حنينى تعبنى (الفضفضة الذهبية )

[العاشق الذى لم يتب]

حنين معناهاكبير أوى وعظيم وجليل حنين ربناخلقه فى قلوب كل البشر حتى المجرمين منهم والصالحين وكمان زرعه فى قلوب الحيوانات والطيور وسائرالمخلوقات وفيه مثل بيقول (الكلبة نزلت على ولدها البحر) علشان تنقذه من الغرق حنين يعنى الحب والشوق حنين يعنى الحرص وأجمل الأمانى وبعيدا عن الصورة والمطلوب فى المسابقة مافيش أجمل من قلب أحنين اللى جواه قلب فيه حنان بيكون أعظم ماخلق ربى بالحنان نتنازل عن كل أسية وننسى كل أذية بالحنان نشوف كل الناس طيبة ونسمع الكلمة الوحشة نشوفها أجمل سلام بالحنان القلوب مرهفة وحساسة وبالحنان العين بتدمع لماتشوف أو تسمع كلمة حلوة أو وحشة أو موقف جميل وآخرقبيح بالحنان كان حبيبنا البنى محمد صلى الله عليه وسلم دموعه تنزل لمايشوف حد صالح من فرحته بيه ودموعه تنزل لمايشوف ضال من خوفه عليه حنينى بيتعبنى حبيت أخلى عنوان فضفضتى بكده علشان جانى يوم ودعيت ربنا وقولت يارب تعبت من كترحنانى وعطفى لو عرفت حد وصاحبته أتمنى يكون معايا طول العمر وحنينى وشوقى ولهفتى لحبيبة ديماسكناها بقلبى أشتاق لها وهى بالقرب منى وهى بعيدة عنى ورببنا رزقنى بذرية لماابص فى وش واحد من ولادى أحس أنه بيقولى محتاج من حضنك يابابا أضمهم جوة قلبى قبل مايكونوابحضنى ودمعتى تنزل على وشهم وأناشايلهم وأقول ياربى قدرنى أسعدهم وأخليهم أحسن ماخلقت تعبت ياربى من كترحنانى وشوقى كتيربتنزل دموعى فى كل يوم وفى كل ساعة بالليل وبالنهار وفى ساعة فرحتى وفى ساعة ضيقتى أتمنيت لو كنت قلبى قاسى ومافهوش حنان ولاكانتش دموعى تنزل ومن كترها عيونى بتوجعنى بحن لكل صاحب وصديق لى وبحن لأمى وأبويا وأخواتى الحى منهم والميت بحن لحبيبتى أوى أوى أوى وبحن لأولادى وأدعيلهم ربنايسعدهم بحن لمكان مرت عشت فيه وبحن لحد مرة كان لى معاه عشرة وبحن لربى وأفرح وأنابناديه بحرقة ودمعتى تسبق دعوتى صحيح ياحنان تعبتنى بس راضى بيك علشان خلتنى أحب كل الناس ولاعمرى كرهت حد بس كده فضفضتى مايهمنيش مسابقة ولاأوسمة يكفينى أنى فضفضت باللى جوايا وأشكر أختى سما ربنايسعدها ويفرحها صاحبة البصمة الجميلة فى هذا المكان ويظهر والله أعلم أن كل شيئ حلو لازم يمشى بسرعة ونحزن عليه رفعت

[مُنـــــايا]

وإستيقظ ذابلا مع أول خيوط الشفق
فنفث الگون من حمرته في قلبه
فاشتعل وأزال عنه غبار الوهن
المعشش في زوايا مخدع شوقه وحنينه

أخي \ رفعـــت

كلمات صادقه من قلب صادق
يتسم بالطيبه والحنان ...
سلمت وسلم نبض قلبك
لروحك السعاده

[العاشق الذى لم يتب]

اقتباس المشاركة الأصلية كتبت بواسطة مُنـــــايا وإستيقظ ذابلا مع أول خيوط الشفق فنفث الگون من حمرته في قلبه فاشتعل وأزال عنه غبار الوهن المعشش في زوايا مخدع شوقه وحنينه أخي \ رفعـــت كلمات صادقه من قلب صادق يتسم بالطيبه والحنان ... سلمت وسلم نبض قلبك لروحك السعاده

كل الشكرلك
منايا
وتلك التحفة التى هناوضعت
شرفنى مرورك
تحياتى وودى

[Lamees]

فضفضتك راقية نابعة من قلب مليء بالحنين
موفق رفعت

[العاشق الذى لم يتب]

اقتباس المشاركة الأصلية كتبت بواسطة اطياف الماضي فضفضتك راقية نابعة من قلب مليء بالحنين موفق رفعت

اشكرك رونىلمرورك الراقى
لك عظيم تحياتى

[الفيلسـوف]

ياعم مبدع والله مبدع والله قصه والله فنان طيب اعملك ايه علشان تصدق
انا قولت ماانزل المسابقه مع العمالقه من البدابه ماحدش صدقنى تسلم ايدك فنان فنان فنان
تقبل مروى وخالص احترامى وتقديرى لشخصك الكريم

[العاشق الذى لم يتب]

اقتباس المشاركة الأصلية كتبت بواسطة sad_love ياعم مبدع والله مبدع والله قصه والله فنان طيب اعملك ايه علشان تصدق انا قولت ماانزل المسابقه مع العمالقه من البدابه ماحدش صدقنى تسلم ايدك فنان فنان فنان تقبل مروى وخالص احترامى وتقديرى لشخصك الكريم

كتيرده ياراجل عليا
ربنايسعدك اخى الغالى
وأنت زعيم الفانين
شرفتنى ونورتنى
تقبل تحياتى وودى