حصريا ولاول مرة على اذاعة بنات مصر برنامج عالجنى شكرا مع الدكتووورة جيجى

[انا جيجي]

اقتباس المشاركة الأصلية كتبت بواسطة محمود أبوزيد رائع طرحك اختي الغالية بالتوفيق والي مزيد من التقدم بانتظار برنامجك بكل شوق احترامي ومودتي

يشرفنى وججودك فى العيادة يا محمود

[همس الحنين]

امشى يا بت هو اخرتنا نتعالج عندك كمان

لا يا حبيبتى ده تهور حقيقى

مجنونه يا قلبى من يومك

[العندليب الاسـمر]

طيب انا اول واحد هجري وامدد علي الشزلونج

البلد كلها عيانة يا ماما فانتي مش هتلاحقي اصلا

بالتوفيق جيجي وفي انتظار اول عيان

لما نشوف اخرتها مع الجنس الناعم

واحدة هتوفق الروس في الحلال

والتانية هتعالجهم بعد الصدمة الاولي

وشكلكم طابخينها سوا

[العاشق الذى لم يتب]

انت مخ يابنت ياجيجى
وماكترة من حلويات السيد البدوى
ساعات بتكون مرشوشة
مبيدات هلوسة
ربنايسترويجعل الشفا على ايدك
انااول واحدمريض

[شاعر واسير الحب]

ياساتر استر من دخول الاذاعه

يارب اشفي انت الشافي لا شفاء الا شفاك
لا تدخلنا العيادة كاحين ولا موفلزين ولا مصدعين ولا ... ولا .... واجعلنا سماعين للخير داعين لهم بالشفاء

موفقة في الاذاعه واتركيني في حالي شكرا
دمت بخير

[انا جيجي]

ورجعنالكم فى برنامج عالجنى شكرا مع ضيفة تميزت بالهدوء الشقاوة

مبدعة فى احساسها

رومانسية المشاعر

لقاءنا مع عسولتنا الجميلة

الميرة رووودى رحبو معايا باميرتنا الجميلة


بسعدنى انك تكونى اول ضيفة عندى فى البرنامج

ماشي ياحبيبتي وانا يشرفني



مودك عامل ايه حاليا؟؟


الحمد لله بخيـــر


واحساسك؟

نوعــا ما مستقر
مفيش احساس معين

؟

قولي صحيح ليه اسمك دا بالذات ف المنتدي ... هل ليه اي علاقه نفسيه ام....؟؟

لا مش له اى علاقه نفســيه
اسم رودي انا بحبه
وجيت اسجل بـ رودي لقيته موجود رحت ضيفت له الأميرة
واهو من يوميها حسيت انى ارتبطت بيه مش غيرته
انفع اأميرة بقا ولا ماانفعش


عمرك فكرت قبل كده انك تروح لدكتور نفسي ؟؟

أيوه فكـرت بس مش نفذت

نظرتك للمرضي النفسين؟؟

اممم عاديه
المرض النفسي زيه زي أي مرض
له اعراضه وله علآجه
المريض النفسي مش آفه فى المجتمع ولآ هو عار على صاحبه
لان اغلبنا اصلا مرضى نفسيين بس كل واحد بمشكله خاصه


اكتر وقت حسيت فيه بكلاااااكيع جواك؟؟

وقت معين كنت فى حيره جامده من امر ما
والحيره دي تعبتلي نفسيتي جداا لانها كانت نتاج زعل أقرب الناس ليا وهى مامتى الله يرحمها
بس ده كان زمان من حوالي 7 سنين
فحسيت ان جوايا كلاكيع وعقـد الدنيا وانا مش عارفه اتصرف ولا اخد قرار


حاسس نفسك عقد؟؟

لا مش عقد بس بيمر عليا وقت بكون مكتئبه زي اى حد يعني
وارد ده يحصل
فبحسني ف الوقت ده عـقد
انما عموما يعني انا مش عقد ولا حاجه بالعكس بحب اضحك واهزر
والآلش ده مااقولكيش.. بس انا معاكو هنا هاديه مش بألش على حد

ياتري ف عقد ف حياتك حاولت تتخلص منها ومقدرتش ؟؟

لا مفيش

اخبارك انت ونفسك ايه...اصحاب ولا ..؟؟

ممكن فى موقف معين احس اننا مش متفاهمين
بس كتير وغالبا بكون بحبني أوي واكون مرتبطه بيا أوي اوي





