ممكن تردوا على سؤالى

[NERA 31]

السلام عليكم ورحمة الله وبركاته

ازيكم يا احلى اعضاء انا كنت عايزة اعرف رد فعل كل واحد منكم فى الموقف ده

اذا كنت بتحب واحدة جدا وهى كان كل كلامها بيدل انها بتحبك بس بعد كده طلبت منك تكونوا زي الاخوات هتعمل ايه؟
وطبعا البنات ليهم نفس السؤال بس طبعا الولد هواللى هيطلب منك تكونوا زي الاخوات
وبعد كده انا عايزة اعرف هو ممكن مشاعر الحب تتحول لمشاعر الاخوة؟
وازاى الواحد يتغلب على الجرح المؤلم اللى حاسس بيه بسبب الموقف ده؟
يارب يجماعة تردوا وتنوروا الصفحة بمروركم:vb17:

[thoma21]

يسعدنى انى اكون اول واحد ارد على التوبيك الهائل ده تسلم الايادى البرنسيسه بجد
بصى يا برنسيسه الموضوع ده شائك جدا
بس انا هقولك من وجهة نظرى عمر ما الشعور بالحب يتحول الى شعور بالصداقه والاخوه لان مهما قولت ايوه هيفضل حبها جوايا
والشعور والاحساس يتطور من الاخوه والصداقه الى الحب
هذا هو حال الشعور والا حساس
ولكن عندما يقال لى كلام زى ده خلينا اخوات او اصحاب ممكن احساسى وشعورى يتحول الى الغضب الشديد جدا لانى ساعتها هحس انى كنت لعبه

[NERA 31]

شكرااااااا thomaعلى مرورك الرائع و اهتمامك بالرد .نورت الصفحة

[waleeeeed1984]

اشكرك على الموضوع الجميل

بالنسبه لرأيي فى هذا الموقف

بيكون انى بجعلها مثل اى واحد من اصدقائي الى اعرفهم

لانى بصراحه عمرى ما اجرى خلف واحده حتى لو بحبها

وكل واحد حر فى تصرفاته وكل واحد بيحدد مصيره بقرارته

[NERA 31]

شكرااااااااا اخى على مرورك و ردك الجمييييل

[محمد الشريف]

البرنسيسة

نحياتى لك

لقد عرضتى ظروف غالبا ماتحدث وقد تؤلم شعور بعض من يتعرض لها ,

وتقوى عزيمة البعض للاستفادة من التجربة



إذا كنت بتحب واحدة جدا وهى كان كل كلامها بيدل انها بتحبك بس بعد كده

طلبت منك تكونوا زي الاخوات هتعمل ايه؟

مسألة الشعور دى مسألة حساسة جدا وينبغى فيها إما أن يكون العقل مقدم عن المشاعر

أو بالأدنى توازن العقل مع الشعور فالإطلاق فى الكمال ليست من صفات البشر وكل تغير وارد

وفى أى لحظة فإن لم أصون نفسى أولا فلم يصوننى غيرى مهما كان هذا الغير . وعملا بمبدأ

الوقاية خير من العلاج ومبدأ من نظر إلى العواقب سلم مما يجرحه .. فيبنغى التحوط من تشغيل

العواطف لأقصى درجاتها حتى لآتأتى لحظة تعصف بنا .بل لنا أن نتخيل لو أن سيارة تسير بسرعة

رهيبة بلا حساب لمصادفات الطريق الواجب الاستعداد لها فى أى لحظة وفجأة اعترضها عارض

مفاجىء لايمكن تداركه ... فمن المؤكد أنها ستنقلب وسيكون آثار الحادث أمور رهيبة لنا أن نتخيلها


هل ممكن مشاعر الحب تتحول لمشاعر الاخوة؟

الاجابة هنا تتوقف على الدرجة والظروف التى تدعو إلى التحول حيث لايوجد لها نموذج محدد وإن

كان من الصعب تقبلها إلا استسلاما .



وازاى الواحد يتغلب على الجرح المؤلم اللى حاسس بيه بسبب الموقف ده؟


مفيش حرح إلا وله علاج لكن جرح المشاعر يتوقف على شخص المجروح ودرجة الحزن

التى تعرض لها وحجمها وعن مدى مساهمته فيما جرح فيه وعما إذا كان غدر به ... وماإلى

ذلك فنجد البعض لديه القدرة على اسنيعاب الموقف ويحوله إلى طاقة تتجدد به آماله ويتدارك

الأسباب والمسببات الى قد تنأى به للوقوع مرة أخرى فيما تعرض له ويحول التجربة فى نفسه

لدواعى القوة النفسية والاستفادة من الدروس المستفادة .... وذلك سيكون أفضل من اليأس

والبكاء وتهيئة النفس لسب الزمن والظروف والابتعاد عن طرق تكوين العقد النفسية وارتداء

النظارة السوداء ليرى الناس بها ويحكم على كل مايشعر به على أنه أسود قاتم ..

ومن منظورى أن الزمان لايتوقف والآمال التى يزرعها فى نفسه كأسلوب حياة جديرة بأن

تهيىء له السبل المتوخاة فى عبش الحياة والتعامل مع كافة ظروفها وأحوالها .


مع تحياتى

[همس الحياة]

بصراحه يعنىى ما راح يتغير فينى شي

[شاعر الاقصى]

ببعد التحيه اولا اشكرك على سؤالك يا برنسيسه

اجابتي عنه

طبعا صعب بس فيه حاجه لو كنتم بتحبوا بعض فعلا عمر الشعور ما هتتحول بسهوله

ولو ده سببه ظروف صدقيني الحب يكسح اي عواقب

إذن ده مكنشي حب ياريت اكون قدرت اوصلك المعلومه بإختصار

وياريت تزوريني في منتدى الشعر

اخوكي
شاعر الاقصى

محمد المنسي وشكرا الي

إ

[نمله بتستهبل]

بصي انا لو قالي كلمه زاي دي هقولو لا لاني احنا مكنش اخوات قبل كده عمر الحب ينفه يتحول لي اصدقاء او اخويا لكن الصدقا هي اللي ممكن تتحول لكن الحب لا بس انا لو اتقلي كده هقولو لا نبعد عن بعض خالص بصي هقولك حاجه اسهل طريقه بانك تنسي بيها الجرح انك تحولي بقدر الامكان متفكريش في كل ما تحسي انك هتفكري في تشغلي نفسك بي اي حاجه تانيه وبعدين هيروح واهد هيجي بدالو الف واحد يعني اللي يبعني معا الف سلامه

بس ونايس توبيك يا جميله

[شارده]

اولا
اشكرك يابرنسيسه على الموضوع
تانيا
بالنسبه ليا لو قلي خلينا اصدقاء او اخوات مش هقبل لانه عمر الحب ما يتحول الى اخويه ابدا انما ممكن ابعد عنه ويبعد عني وده هيكون افضل
لاني هفضل احبه ومش هينفع يكون قدامي ومش احبه وهيكون موقفي صعب جدا
تقبلي مروري