انقلاب على الانقلاب وعزل العندليب الاسمر

[هادية]

احم احم احم

يااااااااشعبي العزيز الصبور المهاود

طبعا انتوا سمعتوا كلام زميلي قائد الانقلاب العندليب الاسمر وعرفتوا بكل اللى حصل فى البلاد

وسمعتوا قراراته العالية حفظه الله فيما يخص المنتدى والبلاد

وشوفتوا التعيينات الجديدة ومهام كل واحد اتعين وشوفتوا كمان طلبات العندليب

هارش؟؟؟ قولوا هااااااااااااارش

اسمع بقي ياحبيبي انت وهو

بما انى شريكة له فى الانقلاب وبما إني من بنات حواء اللى ربنا قال علينا ان كيدنا عظيم

يبقي من النهاردة مفيش حكومة,, انا الحكومة



وقد قرت ماهو أت.. حلوة ماهو آٍتٍ دي

اولا إلغاء كل ماجاء في بيان العندليب الاسمر بخصوص صلاحياته وطلباته خصوصا تليفون مدام هيفاء وهبي




ثانيا الموافقة فقط على تعييناته للناس لانى مش فاضية اعين دلوقتى عشان دماغي فيها حاجات تانية

ثالثا إلقاء العندليب في معتقل المغول مع حسن الهلالي عشان يونسه ويقعدوا يقولوا في اشعار سوا للصبح



رابعا القاء جميع رجال الشعب في المعتقل معاهم عشان يتعذبوا بأشعارهم هم الاتنين



خامسا اللي يعلن توبته من الرجال ويطلب الرحمة يخرج فورا من المعتقل

وييجي بقي عشان يخدم هنا في مملكة البنات اللى حنعلنها بعد سجن جميع الرجال والشباب

وحتكون مهمتهم في المنتدى تنزيل الموضوعات اللى بتمدح فى البنات والرد على جميع الموضوعات اللى البنات تنزلها

وممنوع نقد اى موضوع لاى بنت ويسمح فقط بالمدح الذي يتراوح بين المدح البسيط مرورا بالمتوسط ووصولا للنفاق

اعتقد مفيش سقف حريات اعلى من كده ؟؟

وليهم مهمة تانية فى البلاد بما ان الانقلاب كان فى المنتدى والبلد نفسها

اولا حيشتغلوا من طلعة الشمس وحتى غروبها لتحقيق رفاهية البنات

يعنى بداية من تنضيف الشوارع ومرورا بفتح المحلات والمطاعم وانتهاء بالعمل فى البورصة والبنوك وكافة اعمال رجال الاعمال اللى معرفش ايه هي لحد دلوقتى

المهم ان الرجالة تتطحن فى الشغل عشان البنات تتدلع وتعمل شوبنج وتقضي الصيف في مارينا والشتا فى شرم




ماقولتش بقي باريس ولا امريكا ولا تركيا ولا حتى دبي.. اظن مفيش عدل اكتر من كده

والله الموفق والمستعان

تصفيق حاااااااااااد وهتاف منقطع النظير

عاشت جمهورية هادية الديموقراطية الشعبية البنوتية المهلبية

[phalsteen]

ايه كدة
بيقولك رئيسا طرطوريا للبلاد
اشوفك محبوس في توبيك يا عندليب
ايوة كدة يا هادية بئه
عاشت جمهورية هادية البنوتيه

[ساحر الأحزان]

وأنا الى بقول عليكى هادية

طلعتى مية من تحت تبن

ومفيش عليكى أى هدوء خالص

فرمان أدارى


اغلاق جميع المنشأت التجارية

والسكنية وممنوع خروج أى مواطن

لمدة
اسبوع

[العاشق الذى لم يتب]

جمهورية هادية العفروتيه
صراحة احدث واجمل اسم دولة
وقررات مافيش اجمل من كده
وخاصة القرار ده
مرورا بالمتوسط ووصولا للنفاق

يسلام على كده
القرارالوحيد اللى هيتنفذ بدون احتجاج
والله منورة عندنا اوى
واناعازمك اناونفرتيتى على خمسة كيلوخزعبلات مشفى
نايس خزعبلاية

[هادية]

اقتباس المشاركة الأصلية كتبت بواسطة nefertiti ايه كدة بيقولك رئيسا طرطوريا للبلاد اشوفك محبوس في توبيك يا عندليب ايوة كدة يا هادية بئه عاشت جمهورية هادية البنوتيه

تسلمي يا قمر

وعاشت نفرتيتي مشرفة الخزعبلات

ومكلة جمال المنتدى

[هادية]

اقتباس المشاركة الأصلية كتبت بواسطة ساحر الأحزان وأنا الى بقول عليكى هادية طلعتى مية من تحت تبن ومفيش عليكى أى هدوء خالص فرمان أدارى اغلاق جميع المنشأت التجارية والسكنية وممنوع خروج أى مواطن لمدة اسبوع

فرمان همايوني ديكتاتورى

بقطع رأس ساحر الاحزان وتعليقها على باب زويلة

لتطاوله على الذات العليا

يلا بقي عشان نخلص خالص:d

[هادية]

اقتباس المشاركة الأصلية كتبت بواسطة العاشق الذى لم يتب جمهورية هادية العفروتيه صراحة احدث واجمل اسم دولة وقررات مافيش اجمل من كده وخاصة القرار ده مرورا بالمتوسط ووصولا للنفاق يسلام على كده القرارالوحيد اللى هيتنفذ بدون احتجاج والله منورة عندنا اوى واناعازمك اناونفرتيتى على خمسة كيلوخزعبلات مشفى نايس خزعبلاية

يدوم الكرم الصعيدي يارفعت

بس متنساش الطحينة والسلاطة الخضرة

[عذب المعانى]

ههههههههههههه

انقلاب السحر على الساحر

ماشاء الله الانقلاب وصل حتى المنتدى

هيكون عصيان مدنى خلى الادارة تصرف مرتبات الاعضاء من البنك المركزى


لانى عود القصب فى الصعيد وصل عشرة جنية هههه

توبك جميل جداا اختى هادية

انتى مش هادية انتى عاصفة الجزم بمنتدى بنات مصر

انتظر ابدعاتك الجميلة

[هادية]

اقتباس المشاركة الأصلية كتبت بواسطة احب موت ههههههههههههه انقلاب السحر على الساحر ماشاء الله الانقلاب وصل حتى المنتدى هيكون عصيان مدنى خلى الادارة تصرف مرتبات الاعضاء من البنك المركزى لانى عود القصب فى الصعيد وصل عشرة جنية هههه توبك جميل جداا اختى هادية انتى مش هادية انتى عاصفة الجزم بمنتدى بنات مصر انتظر ابدعاتك الجميلة

هههههههههههههههه

نورتنا يافندم

ومرحبا بيك فى جمهوريتنا الشعبية الديموقراطية

[عذب المعانى]

اقتباس المشاركة الأصلية كتبت بواسطة هادية هههههههههههههههه نورتنا يافندم ومرحبا بيك فى جمهوريتنا الشعبية الديموقراطية

لالالالالالالالالا تقولى يا فندم

هاى الكلمة تعمل حساسية فى الجامعات والشوارع