يوم ماخلصت ممسكتش كتاب فی ايديه زی مايكون دی حاجه كويسه فخور بيها اوی انتو بقی شايفين ايه السبب ان امه اقرأ لا تقرا ؟ هقولكم ايه السبب من وجهه نظری لما كانت امه اقرأ من اعظم الامم كان اللی عايز يتعلم بيلف الدنيا بحثا عن العلم عملا بقول الرسول صلی الله عليه وسلم اطلبو العلم ولو فی الصين من امتنا خرج كتير من العظماء منها الفرابی وابن سينا والخوارزمی واللی كانت اكتشافاتهم هی بدايه تطور الغرب عشان بداو من المكان اللی انتهينا او وقفنا عنده وبعد كده بدات الحرب علی البلاد العربيه لنهب ثرواتها وعشان تقدر تتحكم فی ای شعب او دوله لازم تعمل حاجتين اولا: انك تعمل طمس لهويتها العربيه ودة اللی عملته فرنسا بالمغرب العربی فكان التعليم بس باللغة الفرنسية ودة خلی لهجتهم يغلب عليها اللغة الفرنسية وعشان كده صعب فهمها ثانيا : ودة اللی عملته انجلترا مع الدول اللی كانت تحت سيطرتها ومن ضمنها مصر والسودان والهند وغيرها وكانت سياسة الانجليز هو الجهل .. لازم يكون الشعب جاهل عشان ميبقاش فيه مقاومه وميطالبش بحقوقه وخلاهم مشغولين بحاجات تانيه زی لقمه العيش عشان يقدر يستعبده ويتحكم فيه كويس اوی والتعليم كمان كان خاص للطبقه الراقيه واولادها اللی معاهم فلوس وبس بمعنی اصح كان التعليم عن طريق عن طريق التلقين مش البحث وعن طريق التعليم كانو بيعلموهم العادات الغربيه اللی مختلفه تماما عن عاداتنا ودينا طبعا وبكده ابتعدنا عن القراءه وبقينا فی ذيل الامم لازم نقرا ونبحث ونعلم اولادنا ان القراءة هی او خطوه فی طريقنا للحضاره لان اول حاجه نزلت علی حبيبنا المصطفی مش اكتب لا اقرأ ليه وصلنا نفسنا للمرحله دی من الجهل والتخلف رغم ان الاحتلال انتهی وعندنا فرص اننا ننهی الجهل والتخلف من حياتنا ومجتمعاتنا ... ياتری التطور والتكنولوجيا والانترنت يعتبرو جزء من المشكله وله جزء من الحل من وجهه نظركم ؟ ياتری دة سبب فی تاخرنا عن باقی الدول ؟

[ساحر الأحزان]

هو واقع قمر

محتاج تغير ودة نتيجة تراكمات السنين نتيجة نسبة الأمية العالية والأنغلاق ألى كنا فية

العملية مش سهلة محتاجة وقت كبير لأعادة البناء وبعد فترة النتايج حتظهر

البيت محتاج هيكلة كبيرة وأعادة وتحديث النظم بما يتوافق مع الرغبة والطلب

للبحث عن طرق المعرفة الهامة والمطلوبة

[همس الحنين]

الجهل يا قمر من رأى مش جهل تعلم وقرأه بس

الجهل جهل المعرفه وتتطوير النفس

انك تعيش زى ما انت الكون بيتغير وانت ثابت

الجهل انك متحاولش تجدد معلوماتك

وتفضل ثابت بعقلية الماضى

العلم مش بس ورقة وقلم

العلم اكلاعك على العالم وثقافاته

تقديرى لك ياقمر

[دفاتر القمر]

التعليم معتمد علي الحفظ
وبكده بننسي اللي اتعلمناه
حتي المكتبات في المدرسه مقفوله
ولا حد بيدخلها
طرح جميل
دمتي بهذا التميز

[سندس]

ظلام العقول و ضمحلال الافكار من اخطر المشاكل التى تواجه المجتمع
افة الشعوب النامية هى الجهل
فهو قادر وحده ان يدمر الدولة و يشيع فيها الفساد بل و ينهيها تماما
لذلك كل المجتمعات التى تقدمت بدات بترقية العلم
و بدات بتعليم شعبها تعليما راقي
يتناسب مع متطلبات العصر
مشكوووووورة قمر عالطرح المميز

[مُنـــــايا]

ضلام الفكر والعقل هو أكبر مشكله ممكن تقابلك
لان ممكن شخص مُتعلم وعلي قدر كافي من التعليم
ولكن لا يعي شيء عن الثقافه ..مجرد حفظ مش اكتر
والان المنظومه التعليميه تُعتمد علي الحفظ ليس إلا بمعني عايزين ربوت
أو أنساني ألي يخزن ويكرر فقط...
محتاجين إعادة بناء وتطوير لمنظومة التعليم وهيكلها...

موضوع قيم منك حبيبتي
لروحك السعاده

[♥SaRa]

الانسان بطبيعتة مفروض يكون فاهم مش حافظ دهـ المفروض
علشان يقدر يتعامل مع الحياهـ والتعليم للأسف أصبحوا مقوقعينة عـ
الحفظ تحففظ المعلومة وترصها غير كدهـ بعد الدراسة حد يسألكـ حاجة
بيحتار وبيكون لا فرق بينة وبين الجاهل وان التعليم يجب الا يتقتصر عـلي معرفة
القراهـ والكتابة فقط بل يجمع ما بينهم وبين الفهم وحسن التصرف وفهم منهج الحياهـ
تسلمِ حبيبتي عـ التوبيكـ
بالتوفيق .

[العاشق الذى لم يتب]

معاك حق
فيه عقول ضلمة ابدا
واللى يحيرك
ان اصحاب تلك العقول
يحملون شاهادات دراسية منها العالى كمان
لاتعمى الأبصار
لكن تعمى القلوب التى فى الصدور
شكرا لك
قمر
وطرح عظيم
والتوفيق فى المسابقة
مودتى