إنتــــــــي ماضــــــي

[شاعر الحب الحزين]

إنتــــــي ماضـــــي انتهـــى صعــب افتكـــره يــــــوم

إنتــــــي حلـــــم حلمتـه وعشتــه ف ساعــة نـــــوم

مــا تفكرينيــش ف أي ذكــــرى جميلـــــة

ومـا تسأليــش عــــن المحبوبـــة البديلــة

بديل حبك وحدتي وليالي الحزن الطويلــة

مــن كتـر مــا حبيتـك عاهـدت قلبـي مـا يحـب غيـرك يــــــوم

أيـــوة مـــش خاينـــة وعمــرك مــا خنتينــــي

بــس بـــرده مفيــش دليل يثبت إنك بتحبينـي

غيابـك عنـي خلانـــي أحــس إنــك بتكرهيني

دي الحقيقــة إنـك ماضـي ومقصـدش أبــدا أي عتــــــاب ولـــــــوم

أيـــوة ماضـــي ونسيتـــه وقفلـــت عليــــــه

مش باقي منه غير جــرح صعب حد يداويــه

وذكريات حزينة منـه تملي بتاخد القلب إليـه

أجيب حب منين لقلبك وقلبي اللي حبك ما نابه من حبك غير الهمــــوم

صدقينــي جوايــا جــراح صعــب غيــرك يشفيهـــا

وف قلبـي حكايــات صعـــب لغيــــرك يبـوح فيهـــا

لكـن رافــض يخرج جرحي وبوحي لوحدة هنت عليها

مش حكاية كرامة وكبرياء الحكاية إنتي لوحدك تعرفيها

الحكايــة إنــك بقيتــي ماضــي وكــــرت ورق فاضـي معدش ليـــه أي لـــزوم

صفحــة حــب قلبتهــا ونسيتهــا والصفحـة اللي بعدها كل جرح فيها كـــــوم

خلي جراحي جوايا مش هرجع لصفحة قريتها وطويتها من كتابي ف يــــــــوم


إنتـــــــــي ماضــــــــــــي



شـــــــــــــــــــــــــــــــــــــــــــــ . حـــــــــــــــــــــــــــــــــــــــــــــــ

[قلب وكلمات]

الراقي شاعر الحب الجميل

المتنوع في خاطره الشعري الرائع

أنتي ماضي

وقرار بكلمات تحمل الحزم والإصرار على طى

صفحة وعدم الرجوع رغم ما تحمل من حزن

لا يزال أثرها باقي بألم وذكرى تمر على الوجدان

القرار سليم صحيح ، فالحب له مقومات يجب مراعاتها

كلمات شجية في طياتها شموخ العاشق وكبريائة

كل التقدير لك أخي الحبيب خالد

خالص تحياتي

القيصــر

[شموع الروح]

بنطوي الصحف ونقول نسينا للي كان
وبنرفض نكلم في اي ذكريات وبنحى بس عن الجراح والآلام
بس الحقيقه هى اننا بنمثل ونكابر
وبنتناسي وبس

سلمك يداك شاعر
وبنتظار رقي قلمك دائما
تحياتى

[ايمان طلعت]

نقول نسينا وسنطوي الصفحات
لكن تبقي داخلنا الذكرى
والجرح يدمي
ولا بننسى

كلمات تحمل الكثير من الشموخ والكبرياء
والالم
حرفك رائع كما عودتنا
تحياتى

[مُنـــــايا]

الحب يُخادع أحلاماً
يمتص بعطش أياماً
ونسافر في تيه هواه
يُقلبنا ذات اليمين
وذات الشمال

هو النسيان يُشرق في أوهامنا ألماً فريداً ...نشتهيه ويهدّ أمانينا ....

أخي \ خالـــــد

صاحب التنوع المعتاد

تصوير بديع لأحاسيس تائهة....يصهرها جنون الرغبة..
تصل لحد رشو المشاعر ..بجمر النسيان ...
يسير الشاعر نحو مصير مُبهم فيحلق نحو النجوم..
رقصة سوريالية...رقصة يوحي فيها شموخ وكبرياء...
رائعة تلك الصور وجميلة من شاعر جميل
لروحك السعاده..

[A-rab3awya]

اعجبنى الحرف هنا يا سيدي



ابداع جديد من نوعه ولونه

وعزف مميز على وتر الكلمة

قلمك المميز

الذي اضاء سماء المنتدى



ارجوك كن دائما هنا لنسعد جميعا بحرفك

تحياتى وتقديري

وتقييم خمس نجوم فورااااااااااااااااااا

[دفاتر القمر]

عزف علي السطور
تناغم بالحروف
دمت بهذا التميز
نترقب المزيد
فلا تحرمنا من جديدك

[همس الحنين]

هكذا نمضى ويمضى هوانا

بعد الذى قد كان

من أمانى واحلاما كم رسمنا

وكم كنا بالامسِ عشاقا

فماضىٍ هو الان حبنا

ولكنه يبقى ذكرى تؤنس ذكرنا

الراقى

شاعر الحب الحزين

ابدعت بكلمات وطربنا على الحانك

احترامى

[سندس]

لما الحبيب يحس ان اللى بيحبها مش بتحبه بنفس الدرجة
بيقرر ينسحب من حياتها بهدوء من غير عتاب
و بتصبح من الماضى اللى صعب يتنسى
كلماتك حلوة اوى اخى خالد
يدوم التميز

[*قمر*]

الماضي مهما كان عدي وانتهي او بنوهم نفسنا انه انتهي بس هيفضل دايما جزء منا حتي لو بنخبي ونداري ونحاول ننساه بس هو السبب في وصولنا للحال اللي احنا فيه اوقات بيبقي لازم نطوي الصفحه بكل مافيها عشان نقدر نعيش ونكمل حياتنا والحب عمره ماكان انك تصون متخونش لا دة جزء صغير اوي من حاجات كتير احساس شعور احتواء حضور حاجات اكبر من انها تتوصف لما توصل ان الشخص اللي بتحبه يبقي سبب الم ووجع ووجودة زي عدمه يبقي الصفحه لازم تتقلب لازم تطويها قبل ماتنهيك وتطويك هي احساس صعب جدا ان اللي المفروض يخفف هو يبقي سبب الالم
كلماتك واحساسك رائع كالعاده
الله يعطيك العافيه