مصدق نفسه

[phalsteen]

مصدق نفسه ال شايف الدنيا ظالمه اوي عنده ظروفه دايما الاول مسألش نفسه ولا حاول يسألها مرة عن حالها طمعان تملي في حنانها وسؤالها عنه يتمادي انانيته صعب تفهمها اصله مخلوق مهوش عادي مخطرش يوم علي باله ازاي عينها بتكابر و بترفض حتي تندهله تحكيله علي فيها ساكن بيقولوا الحب بيفرح لكن دي بسببه بتعاني مجروحه منه ولا همه وكمان عليها بيكمل بكلام يسم ما يفرح بحبك اه مبنكرشي عشان تملي بضمي وسؤالك عني بيعني وبحس اني فيكي ساكن معلون دا حب بيهون عليك دوامه الحاله وكأن قلب انسانه ما بين ايديه بئه سجارة يحضنها وقت ما يريدها يدوسها لما يسالها بقلمي / سيدة مصر الاولي نشرتها بتاريخ 12/1 9:57 pm علي الفيس بوك

[محمود الصاروخ]

سيدة مصر الاولى
فى كل مكان تلاقيها

مبدعه دايما ام محمد
تسلم الايادى

[phalsteen]

محمود شرفني تواجدك اخي
كل الود والاحترام
جزاك الله خيرا

[.Lamar]

احنا اللى بنقلل من نفسنا
و نسيب فرصة لانسان انه يتعامل معانا كدة
حلو الحب لما يكون الاحترام فيه متبادل
و الطرفين بيدوا بنفس القدر
مش واحد بيدى و جاى على نفسه دايما
و التانى بياخد و بس

جميلة كلماتك سما
كل الشكر
ودى لكى

[phalsteen]

عندك حق
نورتي لمار

[ايمان طلعت]

جميل الحب لما كلا الطرفين يقدر التاني ويحترمه
مش وقت الاحتياج بس يدور عليه
دام نبض قلمك غاليتي
تحياتي

[phalsteen]

تسلميلي ام نور
نورتيني بمرورك المميز

[العندليب الاسـمر]

دة الوجع اللي مبيشفوش غير اللي جربة

وجع مكتوم متسمعلوش صوت لكن بيئن جوانا

من اللي مصدقين نفسهم ومحناش قادرين لا نسيبهم ولا نقعد جنبهم

تحياتي سيدة مصر الاولي

[SaMa.]

الانانيه والاهمال بيقتلو الحب كلامك حلو اوى سما

[همس الحنين]

مبدعه يا سما

يسلم قلمك