وهزعل ليه

[™Amiliya]

مساء الخير ع عيونكم

المنتديات الغريب القريب بسميها لانها بتقرب وتغرب فيك
ممكن تكون في المنتدى بين الاعضاء قريب اوي من قلبهم من قلمهم من انفسهم
وممكن تكون غريب بينهم حتى لو كلهم يعرفوك
ودا احساس ناس كتير بينا متعرفش السبب فين هو التواصل او قلته هل هيفيد
ولا هيجيب مشاكل

ناس قربت من ناس ومع الوقت القلوب شالت ع بعض وبدا الحقد والحسد يظهر والغيرة
ومش بس نكتفي بكدا لا وبيدخل الموضوع في تشويه سمعة الاخرين وتلفيق التهم
حتى يوصل احد الاطراف انو يمشي خالص وميجرعش تاني حتى الي بيحبوهم
مسالش فيهم المهم انو يخرج من الدايرة دي خالص الي اتخنق جواها

وناس حافظت ع علاقتها بيك وخرجت العلاقة برا الشاشة وبقو اكتر من اصحاب واخوات لان القلوب البيضا مش محتاجة غير وقت وتثبت النوايا

ومع الاسف كل حاجة بتحصل بين الاعضاء معرفش ليه نحط موضوع خروجي من المنتدى هو الحل
قصة حب تفشل يبقى نمشي من المنتدى عشان فيه فلان او فلانة او عشان الكل كان عارف القصة وهو او هي مكسوفين يقعدو

قصة صداقة فشلت نروح نمشي خلاف مع الادارة نمشي خلاف مع زميلي في القسم نمشي خلاف ع راي مش متحمل الاختلاف اقوم امشيوهكذا

دا غير الاعضاء الي مش طيقاك اصلا ونفسها تغور من وشها لا هي تعرفك ولا ادت نفسها تتعرف عليك او تفهم اسلوبك بطريقة تانية

هو ايه دا بالظبط مش فاهمة فعلا

هل كل الي بندرسو عن الاخلاق والتربية والتنمية البشرية مجرد كلام
وعند التنفيذ صفر
طب ليه مبقاش بني ادم طبيعي واتعامل بطبيعتي لا اقرب اوي ولا ابعد اوي
خليني وسط عشان تكون لا محبوب ولا منبوذ تكون مقروء ومردود عليك

ليه ازعل واشيل في نفسي مدام انا بعيد يبقى عادي كلو بيعدي
بس بنتخنق ومع الاسف الخنقة دي بتكون اول سلمة الرحيل من المكان

مش عارفة اكتب نصيحة لحد ولا حتى ليا لان عارفة ان مهما اتكلمنا
كلو ضايع

/

اسفة ع الفضفضة النكدية دي بس بجد مدايقة

[۩۩ elMagic ۩۩]

هو المفروض الامور بتكون ابسط من كده
لكن المشكله لما بتلاقي تحجيم مش طبيعي لامور مش تستاهل تتحجم
اكيد كل شخص بيبقاله اسلوبه الخاص
بس لازم يكون فيه وعي وادراك لطبيعة المكان اللى انت فيه
وانه ميستاهلش انك تحجم اى امور فيه
في الاول والاخر كل شخص بيتسلى وبيضيع جزء من وقته في مواقع اجتماعيه وترفيهيه
المفروض بيستفيد منها وبيفيد فيها غيره لا شئ اخر

[شاعر الحب الحزين]

مين اللي مدايق كاتبتنا الكبير بقى

اللي تقوليه يتنفذ بالحرف طبعا ولا تزعلي ايميليا

فعلا مش لازم ندقق ف كل حاجة

لو زعلنا من حد مش مبرر اننا نبعد ونسيب المنتدى

المنتدى فيه كتير وانتا هنا مش عشان شخص معين

انتا هنا وسط اهلك واخواتك واصحابك ولازم تتعود على كده

يمكن الخمول ف المنتدى هو اللي بيدايق بس لكل غايب ظروفه وحجته

هنقول ايه ربنا المستعان ربنا يجمع بيننا ف كل خير يارب

تسلمي ايميليا موضوعك شدني لإن كتير مننا بيعمل كده

بس بإذن الله موضوعك وكلامك يتم العمل بيه وربنا يصلح حالنا جميعا

يدوم وجودك الجميل يا أمل

احترامي وتقديري

[اوتار الليل]

