فقط منك الي من يهمه الامر ؟

[phalsteen]

كتير بنضحك علي نفسنا
وقت التعب ونقول ومين يهمه ؟
ومين يحس ؟

لهجه احباط
جايه من الوجع ؟

لان في الاغلب في اللي يهمه امرك
وخايف عليك ؟

لو مش ابنك وبنتك
او باباك وماماتك ؟

في حد من اهلك قريب اوي منك
خايف عليك


لو مش اختك واخوك
هتلاقي عندك صاحب وصديق في مكانه اخ
وربنا عوضك بيه


هو آه العلاقات انواع
داخلها كلها الحب

اللي يهمك اكيد بتحبه
اللي خايف عليك اكيد بيحبك
اللي سؤاله دايما بيحبك

مش كل الحب عاطفي بين اتنين
لان في حب ارقي واعظم

هو انت قولت كام مرة بحبك لحببتك او المدام ؟
ولا مليون مرة
دا لو كنت صادق في مرة فيهم

بس قولت لوالدك . لوالدتك . لابنك . لاخوك /اختك كــــــــام مرة ؟

مع احترامي للحبيب بكل درجاته بقي حبيب خطيب او حتي زوج
مين الاقرب ؟

العلاقات مش بالكلام

انت ممكن تحب لدرجه الجنون ومتنطقش
ودا اعظم انواع الحب
اللي يتحس ميتقلش

اصل الافعال اصدق بكتير اوي من الكلام

من يهمه امرك ؟

اكيد مش اللي بيقولك

بحبك وانت غالي عندي وانت اللي طلعت بيه من الدنيا

لا

اللي تحس بدمعه وقت ما تنزل دموع عينك
اللي تفكر فيه وقت مشاكلك
اللي تشوف من تصرفاته حنان زي حنان امك
وقسوة زي قسوة الاب كدة
في عز الغضب
ياخدك في حضنه
ويقولك يا بني انا خايف عليك

اللي ينصح ويرعي
يثق ويحب
يغير ويحافظ

يتـــــــــــقي ربنا فيك


هنــــــــــــــا رساله منك الي من يهمه امرك
قول اللي بالك
لو حتي مش عارفه
كفايه انك تحس ان في حد يهمه امرك


الي من يهمه امـــــــــري :

انتـــــــم الاقرب
ليس هناك حبا
كحبي لكم


ملكه جمال بنات مصر
سيدة مصر الاولي

[SaMa.]

كل الل قولتين ي سما ممكن يبقا ف شخص واحد بس يغنيك عن العالم كلو
ففرحك وحزنك تلاقيه جمبك موش مستنى تحكيلو
الل زى ده مستحيل نفكر نفرط فيه
حلو اوى موضوعك ثانكس

[شاعر الحب الحزين]

ليس سواك ربي أحدا يهمه أمري

ف تولـــى سبحانـك جميع أمـــري


موضوع جميل يا سما وفكرة جميلة

صدقيني ف الزمن ده متعرفيش مين اللي بيحب من اللي بيكره

متقدريش تميزي بينهم بيتشكلوا ويتلونوا على كل لون

ربنا يجمعنا باللي بنحبهم وبيحبونا على كل خير ان شاء الله

بحييكي على موضوعك الجميل سما

تسلمي ويسلم إحساسك

احترامي وتقديري

[*قمر*]

دايما مهما كانت حالتك مبسوط ولا زعلان غضبان ولا راضي تعبان ولا مرتاح هتلاقي شخص واحد بس بتتمني يكون معاك في كل وقت وكل مكان وفي اي ظروف وباي شكل لان وجوده بيريحك بيطمنك بيحسسك بالامان لو مضايق بيفرحك وله متعصب بيهديك تحس انه الدوا لكل حاجه ممكن تحصلك مس لازم يكون حبيب ممكن صديقتي او اختي او امي او ابويا كل واحد فيهم وليه مكانته اللي تختلف عن التاني وحب كل واحد فيهم يفرق عن التاني بس زي ماقولت فيه شخص واحد بتلاقيه بيجمع بين كل دول في نفس الوقت وبيعوضك عن الكل مش عشان بس بيفهمك لا عشان بيحس بيك من غير كلام بيفهمك من صوتك من عينيك وانك تلاقي حد يحس بيك دي حاجه نادره جدا ومستحيل تتعوض فلما نلاقيها لازم نتمسك بيها بس مين الشخص دة دي بقي بتختلف من واحد للتاني يارب يخليه لنا مهما كانت صفته ولا يحرمنا منه ابدا
تسلم ايديكي

[دفاتر القمر]

هو الحب ايه غير اهتمام
يتحس عن تقدير نلمسه
وده اعظم واجمل من اي حب عاطفي
لان ده لابيزول ولا بيحصل فيه فراق
ده حب باخلاص حب صادق لوجه الله
شكرا ليكي علي الطرح

[مُنـــــايا]

أشكر الله علي نعمته أن وهبني أعظم هبه

وهو توأم روحي ........ربي يحفظه ويحميه من كل شر وسوء

أنا الوحيد من أحببته وأحبك...
أنا الوحيد من استطاع يغزوك....
ويسرق العطر من بين اصابع يديك...انا الوحيد .....
عرف من أنت وكيف أنت....
نظم لك قصائد الشعر. ..
وذاب بك حتى انصهر....
أرخى شراع أحلامه طوفان بحرك....وعلى صدرك اندثر..

موضوع جميل سمسمه

لروحك السعاده

[الأميرة رودي]

الى من يهمهم أمــري
لآتتركوننى ..أخشى وجودى فى الحيــاه بدونكم
كلمـه حب بصدق تكفي
لآ أبالغ فى وصف محبتي لكم
ولآ أزايد على قلبي أمام المــاره
فقط بكل صدق أني فى الله أحبكم

[Words Whisper]

هو بصي
كلامك وجعني
بس كدا ..

تسلمي ..