عندى حلم وهاوصله

[SaMa.]

الحلم يعنى الامل انك تفكر ف هدف وعاوز تحققو
حاجه بتدى لحياتك معنى وعايش عشانها
الحلم غالبا بيكون متجدد وميعرفش حدود
كل متوصل لمرحله تفكر ف التانيه وكل المتعه ف التعب للوصول ليه موش هاتلاقى حلم سهل يجيب وراه سعادة وطبيعه الانسان الفضول وحب الاكتشاف بتساعده على تحقيق حلمه مستحيل تلاقى حد مكتئب او كله يأس
بيفكر ف بكرا او عندو حلم نفسو يحققو
الفقير بيحلم بالفلوس والغنى بيحلم بالصحه ويتمتع بالدنيا
الخايف بيحلم بالامان والاستقرار
المظلوم بيحلم بيوم العدل الل هايرجعلو حقو فيه
والمحروم من الحب بيحلم بيه وبيشغلو الحنان والاحتواء
فيه الل حلمو انو يتعلم او يرتبط بالل بيحبو
وفيه الل حلم حياتو الدين ويعرف كل حاجه فيه
السعادة كمان لوحدها حلم كبير بنحلم بيه كلنا
بس المهم موش الحلم المهم طريقه الوصول ليه
لان هى اللى هاتكمل الفرحه بيه عشان مينفعش تبقا الطريقه غير مشروعه وخاليه من الاخلاق وتستنى تدوم الفرحه الل بتكمل حلمك
انا حلمى بسيط ونفسي احققو
وعشان كده هامشي ف الطريق الصح عشان افرح بيه ويكمل معايا
وانت وانتى ي ترى عرفت حلمك والطريق الل هاتوصلو بيها
‏SaMa

[Lamees]

اهم حاجة اننا نحدد احلامنا
وبعدها نقدر نحدد الطريقة اللي ممكن نحقق بيها حلمنا ده

فضفضة جميلة سما
يدوم التميز والتواجد لجميل

[.Lamar]

عجبنى اسم موضوعك سما
كل واحد فينا له حلمه
فالاحلام جزء من حياتنا
منا اللى بيسعى و يجتهد و يخطط صح عشان يوصلها
و منا اللى بتاخده الدنيا و بينسي حلمه مع الوقت
الفرق دايما فى الاصرار و قوة رغبتنا فى تحقيق الحلم دة

شكرا ليكى سما
و ان شاء الله تحققى كل احلامك

[السفيره عزيزه]

ولولا الاحلام والامل ما استمرت الحياة
ول قتلنا اليأس قبل الممات بممات
لكن مسلمون نحن وهيهات هيهات
صبرا جميل هنا يخفف اللوعات
وجنة هناك وعد رب البريات


نعم حبيبتى من ما له حلم يؤرق نومه
عدم تحقيقه ويسعى جاهدا ونسأل الله السلامة من شيء
يعيقه..

جميلة الطلعة سما
سلمت يداك و دمت مميزه
السفيره

[™Amiliya]

وكلمة ان شاء الله تفعل المعجزات

ربنا يحققلك وللجميع احلامهم وبعين مفتوحة

[ابو نصير]

سيدتى ... سما فى دنيا وعالم تحقيق الأحلام والأمنيات
سيدتى ...
بالجهد وبالعرق فى دنيا التعب والمشقه من الممكن يحقق الأنسان حلمه
ومن الممكن لا يحقق حلمه ........
ولكن الرضا بما قسم الله له يكون أغنى وأسعد الناس فبذلك تستقر حياته ويستقر حلمه بين ذاته الذى يراوده
ولكن الأحلام كثيره فى هذه الدنيا وطموحاته لن تنتهى وإذا أراد الأنسان أن يحلم
يحلم على قدر أمكنياته ...
المظلوم بيحلم بيوم العدل الل هايرجعلو حقو فيه
والمحروم من الحب بيحلم بيه وبيشغلو الحنان والاحتواء
أجمل مافى حديثك ياسيدتى
المظلوم بيحلم بيوم العدل وإذا ضاع العدل بين الناس لا تتواجد الأحلام فى دنيا من الظلام....
وإذا فقد المحروم الحب ولن نعطى له الحب فيموت حلمه ولا تسطتيع الأحلام تراوده فى منامه
أشكرك سما على موضوعك الذى يعالج أحلام البشريه فى دنيا الواقع
أبو نصير

[هادية]

ربنا يحقق لك كل احلامك يارب

ويحقق لكل الناس احلامها

الاحلام احيانا كتير بتكون بسيطة

بس لما بتتحقق بتسبب فرحة كبيرة

موضوع جميل جدااااااااااااااااااااا

[شاعر الحب الحزين]

احلامنا ملكنا ولازم نجاهد عشان نحققها

ونوصل لأمنياتنا

ربنا يحققلك أحلامك وامنياتك كلها يا سما

تسلمي ويسلم فكرك الجميل

احترامي وتقديري

[SaMa.]

ثانكس ع الردود وان شاء كل احلامكو تتحقق

[Words Whisper]

بدون مايكون عندنا حلم
يبئا مش هنتحمل مصاعب الحياة
والأهم من الحلم اننا نحوله حقيقة جميلة ..


ربنا يحقق لنا أروع من أحلامنا ..
تسلمي ..