موضوع رائع وهادف فعلا
ربما أحيانا نصادف فعلا إجحاف يدمرنا
وأرواح نحترمها ولكن نجدها تتجاهلنا بدون داعى
وربما صادفت الكثير هنا من المضايقات
لكن كنت أحاول أبتعد فترة ثم أعود
لكن لم أفكر في الإبتعاد وترك المنتدى
تحية تقدير لموضوعكم ولقلمكم ولشخصكم الراقى

[احساسى صحيح]

فعلا عندك حق ايمليا هو ده اللى بيحصل
بس فعلا فى اوقات تتعرضى فيها لمضايقات لا تحتمل
وكمان تلقيح فيكى ومن كثرة ردك عليه بقيتى انتى المتهمه
رغم ان ممكن شخص انتا صاحبه وكويس معاه جدا
فجأه بدون سبب ينقلب عليكى ويكتب فيكى هجاء بدون مبرر واحد
حتى تفضل تسالى نفسك هو انا عملتله ايه مشت لاقى اى سبب
فبتشعرى بالخنقه والاستغراب واوقات بيكون الحل الابتعاد المؤقت
علشان نفسيتك تكون مؤهله للتعامل مع الناس مره تانيه وممكن تقدرى وممكن لا
انا تقريبا اتكلمت فى الموضوع ده قبل كده كتير
الحب والكره هى صفات بشريه .. وانا ممكن اصفى وافكر كتير
وبعد ما اهدى بتتكون جوايا فكره كامله ان ده وضع مش بايدى اغيره لكن ممكن انى اتجنبه لو حابب انى استمر,, هى المشكله فى الناس اللى بتترصد لك وتكتب فيك وتلقح عليكى
وبدون حتى ما يكون فيه تعامل معاهم
والنوعيه دى موجوده بكثره بسبب الغيره ,, والغيره حاله طبيعيه بس لو وصلت لاذية الاخر
هى دى المشكله الحاصله فى معظم المنتديات وهى السبب فى فشل اغلبية المنتديات

وشكرا انك اتحتى ليا انى افضفض
تحياتى

[انا جيجي]

اقتباس المشاركة الأصلية كتبت بواسطة ايميليا مساء الخير ع عيونكم المنتديات الغريب القريب بسميها لانها بتقرب وتغرب فيك ممكن تكون في المنتدى بين الاعضاء قريب اوي من قلبهم من قلمهم من انفسهم وممكن تكون غريب بينهم حتى لو كلهم يعرفوك ودا احساس ناس كتير بينا متعرفش السبب فين هو التواصل او قلته هل هيفيد ولا هيجيب مشاكل ناس قربت من ناس ومع الوقت القلوب شالت ع بعض وبدا الحقد والحسد يظهر والغيرة ومش بس نكتفي بكدا لا وبيدخل الموضوع في تشويه سمعة الاخرين وتلفيق التهم حتى يوصل احد الاطراف انو يمشي خالص وميجرعش تاني حتى الي بيحبوهم مسالش فيهم المهم انو يخرج من الدايرة دي خالص الي اتخنق جواها وناس حافظت ع علاقتها بيك وخرجت العلاقة برا الشاشة وبقو اكتر من اصحاب واخوات لان القلوب البيضا مش محتاجة غير وقت وتثبت النوايا ومع الاسف كل حاجة بتحصل بين الاعضاء معرفش ليه نحط موضوع خروجي من المنتدى هو الحل قصة حب تفشل يبقى نمشي من المنتدى عشان فيه فلان او فلانة او عشان الكل كان عارف القصة وهو او هي مكسوفين يقعدو قصة صداقة فشلت نروح نمشي خلاف مع الادارة نمشي خلاف مع زميلي في القسم نمشي خلاف ع راي مش متحمل الاختلاف اقوم امشيوهكذا دا غير الاعضاء الي مش طيقاك اصلا ونفسها تغور من وشها لا هي تعرفك ولا ادت نفسها تتعرف عليك او تفهم اسلوبك بطريقة تانية هو ايه دا بالظبط مش فاهمة فعلا هل كل الي بندرسو عن الاخلاق والتربية والتنمية البشرية مجرد كلام وعند التنفيذ صفر طب ليه مبقاش بني ادم طبيعي واتعامل بطبيعتي لا اقرب اوي ولا ابعد اوي خليني وسط عشان تكون لا محبوب ولا منبوذ تكون مقروء ومردود عليك ليه ازعل واشيل في نفسي مدام انا بعيد يبقى عادي كلو بيعدي بس بنتخنق ومع الاسف الخنقة دي بتكون اول سلمة الرحيل من المكان مش عارفة اكتب نصيحة لحد ولا حتى ليا لان عارفة ان مهما اتكلمنا كلو ضايع / اسفة ع الفضفضة النكدية دي بس بجد مدايقة

