محتاجة حد يسمعنى ..

السلام عليكم ورحمة الله وبركاته

المشكلة دى هتغير حياتى يا اسود يا ابيض
فا ياريت لى ينصح ينصح بضمير ..


انا عروسة بقالى شهرين .. والجواز كان عادى مش على حب
هو نصيب وجواز صالونات
فى فى عائلتى كان شايف ان شاب مناسب وفى كان رافض
ومن الرفضين كان اخوية الصغير
بس لما لقانى يعنى انشديت لى الشاب وكدة قال يمكن تبقة سعيدة
وبعد خطوبة سنة شوية مشاكل وشوية عادى

تم الجواز ومن شهرين وانا فى نكد تام
يعنى من الصبحية واهل العريس بيجو يباركة
وكمان مامتة مش بتسيبة بدئت تيجى تتغدى وتقضى اليوم معاية طوووووول النهار وابنها فى الشغل عشان متسبنيش لوحدى
فضلت على الحال دة لمدة شهر
وبعدين حماية قال هى لى تيجى بقة خلاص عدى شهر على جوزهم
عيزة اقولكم الشهر دة اتخيلو جوزى الصبح الساعة 8 راح الشغل
ومامتة تيجى نايمة طول النهار وانا فى البيت بعمل غدى
وعصير ليها وبروق وبذاكر لى اخوة الصغير
وبيجى جوزى الساعة 7 بيروح يوصل مانتة
بيجى هو فاصل اصلا وانا معييش روح اتكلام لان طول النهار وقفة على رجلى

دخالنا بقة فى الشهر التانى
حماية قرار ان انا اجى فى ايد جوزى الصبح يسبنى فى بيت مامتة
ونروح بالليل شقتنا
والمسافة بين البيتين بعييييد
المهم وافقت وقالت مش مشكلة اهو نتمشى سوى
كل يوم اصحى الساعة 6 الصبح اوصل هناك هو يروح الشغل وانا
كنيس وتنفيض و طبيخ شغالة من الصبح لحد لما جوزى يجى بالليل
والكارسة بقة مش بيجى ونروح بتنا لا عيزنا كمان نبات عندهم
هتروحو بتكم تعملو اية دى مسافة الليل نامو هنا
جوزى من النوع لى بيحب اهلو ومامتة ومش بيرفض ليهم طلب

طبعا مرة اوفق ومرة يحصل مشكلة وبدء النكد بستمرار
يالة نروح انا مش برتاح فى النومة هنا
يبنى انا عروسة مفرحتش من ساعة متجوزت
انا تعبت من النظام دة
غير ان كمان بقيت حامل وصحتى مبقتش قدرة ولا اروح ولا اجى
ولا ان اباعت عند حد

المهم من اسبوع حصلت خناقة عشان كانت عيزة اريح يوم فى شقتى
حماية قال طيب مش هى حامل ومش هتقدر تروح وتيجى
طيب نروح ناخد الاوضة الاضافى انا ومامتك ونام فيها واخوك
الصغير ينام فى الانترية عشان منسبهاش لوحدها

انا بقة جالى انهيار عصبى وعياط
يعنى هو يا اسكن معاكم يا تيجو تسكنو معاية
انا مش متجوزة على الاساس دة
وجوزى مش بيتكلام ولا بيتنفس

اهلى جو اخدونى لان حماية اتصل با بابا قالو بنتك
مش عرفين اية فدمغها
وبتقول عيزة تحس بستقرار استقرار اية لى عيزة
وقعدو بقة بتلككو
رحت قالتلهم ماشى انا همشى مع بابا ولو منعتنونى هقطع شريين ايدى
وريحكم

راحو سيبينى اروح
ومن اسبوع ولا حد سئل علية ولا حتى جوزى اطمن مراتة عندها انهيار عصبى وحامل ولا سئل ولا اى حاجة

انا كدة غلطانة ان بطلب استقرار

اكلمو انا اسئل علية ولا اصبر لما اشوف هيعمل اية ؟

تفتكرو انا كدة خربت على نفسى

بس والله حماتى وحماية قرفنى طول شهرين ونص جواز قرف ونكد

مستناية اعرف رئيكم

[۩۩ elMagic ۩۩]

