بيسألونــــــي عنهـــــــــا

[شاعر الحب الحزين]

بيسألونــي عـــن اللــي بحبهـــا هـــي تبقــى ميــــــن

سمر سحر بسمة نسمة دعاء وفاء تكونش البت نيرمين

يعــدوا اسمـاء بنـات حارتنــا كلهــم

لدرجة إنهم ساعات بيسيء فهمهم

وبيفتكروني بحب بنت من اللي تخصهم

اضحك واقول مش طبعي ولو بحب هقول يعني هخاف من مين

ولما يصروا إنهم يعرفوا اسم اللي بحبهــــا

اقول اسم ف خيالي واديهم عنوانها وسنهـا

ده يعمل عارفها وده يقول إنه كان ساكن جنبها

اللي ما يتكلمش يتكلم ويقول عارفها البت دي أمها كانت جارتنا من سنين

اضحـك ف ســري واعمــل متدايــق قدامهــــم

اقـوم امشـي عامــل زعــلان وابعــــد عنهــــــم

يندهونــي يرجعونــي يحاولوا يراضوني بكلامهم

مع إن البنت ما تخصنيش وده اسم قلته عشان اسكتهم ومعرفش هي ميــن

همــا تملــي بيشوفونــي لوحــدي رايــح جــــاي

يعنــي لــو بحـــب هفضــل عايــش وحــــدي إزاي ؟

ولا رقم بنت ف موبايلي ولا بسهر على عزف وتر وناي

افتكروا إنـــي بحــب ومـداري عنهــم هو اللـي يحب يقدر يخبي يا مجانيــــن !

اللــي بتسألونــي عنهــا أنــا نفســي مــش عارفهــا

هي مجرد قصيدة شعر معرفش منهــا غيـــر حروفهـا

اسئل عنها ياللي بتسئلني عنها وما تسألنيش عنها طول ما اسمي حزيـــن


بيسألونـــــــي عنهــــــــــــا



شــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــــ

[غالي الأثمان]

ويبقى بينهما الصراع ﻻ ينتهى
الحب اعمى يقوده الجنون
والعقل من ارزن ما يكون
يندفع القلب وراء الحب ساعيا
فيكون له العقل واعيا
يحاول اثتاؤه جاهدا
يحاول ابقاؤه ساكنا هادئا
لكن القلب ﻻ يستجب
ويندفع وراء عواطفه راكضا
فيلقى الجرح عاﻻلم عازما
فيعود القلب هائما حائرا
فيقف العقل هاتفا
فيصد القلب مكابرا
ولكنه يبكى نازفا
فيحن العقل مكفكفا
ويعكف لجرحه مداويا

شكرا لك على هذا الطرح كل الشكر
فدوما ما نتذوق الحزين من المواضيع
ودائما ما تشدنا قصص الألم والمعاناة
علنا منها نستخلص العبر
وربما بما نتعلمه نستطيع رسما لدروب الحياة
اشكرك من قلبي مع الامنيات لك دوما بالتوفيق والسداد

[A-rab3awya]

في غاية الروعة والجمال


زي مانت معودنا يا أستاذ خالد على جمال اشعارك



قصيدة في غاية الروعة والجمال عجبتني اوووي
تسلم ايديك
ومستنية كل جديد

[العاشق الذى لم يتب]

ألامات الحب مألمة
وأحزانه أكثرمن أفراحه
اسعدالله قلبك اخى
ورائعة ماسطرت يداك
تقبل تحياتى وودى

[يحيى الفضلي السودان]

سلم ما خط اليراع

دمت عزيز يا غالي

[حـيـــــآة ❤]

الله من زمان اووي مدخلتش وقريت اشعارك أ. خالد
واول مارجع الاقي الظمه والجمال ده
بجد ابدعت ي استاذنا
دمت طيب
تسلم ايدك

[مُنـــــايا]

دام حرفك الرائع أخي

ما أروعك وأنت تتغنى بالحروف والكلمات
دام نبض حرفك وقلمك
كن دائما ً بخير
لروحك السعاده

[SaMa.]

يسلام على الكلام حلو اوى ثانكس شاعر

[رآقيہ بأخلاقـى]

اللى بيحب بيبان عليه
مفيش حب بيدارى ولا بيستخبى
حتى لو هيبان فى عنيه
جميل اوى ما كتبت يا خالد
وده اللى متعوده اشوفه منك
بحييك على كتاباتك وكلماتك اللى دايماً بتسحرنى
دمت متألق ومبدع وعاشق للحب الجميل

[همس الحنين]

مش مهم الاسم ايه

المهم هى ايه

كيان وروح عايش فيك

ميهمش بقى اسمها ايه
كلمات خالد رائعه وبسيطه

يسلم قلمك