الصفحه الاولي من (دفتر مُذكرات بنات مصر ) مع ايمان طلعت

[phalsteen]

مســـــاء الخير كنا اعلنا من فترة قريبه عن برنامج جديد مذكرات اعضاء بنات مصر وزي ما قولنا البرنامج هيعرض عليكم مرتين في الاسبوع كل مرة معانا صفحه من دفتر مذكرات الاعضاء الدفتر جامع لكل اعضاء المنتدي بمشيئه الرحمن الاول هنزل صفحه صفحه عشان يكون ليكم ولصاحب المذكرات الحق في الرد والمشاركه لكن لو حابين تتابعوا مؤخرا هيكون في دفتر جامع لكل الصفحات مثبت ومغلق كل واحد فينا صفحه والان مع الصفحه الاولي من دفتر مذكراتنا وكانت من حق القلب الحنون والاخت الرقيقه صاحبه الكلمات المميزة والتصاميم الرائعه هتشاركنا معاها في اهم لحظه في حياه كل بنت وكمان كتبت لنما بخط ايديها عنوان صفحتها تـــــــــــعالوا نشوف بئه ايمان طلعت مشرفة قسم السويتش ماكس مذكرات يوم زفافي 25/10/2001 طبعا اليوم دة عمرة ما يتنسي لاي بنت ذكرياتي انا فيه بقى ان اليوم اللى قبله ما نمتش مالفرحه (مكنتش اعرف اخرتها اللى هوصل ليها) وطبعا نص اليوم قضيته فى الكوافير كان يومها فيه عشر عرايس قالولي انى احلى واحدة فيهم ( يجوا يتفرجوا دلوقتى) المهم اجمل لحظه لما جه واخدني وسط فرحه الاهل و الزغاريد تحسي كدة انك فى عالم تاني طايرة من الفرحه بالفستان الابيض والطرحة وشغل الكوافير و روحنا على النادي كانت المفاجأه ليه انه جايب برنامج تليفزيوني يصور معانا وقتها كان فيه برنامج بيستضيف العرسان وطبعا انا اتخضيت لاني بمعرفش اقول كلمتين على بعض و خجوله جدااااا بس اليوم عدى والحمدلله (وربنا يجعلها اخر الاحزان) لو حابب يكونلك صفحه في دفتر مذكرات بنات مصر ابعت صفحه من مذكراتك معاها عنوان بخط ايديك ان لم يكن الصفحه متصورة بخطك منورة الدفتر ايمي وكانت بدايه حلوة مع ذكري اليوم الموعود ربنا يسعدك ويخليلك منه ونور انتظرونا وصفحه جديدة من مذكرات عضو ليكتمل الدفتر

[انا جيجي]

انا انا ممكن اشترك

[مُنـــــايا]

طبعا أجمل ذكري بحياة كل بنت يوم فرحها
واكيد انتي جميله برضوا دلوقتي ايمي :d
ربنا يسعدك يا قلبي يارب ويجعل ايامك كلها فرح وهنا

مجهود جميل سمسمه
دوما ً مميزه يا قلبي
لروحك السعاده

[العندليب الاسـمر]

سيبك انتي

كله كوم " وربنا يجعلها اخر الاحزان " دي كوم تاني



اساليني انا

بصراحة الفكرة حلوة اوي

وكمان اسلوبك في الكتابة عن ذكرياتك احلي واحلي

ربنا يسعد كل ايامك يا ايمان

[ندى المهندس]

روووووووووووعه ياقمر

[ايمان طلعت]

اشكرك سمسمه
انى كنت اول صفحه
فى دفتر ذكريات المنتدي
فكرة برنامجك جميله جدا
بالتوفيق غاليتي دائما

[ايمان طلعت]

اقتباس المشاركة الأصلية كتبت بواسطة مُنـــــايا طبعا أجمل ذكري بحياة كل بنت يوم فرحها واكيد انتي جميله برضوا دلوقتي ايمي :d ربنا يسعدك يا قلبي يارب ويجعل ايامك كلها فرح وهنا مجهود جميل سمسمه دوما ً مميزه يا قلبي لروحك السعاده

اه طبعا حبيبتي جميله اوى
وانا وسط الحلل كدة فى المطبخ
سيبيني ساكته مش عايزة اتكلم
وانتي على وش جواز كدة
اشكرك غاليتي لمرورك ودعوتك
ربنا يسعدك غاليتي
تحياتي

[ايمان طلعت]

اقتباس المشاركة الأصلية كتبت بواسطة العندليب الاسـمر سيبك انتي كله كوم " وربنا يجعلها اخر الاحزان " دي كوم تاني اساليني انا بصراحة الفكرة حلوة اوي وكمان اسلوبك في الكتابة عن ذكرياتك احلي واحلي ربنا يسعد كل ايامك يا ايمان

ههههههههههه
اسأل مجرب بقى
يلا ما دايم الا وجه الله
اسعدني مرورك المرح حسن
تحياتي

[ايمان طلعت]

اقتباس المشاركة الأصلية كتبت بواسطة ندى المهندس روووووووووووعه ياقمر

تسلمي ندي
اشكرك لمرورك
تحياتي

[سندس]

هيييييييييح
ربنا يسعدك يا حبيبتي
و يجعل ايامك كلها فرح
حلقة حلوة أوي يا سماااا
و انا إن شاء الله هشترك بقى ماليش دعوة