والدك ربنا يخليهولك طالما موجود
يبقى دورك تقنعيه الاول بمفهومك للإستقرار اللى انتي عايزاه
وبعدها هو يتكلم مع والد العريس ويغيرله تفكيره والكلام نفسه مع الوالده وحماتك
وانا شخصياً مبحبش الخنقة دي فا مستغرب من موقف العريس من نحية تانية
عموما ربنا يصلحلك كل أمورك وان شاء الله تقومي بالسلامه
المهم انتي مش تتهوري وحافظي على نفسك علشان ربنا ونفسك واللى في بطنك قبل اى حاجه

[احلي الناس]

الاول الله يكون بعونك وربنا يقومك بالسلامة. .اساس الجواز الاستقرار والاهم من الحب الاحترام ومراعات شعور كل طرف للاخر..من راى طالما والدك موجود ماترجعى ع البيت ال ع اساس انك تكونى بشقتك لحالك ويكون شرطك انك تكون ليكى حياة مستقله عن اهل جوزك ..ال فهمته من كلامك ان جوزك اهله مسيطرين عليه وماله قرار من راسه مش عايزه اقلك شخصيته ضعيفه ..بس اغلب مشاكل الزوجين بتكون من تدخل الاهل ..انتى اهتمى بصحتك وبنفسك عشان الطفل ال ببطنك ..وجوزك اذابيحبك وشاريكى فعلا مش هايتركك وهايشعر بغيابك ..انتى مابتطلبى شىء مش من حقك او شىء جديد ...اسفه ع طول التعليق ..وبتمنالك حياة سعيدة ومستقره ان شاء الله.

[حـ,ـكـ,ـآيـ,ـهـ,ـ ۅطـ,ـنـ,ـ]

وعليكم السلام

اولا مبارك الحمل وهاد مفتاح سعادتك

طولي بالك انتي بس بكرا مع اول صحن شوربه بالسجاده عندهم

او شرط كنبه

او خربشه بالحيط

بيقولولك هما لوحدهم روحي انتي والعيال

لانو محدش بيستحمل معاناه الاولاد

وكبار السن خاصه

بتمنالك حياه سعيده

[حـ,ـكـ,ـآيـ,ـهـ,ـ ۅطـ,ـنـ,ـ]

لالا يا احلى الناس

مش ضعيف شخصيه

طاعة الوالدين من طاعة الله

بس لازم هو يعرف نفسه بين بيته "الزوجه"

والأهل" يعني انتي رغبيه بالاستقرار اللبس والاكل

والرومانسيه اضحكي عليه بكم اكله بيحبها وقولي حبيت اطبخلك ونتغدا سوى هبل النسوان يعني...

[العندليب الاسـمر]

معذرة اختي الكريمة

فمن تعتقد ومن يعتقد ان الزواج هو نهاية مطاف التعب والعذاب

وانه الملاذ الاخير لكل ما عانينا من مشاكل في حياتنا

فقد أخطا التقدير

نعم هو سكن ومأوي وملاذ لكن دون مشاكل مستحيل

بالعكس اول مشكلة تواجهنا في ايامنا الاولي خصيصا اذا كان زواج صالونات وليس عن حب

هو الشعور الدائم ان حياتنا لم تعد ملكنا ومفاهيمنا وتصوراتنا لم تعد تطبق كما كنا نفكر

فمفهوم الاستقرار عندي قد يختلف عن عندك ومفهوم التدخل عندي قد يختلف عن عندك

أري

ان اهل زوجك يعيشون حياة الاسرة الكلاسيكي التي لا تعترف بالاستقلال

وانك ستعانين كثيرا للوصول الي حياة مستقلة لانك تصطدمين بواقع حقيقي

استقر في هذه الاسرة منذ عمر زوجك او ما قبل

وصدامك في مراحلك الاولي لن يفسر الا انك ترغبين في الاستحواذ عليه

لكن بصراحة وبمنتهي الوضوح كل ما ذكرتي وان كان تدخل واضح في حياتكما

الا انه في ظني انه في حدود المعقول ولم يصل الي مرحلة الصدام العنيف

فقط عليك محاولة تقبل الامور بصدر ارحب والاقبال عليهم بحب وود ومحاوله كسبهم

فصدقيني هذا النوع من الاسر تبدو ككتلة واحدة خصوصا في البداية واغضاب طرف

خاصة من الابوين يجعل الكل ينقلب عليكي بمن فيهم زوجك

وما دامت الامور لم تصل الي اهانة او ايذاء نفسي او بدني او تعدي خلقي

فعليك محاولة تقبل الاخر فخلافكم في المفاهيم اكثر من كونه في شئ ملموس

فمثلا اصرارة علي تواجد احد من اهله عند ذهابة للعمل او ان تتواجدين في بيت اهله

ما هو الا خوف طبيعي او نظام معتاد لدي الاسر من هذا النوع وهو الا يصح ترك انثي بمفردها