والله عندك حق يا ايمى

وهو ده المعنى الحقيقى للصداقة عبر المنتديات

[ساحر الأحزان]

أحنا أشخاص خلف شاشات ايمى

مش فى شركة كل واحد بيبص أنة ياخد أكبر قدر من الحوافز

أحنا ألى بيجمعنا هنا هو المعلومة والكلمة الطيبة

لأن حيجى علينا يوم ونكون مجرد

ذكرى

فلية مش نستغل التعارف دة فى شىء يقربنا من بعض ونكون ذكرى حلوة

هى الى حتفضل بدل الشيل من بعض

بسبب شىء اتفه ما يكون

[دفاتر القمر]

انا مع انه يبعد فتره لو ده هيريح
اعصابه وبعد كده يرجع
لكن مش يسيب المكان خالص
واللي يكلم يكلم ربنا اللي بيحاسب
ولو احنا عملنا لكلام الناس
فالناس مش بتسيب حد في حاله
شكرا علي الفضفضه
بانتظار الجديد
دمتي بخير

[العاشق الذى لم يتب]

فضفضة فى نقاش جميل الموضوع ايمى
ذكرت نقاط مهمة
ورود الاحبة بعدك اكملت المطلوب
وفعلا كتيرمن اللى انت قوتيه
كان سبب فى ترك كتيرمن الاعضاء المنتدى
وانا اقصد منتدى بنات مصرعلشان احنافيه
وعن نفسى اعرف اتنين كانو من انشط الاعضاءهنا
وكل الاقسام والادارة والاعضاءبعرفوهم كويس
ونشاطهم
أظنك فاكرة اسيل الفلسطينية
وكانت عضوة اخرى تركت المنتدى ولم اذكراسمها
بنفس الاسباب
انهم بعض الاعضاءشتمتهم واهجوهم واتهمومهم
واتحملوولكن للطاقة حدود
ليه مانكونش هنااسرة وحدة متحابين مافيش مانع نزعل
بس تعالى عاتبنى واعاتبك
تعالى نعرف ايه وجهة الاختلاف
وزى ماقال امجد
مكان هنكون فيه بعدكده مجرد ذكرى
شكراايمى
تحياتى

[™Amiliya]

اقتباس المشاركة الأصلية كتبت بواسطة ۩۩ elmagic ۩۩ هو المفروض الامور بتكون ابسط من كده لكن المشكله لما بتلاقي تحجيم مش طبيعي لامور مش تستاهل تتحجم اكيد كل شخص بيبقاله اسلوبه الخاص بس لازم يكون فيه وعي وادراك لطبيعة المكان اللى انت فيه وانه ميستاهلش انك تحجم اى امور فيه في الاول والاخر كل شخص بيتسلى وبيضيع جزء من وقته في مواقع اجتماعيه وترفيهيه المفروض بيستفيد منها وبيفيد فيها غيره لا شئ اخر

فعلا ناس بتكبر المواضيع ع الاشي وكل مافي الامر احنا في مكان
استفادة وترفيه
بس مع الاسف يااحمد لا حياة لن تنادي

نورتني برايك المميز يااحمد