ياليلة بيضا وينهار سلطانى

[العاشق الذى لم يتب]

السلام عليكم
واهلابيكم وحشتونى
بعدغياب طال تقريباأربع أيام
كنت مسافرفيها من الصعيد لدمياط
كنت عند بلد الحبيبة والتى أصبحت زوجتى
كتبنا الكتاب وعلقناالزينة وعزمنا الأهل
والأصحاب وكل الأحباب عقبال عندكم جميعا
صراحة مافيش اجمل من الأفراح ومافيش اجمل
من أن يمن الله على الأحبة والعشاق يجمع بينهم
والحمدلله ربنا جمع بينى وبين حبيبتى وكانت امنية روحى
وكل مطلبى ولله الحمد جمعناالله على كتابه وسنة رسوله
أدعوا لناأن يتمم الله لنا ويحين موعد الزفاف قريبا
ومع الجو البارد والعواصف والامطار
كان الجو عندى وعند حبيبتى أجمل جو وأجمل لحظات العمر
والشوارع كلها زحاليق وأمطار
وأصريت نخرج أناوعروستى
ولازم نخرج أمال يعنى أوسوس عروستى أزاى
واهمس لها بهمساتى أزاى
المهم خرجناالشارع نتمشى وهى بتقولى الجوبارد أوى
والشوارع كلها مية وطين
قولت لها فكرتينى بعمتى الله يرحمها
سألتهايوم مااتجوزتى كانوبيغنولك وبيقولوا إيه
قالت غنولى وقالواياليلة بيضا ينهارسلطانى
قولتها وكانت ليلة بيضا قالت لأ
كانت ليلة غبرة ومنيلة بستين نيلة
ليه كده بس ياعمتى
قالت زمان كان لازم العريس يشيل عروسته على أكتافه وياخدهامشى من بيبت أوبهالحد بيته
وكانت الدنيا مطرة والشوارع كلهاطين وزحاليق
والعريس شالنى وأتزحلق ورمانى اتكسرت واطينت
والفستان بقى لونه هباب
عربوستى ماتت من الضحك ولسة بنضحك أناوهى
ولقيناروحناغارسين فى المية والطين
وطبعا البلد اللى ماتعرفش حد فيها
شلح وأمشى فيها أخوكم قلعت هدومى ومشيت
بلون الطين والزحاليق
وعقبال عندكم تتزحلو ليلة فرحكم

[اميره الشعر الشجين]

حد يعمل كدا فى الجو النيله دا ياعاشق
هههههههه ربنا فى عونكم بقن

موضوع جميل وخفيف يدوم عزك

[الفيلسـوف]

اقول عليك ايه بس يااستاذه رفعت فكاهه نلقى ضحك نلقى رومانسيه نلقى هههه
فعلا العاشق دائما وصانع البسمه الجميله دائما تحياتى لك ايها العاشق الجميل

[العندليب الاسـمر]

الف مبروك يا رفعت

بارك الله لكما

وبارك عليكما

وجمع بينكما في خير

[العاشق الذى لم يتب]

اقتباس المشاركة الأصلية كتبت بواسطة اميره الشعر الشجين حد يعمل كدا فى الجو النيله دا ياعاشق هههههههه ربنا فى عونكم بقن موضوع جميل وخفيف يدوم عزك

انتى عندك الجومطر
وماشية ليه فى الشارع بئا
موضوع مين يادكتورة
ده مش موضوع
ده حكاية حصلت
عقبال عند الافراح
شرفنى مرورك يوشا

[العاشق الذى لم يتب]

اقتباس المشاركة الأصلية كتبت بواسطة sad_love اقول عليك ايه بس يااستاذه رفعت فكاهه نلقى ضحك نلقى رومانسيه نلقى هههه فعلا العاشق دائما وصانع البسمه الجميله دائما تحياتى لك ايها العاشق الجميل

اشكرك ياغالى
انت كمان كلك ذوق
ربنايسعدقلبك
شرفنى مرورك
تحياتى وودى

[العاشق الذى لم يتب]

اقتباس المشاركة الأصلية كتبت بواسطة العندليب الاسـمر الف مبروك يا رفعت بارك الله لكما وبارك عليكما وجمع بينكما في خير

تسلم ياغالى عقبال اولادك
بارك الله فيك
شرفنى مرورك
واسعدتنى دعواتك

[هادية]

الفين مبروووووووووووك يا رفعت انت وامنية

ويارب يفرحكم دايما ويسعدكم

ويبعد عنكم عيون الناس

ويبارك فيكم وليكم وعليكم

ويرزقكم بالذرية الصالحة السليمة المعافاة بلا زيادة ولا نقصان

[العاشق الذى لم يتب]

اقتباس المشاركة الأصلية كتبت بواسطة هادية الفين مبروووووووووووك يا رفعت انت وامنية ويارب يفرحكم دايما ويسعدكم ويبعد عنكم عيون الناس ويبارك فيكم وليكم وعليكم ويرزقكم بالذرية الصالحة السليمة المعافاة بلا زيادة ولا نقصان

اللهم آمين
اشكرك
هادية عقبالك يارب
ونردهالك فى الافراح قريب
بارك الله فيك
وجزاك كل الخير

[دفاتر القمر]

طيب انت زعلان ليه مش كان يوم جميل
هو فيه اجمل من المطر والمشي تحت المطر
خليك رومانسي يا رفعت تسلم علي الخزعبلايه