اسعدك الله في الدنيا والاخرة اختي الكريمة

وللعلم

ستظفرين به ولو بعد حين
فقط
ان نجحتي في احتواء المشاكل المبدئية وتخطيها دون كسور

[حـ,ـكـ,ـآيـ,ـهـ,ـ ۅطـ,ـنـ,ـ]

الله عليك يا أسمر جبتا ومن الآخر

كلام جوهري يعي عن وعي ناضج

تحيتي لكلامك الرائع

جزاك الله خيرا واسعدك

[اذار .]

يا دي المشاكل الزوجيه ، يعني مش نتجوز احسن

اسمعي يا حبيبتي ، موضوع ان امه تيجي عندك و تجلس معاك
دا حاجه كويسه ، اهو علشان ما تكوني لوحدك و زوجك يكون
مطمن عليك و بقى تتسلي انتي و هيا
بس هو قلة ذوق منها و من حماكِ بيكونو عندك من اول شهر زواج
"" مش تصبري يا ام حسنين كم شهر و تيجي ، ربنا يهديك بس
المهم ،
ان انتي تروحي لهم كل يوم و تنامي عندهم كمان دا الغلط من زوجك
و كل يوم مشوار مشي و انتي حامل ، و مش طايقه نفسك ،
معلش بس زوجك ثقيل دم و ما عنده احساس
هو مش سئل عليكي و انتي عند اهلك ، يبقى مش تسئلي عليه
او ابعتي حد من اهلك يبقى حد فاهم و عقله كبير في الامور دي
و يكلمه ، ممكن ربنا يهديه و يبقى يعرف يعني ايه زوجه و خصوصيتها
و مش تزعلي نفسك يا بنتي ، اتبسطي عند اهلك الفتره دي
و انتي كمان محتاجه الراحه علشان الفتره الصعبه من الحمل تعدي بسلام .

ربنا يوفقك و يهدي زوجك و ينزل اشوية ذوق في اهله يارب . (:

[Words Whisper]

عايزه الصراحة
انتِ السبب
هو ايه اللي حماكِ يقول تروحي عندهم تقومي قايله حاضر ؟!!
تصرفات مش فاهمة سببها أساسا
هي تيجي تقعد معاكِ ولا انت تروحي ليه أصلا ؟!!
لو من البداية رفضتِ دا كان انتهى بدون مشاكل وبدون ماتوصلي للمرحلة دي
لأن مشكلة الوقت ان ف وضع هما اتعودوا عليه وانتِ فجأة جايه تبوظيه
المهم الوقت بئا وماحدث قد حدث
انتِ ولاتتكلميه ولاأي حاجه
لو حد هيتكلم يبئا باباكِ ومش يروح يقوله رجع مراتك
لا ، يروح يقوله ياابني انت اخدت بنتي أمانة انك هتكرمها والوضع الوقتِ كدا والصح كذا
وبنته مش ترجع غير وهي هتعيش بشكل طبيعي لان كدا اوووووووووفر انا دمي اتحرق ..

بالتوفيق ..

[phalsteen]

طب حببتي

الظاهر كدة ان حماتك وحماكي مالهمش حد وابنهم التاني صغير
يعني المفترض انك زي بنتهم

اومال مين يرعاهم
بدال جوزك طول النهار في الشغل

بس برضو انتي كمان ليكي حق
انتي لسه عروسه
والحمل في اوله ليه ظروف خاصه

فانتي بهدوء اتكلمي مع باباكي وجوزك

وحافظي علي بيتك
واعتبريهم اهلك

لو دول باباكي وماماتك كنتي هتستحملي تشوفيهم لوحدهم كدة

في الاول كل حاجة صعبه
لكن لما تتعودي عليهم
هتحبيهم

الجواز مسؤليه
ومش مشكله لو مسؤليتك كبيرة شوية

بكرة يعرفوا قيمتك
وربنا يعوضك خير في البيبي اللي جاي

فكري بهدوء تاني