علاقتك بالناس ... تديها كام ف الميه؟؟

كنت اجتماعيه فى فترات دراستى ومابعد الجامعه مباشره بنسبه 85%
حاليا ممكن النسبه دي مش تتعدى الـ 40 %



تقول علي نفسك وحيد؟؟

لا ربنا يخليلي أسرتي اللى هم اغلى حاجه عندي
وأصدقائي ربنا مايحرمني منهم
فى فتره وفاه ماما حسيت ان الدنيا فاضيه ووحيده بمعنى الكلمه
بس بمرور الوقت وجودهم فرق معايا
ممكن اقول ان وجودهم كان علاج نفسي ليا فى الفتره دي


اكتر وقت حسيت فيه بالوحده؟؟

ذكرته فى السؤال السابق


واكتر وقت حسيت فيه بالوحده وانت وسط اقرب الناس ليك؟؟

مذكور برده

بترتاح لما تحكي مع حد وتفضفض كده ولااا...؟؟

مش اى حد بحكي وافضفض معاه احس انى مرتاحه..
ناس معينين بس

لازم اللي تحكي معاه لو بتحب انك تتكلم يكون قريب منك ومحل ثقه ولا اي حد..؟؟

مش أى حد أكيد

ف ناس كتير عندك بتثق فيهم ولا نادر..؟؟

لا نادر
فيه تجارب مريت بيها وأخرهم كانت تجربه من فتره قصبره
خلتنى افقد الثقه فى اى حد
بس البنى ادم بيرجع ويقول لسه الدنيا بخيــر لما يشوف ويتعامل مع قلوب طيبه

اوصف الثقه ف الزمن دا..؟؟

موجوده وكتيــر كمان
بس احنا اللى حظنا بيوقعنا مع اللى يشوهو شكل الزمن فى عنينا ويخلينا نتهم الزمن انه اتغير وبقى أقسى
احسن الاختيار انت ومش تقع مع معدومي الضمير


امتي تفقد الثقه ف نفسك؟؟

فقدتها من كام سنه فى نتيجه الثاويه العامه لما مش دخلت الكليه اللى كنت عاوزاها
بس بعد الموقف ده تفوقت فى كليتي و قدرت اتخطى المرحله دي
و الحمد لله ولا مره فقدت الثقه فى نفسي بعدها

وامتى فقدتى الثقه فى حد قريب منك؟؟

مفيش حد قريب مني فقدت الثقه فيه
اللى فقدت الثقه فيهم مكنوش قريبين مني أد كده..
كانت معرفه عابره.. مش لحقو يكونو اصدقاءي


دموعك اخبارها ايه....صعب حد يشوفها ولا..؟؟

انتى عارفه
دموعي دي كانت مستحيل حد يشوفها
حتى أهلى فى البيت كانو صعب يشوفوها
كان عندي كبرياء وعزه نفس يكفـو شعب كامل
التماسك والعزه بشكل رهيب كانو موجودين
وطبعا انتى هتفهمي من كلمه (كان) دي انى بقيت العكس
وفعلا دي الحقيقه
حالي اتغير كتير
ببساطه انا اتغيرت بعد فقدان أمي
بقيت حساسه أوي ودموعى بتغلبني
من الاخر بقيت بعيوطه خالص

مين مسموح ليه ف حياتك انه يشوف دموعك..؟؟

الشعوب المجاوره كلها ممكن تشوف دموعي فى اى وقت ياجيجي


في غيرك بيمسحهالك..؟؟

اه ربنا يخليلي اللى بيمسحو دموعي وقت ضيقي

لو تتمني حد يمسحها يكون مين؟؟

مش هقول


امممممممم
حسيت قبل كده ان قلبك بيبكي ..؟؟

أكـــيد



هههههههههههههه متقلين عليك احنا صح؟؟

جدااااا بقيتو رخمين

اخباااااااااااااارك ايه حاليا بقي؟؟

طلعتى من جوايا حاجات كتير
انا كنت بكتب ومش فى دماغى ان ده برنامج ولا حد هيقرأ الكلام بجد
وسيبت نفسي للفضفضه الجميله دي


يارب يكونو عاجبينك رودى

عجبوني طبعا وأٍسئلتك حلــوه ومتنوعه
والجانب النفسي حلو أكتر

شكرا لدعوتى جيجي
ربنا يوفقك فى كل حياتك وتحققي كل ماتتمنيه♥♥

================