قلة ذوق مش طبيعية

[زهرة الياسمين]

السلام عليكم
انهاردة هاحكيلكم قصتي مختصرة
انا ف تالتة جامعة ومن سنة اولي اتترفت علي بنتين وبقينا صحاب ونروح ونيجي مع بعض مواعيد المحاضرات سوا وكلو تمام بس المشكلة ان هما مملين يعني مش بيتكلموا كتير علي طول مشغولين بالموبايلات بس كنت بقول عادي هما طبيعتهم كدة لكن الغريبة ان واحدة منهم وهيا اقربلي م التانية تقريبا كل يوم بنتكلم عالواتس وعالفيس وبنقع يمكن ساعة نهزر ونضحك لكن ساعة ما تبقي ف الكلية بقي تتكلم مع صاحبتنا التانية وتسيبني ولا كاني موجودة ونبهتها اكتر من مرة وقلتلها انتي في حاجة مضايقاكي مني قالتلي لو متضايقة مش هاكلمك اصلا وحاولي ادخلي ف حوار ما بينا تخلي البنت التانية دي تتعود عليكي ..الحاجة بقي اللي زادت عن حدها انهم بقوا يدوروا علي مدرسين للمواد ومش بيقولولي بالصدفة بعرف ويدوروا علي شغل كمان ويروحوا يذاكروا سوا وانا ولا كاني موجودة
كل ما اكون قاعدة معاهم دمي بيتحرق والله
حتي بيغيبوا من المحاضرات برضو مع بعض وبعدين ييجوا يسالوني اخدتوا ايه
انا حاليا بقيت اتجاهلهم خالص ولا اقعد معاهم ولاحتي اكلمهم عالنت بس بتغاظ لما بشوفهم رايحين جايين ويهزروا ويضحكوا كدة
انا ليا صاحبات كتير غيرهم وانا من النوع الاجتماعية
بس متضايقة اووي من قلة الذوق والبرود ده انا عمري ما شفت كدة ازاي مش حاسين بنفسهم
قولولي اعمل ايه عشان اخلص من الاحساس اللي هايقتلني ده
نفسي اغيظهم زي ما هما قاهرني كدة

[phalsteen]

يعني يغيبوا
ويتجاهلوكي
وانت تقوليلهم علي المحاضرات
طب ما انتي غلطانه
متدهمش اهتمام
واتعرفي علي صحابات تانيين
وعماليهم بالمثل
شغل الاستغلال دا
بيحرق الدم فعلا
وزي ما قولتي دي قله ذوق
متتعبيش اعصابك علي ناس متستاهلش

[ندى المهندس]

حبيبتى بسيطه خالص

المعامله بالمثل

جربى تتجاهليهم

وتحسسيهم ان وجودهم زى غيابهم

يعنى مثلا لو غابو وسألوكى عن المحاضرات

ردى عليهم هو انتم كنتم غايبين تصدقو ما اخدت بالى

ردك ده هايقتلهم ويحسسهم انهم ولا حاجه

انك حتى مش حاسه ولا اتبهتى لغيابهم

وبردو لما واحده تتقرب منك اعملى ان معاكى تليفون

واعتزرى انك مشغوله

لو وصلهم احساس عدم الاهتمام والامبالاه هتلاقيهم

بحب استطلاع يتقربو منك عشان يعرفو بتكلمى مين

او ليه مبقاش وجودهم فارق معاكى

وجربى من اول موقف هتحسى بالنتيجه

اتمنى لكى التوفيق حبيبتى

[السفيره عزيزه]

لا انا دائما افضل المواجهه..كده..
ومن غير مقدمات ...
تقولى انا كنت بتعامل معاكم كما ينبغى
ان تكون المعامله بين الاصدقاء .ولكن
من الواضح اننا من الصعب الاستمرار على هذا النحو.
فمن الان فصاعدا .اكثر من السلام ارفض.
واتمنى لكم كل الخير ..وما كنت اتمنى ان
تكون النهاية هكذا ولكن انتن من تسبب فى ذالك

واحمدى الله لان هذه ليست اخلاق ان فقدنها
تسبب الغيظ عند التخلص منها .بل احمدى الله..

واكيد ستجدى من يحترم الصداقة
ويتمنى التعامل معك

دمت بخير
السفيرة

[جبل عالي]

زي مانصحوكي يازهرة اللي قبلي
وصدقيني لازم تتعودي على كده من الناس
لان المصالح هي اللي طغت الايام دي
وعشان تكسبي نفسك واعصابك عودي نفسك
متنتظريش من حد معاملة زي معاملتك

لكن تحاولي متديش أكتر ما بتاخدي
صدقيني هترتاحي وربنا يوفقك ف حياتك دايما

[زهرة الياسمين]

شكرا ليكم جميعا
الظاهر انو المفروض كدة فعلاا
وده اللي بعملو حاليا ببعد شوية شوية
وهما اصلا مش فارقة معاهم ولا بيسالوا
فكدة اريح ليا وليهم