مسابقة الذكاء الخارق 3 ,,,

[خارج عن القانون]

السلام عليكم ورحمه الله وبركاته مقدمة فكرة المسابقة بسيطة جدا تدور حول توصيل دائرة ذات لون معين بدائرة اخرى تحمل نفس اللون والمسابقة مقتبسة من لعبة Flow Free بداية المسابقة المسابقة احد اصدارات السلسلة الحصرية للمنتدى سلسلة مسابقات الذكاء الخارق حيث انشئها فى يوليو عام 2010 SiLver Spectra وكانت البداية من خلال مسابقة الذكاء الخارق,, حيث كانت اول مسابقة من نوعها وحصلت فيها على المركز الاول ثم ظهرت مسابقة الذكاء الخارق 2 ,,, فى اغسطس 2011 وفازت بالمركز الاول العضوه الأزهـ شمعتى المضيئة ـر واستكمالا لهذه السلسله الرائعه ائتيكم اليوم بالاصدار الثالث اعترافا منى بقيمة هذه المسابقات وتقديم الشكر لمن بدا بها واهديها لكل عشاق المسابقات ومن يهوى التفكير والمنافسة الشريفة تعريف المسابقة المسابقة عبارة 10 مستويات منفصلين عن بعض تماما يعنى عايز تحل المستوى الاولى حل عايز تحل المستوى الخامس حل بس قبل البدء فى الحل اقرأ القوانين بعناية المسابقة بها مستويات من الاسهل الى الاصعب يعنى فيه فرصة لناس كتير انها تكسب والمسابقة تعتبر من اسهل المسابقات اللى عملتها خاصة فى المستويات الاولى منها شروط وقوانين المسابقه 1- ان يكون للعضو 100 مشاركه حتى يتمكن من ارسال الرساله المحتويه ع الحل 2-المسابقه مفتوحه للجميع (اعضاء ومشرفين ومراقبين واداره) 3- ترسل الاجابه فى رساله خاصة لعضويتى ويجوز ان تحمل الرسالة الواحدة حل لاكتر من مستوى 4- اذا كان يوجد استفسار او توضيح يسأل عنه هنا فى هذا الموضوع وليس فى رساله خاصه 5- المسابقة مفتوحة لمدة اسبوعان مده استلام اخر اجابه هى يوم الاثنين 1 ديسمبر 2014 طريقه ارسال الحل بعد ان تقوم بايجاد حل احد المستويات او المستويات كلها تقوم بوضعها فى رساله خاصه وترسل لعضويتى ويتم ذلك بالشكل الاتى عنوان الرساله "حل مسابقه الذكاء الخارق 3 " محتويات الرساله صورة حل المستوى كذا صورة حل المستوى كذا صورة حل المستوى كذا جوائز المسابقة هتلاقيها فى الموضوع هنا

[خارج عن القانون]

القوانين 1- لا يسمح التوصيل باستخدام الورب (السمبوكسه) فالتوصيل يجب ان يكون بخط مستقيم يسير بشكل افقى او راسى فقط 2- لا يسمح بان يتقاطع خط مع خط اخر يجب ان يسير الخط من الدائرة للدائرة الاخرى بدون اى يتقاطع 3- يجب ان لا تترك مربعات فارغه فيجب ان تسير بالخطوط حتى تملأ كل تلك المربعات ويجب ان يحتوى المربع على خط واحد فقط كل الامثلة المصورة السابقة هى امثلة خاطئة للحل اما الحل الصحيح هو

[خارج عن القانون]

Level 1 Level 2 Level 3 Level 4 Level 5 Level 6 Level 7 Level 8 Level 9 Level 10 بالتوفيق مقدما

[ندى المهندس]

الحمد لله انا مش فاهمه حاجه

بالتوفيق للجميع

[Stop Ana Eltop]

كنت بلعبها على التليفون بس بطريقه مصفره وسهله عن كدا شويه

تسلم بقن وهحااول احل ان شاء الله

بس هو مش 1 نوفمبر عدى ؟؟

[აα∂ Ԑγεა]

اها عارفها اللعبة دي مرة لعبتها بس زهقت منها :v
اشطات يا عكش
سؤال بقي مهم هل في اي افضلية للي بيبعت الاول ؟
بمعني جايزة الاوائل اللي ف الاخير ليها علاقة بالوقت ؟

[აα∂ Ԑγεა]

اقتباس المشاركة الأصلية كتبت بواسطة stop ana eltop كنت بلعبها على التليفون بس بطريقه مصفره وسهله عن كدا شويه تسلم بقن وهحااول احل ان شاء الله بس هو مش 1 نوفمبر عدى ؟؟

ايه المسابقة اللي بتخلص قبل ما تبدأ دي
قفشتك يا عكش
1 ديسمبر بقي علينا وعليكي بخير
صلح يا حج فضحتنا

[خارج عن القانون]

اقتباس المشاركة الأصلية كتبت بواسطة stop ana eltop كنت بلعبها على التليفون بس بطريقه مصفره وسهله عن كدا شويه تسلم بقن وهحااول احل ان شاء الله بس هو مش 1 نوفمبر عدى ؟؟

تم تعديل التاريخ 1 ديسمبر

[خارج عن القانون]

اقتباس المشاركة الأصلية كتبت بواسطة აα∂ Ԑγεა اها عارفها اللعبة دي مرة لعبتها بس زهقت منها :v اشطات يا عكش سؤال بقي مهم هل في اي افضلية للي بيبعت الاول ؟ بمعني جايزة الاوائل اللي ف الاخير ليها علاقة بالوقت ؟

فى البداية مش هيفرق يا حودا

انما فى التصفيات اه هيفرق

فى المستوى ال 11 وال 12 ان شاء الله

[Stop Ana Eltop]

انا حليت 5 مستويات بس هو لازم اللون يبقى مطابق للدايره ولا اى حاجه ؟؟

وبالنسبه للتاريخ فكرتكوا خلصتوها وبتزلونا ولا حاجه