حبيبتي سيئه السمعه

[phalsteen]

مساء الخير

لو سألت شاب عن فتاه احلامه هيقولك كألاتي

تحافظ عليا وعلي اسمي
تتقي ربنا في اهلي
محترمه
وعارفه ربنا كويس
وانه في الاول والاخر ميهموش غير اخلاقها
تبقي ام لاولادي

انا معاك ان كل دا لازم وضروري ومهم

بس بينك وبين نفسك
في مواصفات مبتقولهاش بس مبتتخلاش عنها

يعني بتكدب لو قولت شكلها ميفرقش
لان دا اول حاجة بتلفت نظرك

مع اني من الناس اللي بتفرق ما بين لفت النظر والاعجاب والحب

انت لو لفتت نظرك رقاصه
هتروح تتجوزها؟؟؟

حتي لو اتجوزتها
هيبقي سر
وفي الاخر هتقول نزوة

يعني من الاخر ارضاء شهوه
لا اكتر ولا اقل
مجرد حاجة حلوة عجبتك
حبيت تتمتلكها

نظريه

طب دا حال معظم الرجاله

مشكله النهاردة اللي هعرضها علي سيادتكم
مختلفه تماما

كنا بناقش حكايه

بحبها اه
اتجوزها لا

بدال صاحبتني يبقي مصاحبه كتير غيري

طب لو هو عارف ان سمعتها مش تمام
وعارف ان اخلاقها مش ولا بد
واهله معارضين

بس هو متمسك
وبيقول يمكن حبها ليا يغيرها
واكسب ثواب هدايتها
منا واثق في حبي ليها

بس المشكله اني خايف من النهاية
وخايف من مواجهه وعتاب اهلي وصحابي

غريبة صح ؟

مش بس لا الناس تنسي اي حاجة الا سيرة الناس
لا كمان الماضي جزء من الحاضر
اساس مبيتهدمش الا بهدم المبني كامل

هيعرف يكمل حياته مع واحدة سيئه السمعه
الحب هنا من اي نوع
مهو انت لما بتحب بتحب الاخلاق والشخصيه
مش مجرد حب وخلاص

هيبقي في ثقه ؟

اليكم المشكله ؟

[انا جيجي]

هى دى المشكلة الصراحة بين الواحد ونفسه يعنى لو المعدول ده كان بيكلم100يرضا ان اخته تكلم 100برده طبعا لا
حاجة تانية

الى بيعلق بنت سنيييييييييين ويقولها فى الاخر باى باى هو يرضا على اخته يحصل معاها كده

[Words Whisper]

تعرفي
فرق بين لفت النظر و تحوله لــ حب
بس واقعيا عند الرجل كتير بيعتبرهم واحد
وعشان نكون بردو واقعيين
فعشان شخص يبني بيت مش هيبنيه لمجرد شكل حلو وهو شايفها سيئة السمعة
ولو عمل كدا يبئا يشرب بئا
وبردو عشان نكون واقعيين
حاليا مش معظم الشباب بيفكروا انه اللي بتحبه سيئة
بالعكس حاليا فيه شباب كتير بيقدروا الحب وهما نفسهم بيكونوا عايزين يبنوا حياتهم عليه
وفيه بوينت كمان
الشباب مش بيشوفوا ان البنت اللي بتدخل حب سيئة
على قدر علمهم ان هما اللي سيئين وبيستخدموا الحب لأغراض دنيئة
يعني هو لما يحب مش بيلعب هيقول انه دي علاقة نظيفة وانها محترمة وعايز يكمل معاها
وفي ذات الوقت لو أخته بتحب هيقلب الدنيا لأنه خايف من نوايا الشباب اللي هو واحد منهم ..


تسلمي ..

[Lamees]

في فرق بين واحدة سيئة السمعة وتستحق ده
وبين واحدة سيئة السمعة مع ظلم مجتمعها
مش يمكن اللي حبها ده يكون شايف فيها حاجة كويسة
غير المجتمع مش يمكن يتمسك بالخير اللي جواها
وينميه ويتجوزها ويكسب فيها ثواب الهداية
موضوع أخلاص الزوجة ده أمر نسبي وليس له
قواعد ثابته لنسير عليها
هناك من تكون بنت عيلةوحسنة السمعة في المجتمع
ولا يعلم سرها الا الله
هناك خفايا نحن لا نعرفها دائماً سما
وربنا وحده علام الغيوب
وربنا يهدي الجميع

[™Amiliya]

بصي من الاخر كدا الرجالة اصلا متناقضيين لا عارفين عايزين ايه ولا مش عايزين ايه
بس اسطوانة بحبك دي بتشتغل وخلاص ولو حلوة تلاقيه شوية يسجدلها استغفر الله
ولا هيهمو سمعة ولا غيرو
والامثال بنسمعها كتير
في رجالة محترمة الي جواها زي براها ودي حاجة كويسة بس بردو الرجالة نظرهم هو خيالهم
فقيسي بقا ع الخيال الي عايشينو