قالو عنى درويش

[(طائر الشرق)]

قالو عنى درويش وملامحى أصبحت تخوف أقرب لملامح الوحوش غُبار وتجاعيد بينها أسرار وشعر غريب منكوش فاكرينى من غير مشاعر مع أنى كنت وسيم وبشوش والناس بتحكم على الظاهر أصلهم أغبيا ميعرفوش أننا مش لازم نبكى ونصرخ وندارى ورا الوشوش جــرح كبيرأو ألــم أو حلم عــدى علينا مشفنهوش لامونى لما شافو دموعى وقالو عنى ضعيف حرفوش مقدرش أحبس مشاعرى ولا أنافق وأقول مشفتوش مـع ان اللى فـى قلبى على جبينى محفـور ومنقوش مش زى ناس من غير مشاعر وعقلها جوه الكروش وممكن تبيع أى شئ لو كان ضميرها بكام ملطوش والشرف على كل شكل ولون عـ البلاط أو مفروش كرهت الناس الغدارين شايفهم كلهم لابسين وشوش يوم تنافــق ويوم تجامل وعند الغــلابه مبيرحمـوش ممنوع عليهم الفرح أو تنزل دموع من بين الرموش كل ده لأنى حبيتك وصرحتهم وكلهم عملو مسمعوش وبعدها هجمونى فـى كـل مكان وقـالو عنى درويش وأنتى صدقتيهم وحكمتى على نفسى لاتفرح ولاتعيش

[جبل عالي]

درويش وماشي سكته مطمن
مش شايل هم بكره
درويش والفكرة ف قلبه كلمة
بيقولها بدون مايخاف ولا يحسب
درويش والحب عنده أغلى من بكره

ملامحه تحكي حكاوي
والحزن ف قلبه غناوي
مجروح ولغيره مداوي



****

راقي الحرف ايها العازف
كن بكل الخير ولك
كامل الاحترام

[ندى المهندس]

كلمات تعكس وشوش خلف الأقنعه

واحساس لامس واقع نعيشه

ومعانِ خلف السطور ما أروعه

راقى فى طرحك أخى

سلمت أناملكــــــــ

[شاعر الحب الحزين]

حسيت انك بتخاطب بلاد

عازف الصمت انت هنا عزفت لنصمت نحن

جمعت بين وقائع أليمة في حياتنا

وبين تعلقك بحبك لمن تخاطبها رغم النظرة السيئة لك

سر على ما أنت عليه ولا تلتفت لهم فأنت على حق

وابقى كما أنت فلا بد أن تتغير نظرتهم لك

راقي أنت يا عازف الصمت

عزفت هنا اجمل الكلمات وطربنا بقرائتها صدقا

دمت بكل الخير اخي الغالي

احترامي وتقديري

[انا جيجي]

درويش وشايل جواه حكاوى

زمان وفات عليه اوقات للحكاوى

[عرب اكسبريس]

مشكور اخي علي هذا

[السفيره عزيزه]

درويش دى يعنى ايه
يعنى قلبه ما بيحس بيه

درويش يعنى ايه وليه
وازى ما ترحم عنيه

ويا ريت تيجى تهاديه
وبرحها لازم تفديه

درويش بس احساس
وشرب من نفس
الكاس

وكتب سطوره على اساس
ان يحس بيه الناس



درويش وننتظر الجديد
ودمت بخير
السفيرة